Jawaari oo maalinta berri ah khudbad ka hor jeedinaya xildhibaannada Golaha Shacabka
Arbaco, April, 11, 2018 (HOL) –Iyadoo maanta uu dib u dhacay ku yimid kulankii khudbad jeedinta guddoomiye Jawaari ee Golaha Shacabka ayaa warar soo baxaya sheegayaan in maalinta berri ah la qaban doono fadhiga Golaha,
Xildhibaannada Baarlamaanka qaarkood oo la hadlay warbaahinta gudaha ayaa sheegay in maalinta berri oo ku
beegan 12ka bisha April guddoomiye Jawaari khudbadiisa sagootinta ka hor jeedin doono golaha
Shacabka.
Prof Jawaari ayaa shirkii
jaraa’id ee shalay wada jir u qabteen isaga madaxweynaha waxaa uu ka sheegay in
maanta oo Arbaco ah uu hortagi doono fadhiga Golaha Shacabka, halkaa oo uu si
rasmi ah uga dhawaaqi doono in xilka ka degay.
Laakiin kulanka oo maanta la
filayay in uu qabsoomi ayaa dib u dhacay sababo aan la shaacin, inkastoo ay jireen warar sheegayay in
guddoomiye Muudey in xildhibaannadii mooshinka markii horeba ka keenay Jawaari
ka biyo diidanaayeen habka kulanka loo iclaamiyay.
Marka uu maalinta berri ah
hortago Golaha Shacabka Prof Jawaari waxaa halkaa ku soo dhamaanaya muran
siyaasadeed soo jiitamayay ku dhawaad bil kaa oo u dhaxeeyay golayaasha
dowladda.
C/raxmaan Diini, Hiiraan Online
[email protected]
