Arbaco, April, 11, 2018 (HOL) – Soomaaliya iyo
todoba dal kale ayaa la filayaa in ay ka faa’iideystaan $ 5.2 milyan oo
doolar oo ka imanaysa dowladda Japan si ay u taageeraan mashaariicda ay
fulinayso Hay’adda QM ee Horumarinta Warshadaha (UNIDO).
Dalalka loogu tala galay in ay ka faaidaystaan
Lacagtaan ayaa kala ah Itoobiya, Ciraaq, Jordan, Lubnaan, Liberia, Soomaaliya
Suuriya iyo Nigeria
Dowladda Japaan waxa ay sheegtay in mashruucan
uu sare u qaadi doono Hanaanka dhaqaalle Bulshooyinka kunool dalalkaasi.
Wasiirka Arrimaha Dibadda Japaan ayaa sheegay in
Soomaaliya iyo dalal kale ee Afrika Japan ay siin doono Mashaariic kala duwan
oo lagu horumarinaayo Warshaddaha yaryarka ah.
Sida laga soo xigtay hay’adda UNIDO, iyada oo gacan
ka geysanaysa awoodda iskaa wax u qabso ee dib-u-dhiska hab-nololeedyada
bulshooyinka, iyada oo diiradda la saarayo shakhsiyaadka Lacagtaan Waxa ay Sare
u qaadi doonta Bulshooyinka Afrika.
Mashruucaan waxaa ka faa’iideysan doona si gaar
ah haweenka, dhalinyarada, qaxootiga iyo dadka gudaha ku barakacay, kuwaas oo
qaba dhibaatooyinka sinnaan la’aanta sidda ay sheegtay hay’adda UNIDO.
C/raxmaan Diini,
Hiiraan Online
[email protected]