Ra'iisal wasaare Kheyre oo xalay kulan la qaatay guddoomiyaha is casilay ee Golaha Shacabka Prof Jawaari
Khamiis,, April, 12, 2018 (HOL) – Guddoomiyaha
xilka iska casilay ee Golaha Shacabka Prof Maxamed Cismaan Jawaari ayaa maanta
markii ugu horeysay tan iyo wixii ka danbeeyay khilaafkii siyaasadeed ee soo
kala dhax-galay golayaasha dowladda ka soo hor muuqanaya fadhiga Baarlamaanka
isaga oo wada jir xildhibaannada khudbad
ugu jeedin doona.
Maalintii shalay ayuu dib u dhacay kulankii la
filayay in guddoomiye Jawaari uu khudbad is casilaadiisa la xiriirta ka jeediyo
sababo lagu sheegay khilaaf ka dhashay habka kulankaa loo iclaamiyay.
Maalintii shaley ayaa xildhibaannada iyo
wariyayaasha loo kala diray fariimo la xiriira kulanka maanta ee khudbad
jeedinta Jawaari kulanka oo noqonaya mid aan caadi aheyn madaama maanta Khamiis
ah aysan ka mid aheyn maalmaha shaqo.
Dhinaca kale, Ra'iisal wasaare Xassan Cali Kheyre ayaa xalay hoygiisa ku booqday guddoomiyaha is casilay ee Golaha Shacabka Prof Jawaari oo khilaaf xoog leh uu soo kala dhaxgalay mudadii ay jirtay xiisada siyaasadeed ee baarlamaanka, kaddib markii Jawaari uu ku eedeeyay ra'iisal wasaare Kheyre in uu gadaal ka riixayo mooshinka isaga ka dhanka ah.
Lama oga dhab ahaan waxa ay ka wada hadleen, hasse ahaatee sawiro lagu baahiyay baraha bulshada ayaa la arkayay labada mas'uul oo ay wehliyaan xildhibaanno ka tirsan Golaha Shacabka oo wada duceysanaya.
C/raxmaan Diini, Hiiraan Online
[email protected]
