3/28/2024
Today from Hiiraan Online:  _
Wararka Maanta- Jimco, Apr 13, 2018
Wasaaradda Amniga Soomaaliya oo sheegtay in isbadal lagu sameeyay qorshaha sugida Amniga caasimada

 

Jimco, April, 13, 2018 (HOL) – Wasaaradda Amniga Xukuumadda Federaalka Soomaaliya ayaa waxa ay sheegtay in isbedel lagu sameeyay qorshaha amniga guud Magaalada Muqdisho..

Wasiirka Amniga Soomaaliya Maxamed Abuukar Isloow Ducaalle ayaa waxa uu sheegay isbedelka la sameeyay in uu yahay in la furay wadooyinkii xiran magaalada ciidamada xasilintana ay hada ku sugan yihiin Waddada Warshadaha ee Magaalada.

Ciidamada ammaanka ayuu faray in shacabka Soomaaliyeed ay si wanaagsan ula dhaqmaan, maadaama ay u adeegaan shacabka, taas bedelkeeda ayuu shacaba ka dalbaday in ay si dhaw ula shaqeeyaan ciidamada ammaanka.

“Jidadkii xirnaa sida jidka Wadnaha waan furnay, ilaa jidka Warshadaha ayaan geynay, waan sikinay, shacabka waxaan uga mahad-celinaa dulqaadka ay inoo muujiyeen waxaan  ka dalbanayaa in ay si dhaw ula shaqeeyaan  ciidamada  ammaanka, sidoo kale ciidamada waxaan farayaa in ay u dhimriyaan shacabka” ayuu yiri wasiirka Amniga.

Labadii cisho ee la soo dhaafay gadiidleyda iyo bulshada ku dhaqan magaalada Muqdisho waxaa ay nafiseen ciriirigii badnaa ee ka jira magaalada kaddib markii inta badan leysku furay jidadka caasimada, meeshana laga saaray culeyskii badnaa oo ay kala kulmi jireen baaritaannada.

C/raxmaan Diini, Hiiraan Online
[email protected]













Click here
4/13/2018 1:42 PM EST
Jimco, April, 13, 2018 (HOL)-Wasiirka Wasaaradda Waxbarashada,Hidaha iyo Tacliinta sare Dr. C/raxmaan Daahir Cismaan ayaa sheegay in Wasaaradda Waxbarashada ay qabaneyso Imtixaanka Shahaadiga ee Dugsiga sare ee sanad Dugsiyeedka 2017 iyo 2018-ka.

4/13/2018 12:41 PM EST
Jimco, April, 13, 2018 (HOL)-Diyaaradaha aan duuliyaha laheyn ee Mareykanka ayaa Arbacadii ina dhaaftay duqeyn la beegsaday saldhig ururka Al-shabaab ay ku leeyihiin Waqooyi Galbeed ee Magaalada Kismaayo, meel u dhaw degaanka Jannaay Cabdalle.

4/13/2018 8:53 AM EST
Jimco, April, 13, 2018 (HOL)–Inkastoo laga faraxashay khilaaf siyaasadeedkii ka dhashay mooshinkii laga keenay guddoomiyihii xilka iska casilay Prof Maxamed Cismaan Jawaari, mar kale baarlamaanka Soomaaliya ayaa wajahaya khilaaf ka abuurmaya qodob sharciyeedka ah cida u tartami karta xilka guddoomiyaha Golaha Shacabka.

4/13/2018 4:29 AM EST
Jimco, April, 13, 2018 (HOL)–Madaxweynaha maamulka Hirshabeelle Maxamed Cabdi Waare oo maalmihii ugu danbeeyayba sugnaa magaalada Beledweyne ayaa xilkii ka qaaday guddoomiyihii gobolka Hiiraan Cali Jeyte Cismaan, waxaana xilka guddoomiyaha gobolka loo magacaabay Cabdullaahi Axmed Maalin Sufurow.

4/13/2018 1:18 AM EST
Jimco, April, 13, 2018 (HOL) –Dowladda Uganda ayaa qorsheyneysa in ay canshuur maalinle ah ka qaado dadka isticmaala baraha bulshada wixii loo gaaro July, si sare loogu qaado dakhliga, sida uu sheegay Wasiirka Dhaqaalaha dalkaasi Matia Kasaija.

4/13/2018 12:58 AM EST
Jimco, April, 13, 2018 (HOL)–Madaxweynaha dowlada Soomaaliya Maxamed Cabdullaahi Farmaajo ayaa si adag u cambaareeyay Qaraxii galinkii danbe ee shalay lala eegtay dhalinyaro kubad ku cayaareysa garoon ku yaala degmada Baraawe ee gobolka Shabeellaha Hoose.

4/13/2018 12:44 AM EST
Jimco, April, 13, 2018 (HOL) – Dallada ay ku mideysan yihiin ururrada bulshada rayidka ee SOSCENSA ayaa ugu baaqday Baarlamaanka Soomaaliya in muddo 15 cisho gudaheed lagu soo doorto guddoomiyaha Golaha Shacabka, kaddib markii uu is casilay guddoomiyihii golaha Prof Maxamed Cismaan Jawaari.

4/13/2018 12:28 AM EST
Jimco, April, 13, 2018 (HOL) – Waa markii ugu horeysay oo sarkaal ka soo goostay Al-shabaab si muuqata lacag loo guddoonsiiyo, kaddib markii maamulka Koonfur Galbeed lacag dhan $ 15 Kun oo dollar guddoonsiiyay Maxamed Xassan Aadan Sandheere oo horay uga tirsanaa Al-shabaab.