Sabti,Febraayo ,25 , 2017 (HOL) –
Abaaraha dalka ka jira ayaa sababay inay dadkii xoolo dhaqataddu u nuglaadaan
cuduradda,ka idb markii nafaqo daro ku dhacday.
Isku duwaha wasaaradda
Caafimaadka ee gobolka Togdheer Yuusuf Dirir Cali ayaa sheegay inay dadkii u
nuglaaday cuduradda faafa, waxaanu sheegay inay shuban iyo jadeeco ku dhaceen,
haseyeeshee ay xakameeyeen oo deegaanaddii uu ka dhashay kooxo caafimaad u
direen.
Sidoo kale, waxa uu sheegay in
boqol iyo konton ilaa laba boqol uu soo ritay cudurka Jadeecadda taas oo ay
daweeyeen ka dib markii cisbitaalka la keenay.
“Dadkii abaaruhu ka dhaceen Waxay u nuglaadeen
cuduraddii faafayey, shuban baa jiray wuu yaraaday markii aanu kooxo caafimaad
u direen goobihii uu ka dilaacay, imika Jadeeco bilaabantay waxay ka
bilaabantay magaalada qoyta olole ku qaandayna, hadana imika meelo kale ayey ka
soo ifbaxday sida Qori lugud, Buuhoodle
iyo deegaano u dhow dhow, waxa kale ka jira kiisas yaryar oo xadidan magaaladda
Burco, dhimashaddu waxay maraysa ilmo yar oo kaliya oo sideed bilood jiray,
tiradda na soo gaadhay celcelis ahaan ee uu ku dhacay cudurkan Jadeecadda ee ka
dawoobay waxay gaadhayaan 150 illa 200 oo qof,”ayuu yidhi Yuusuf Dirir Cali oo
ah isku duwaha wasaradda caafimaadka Somaliland ee gobolka Togdheer oo ka
warbxinayey dadkii abaaruhu ku dhaceen ee cuduro ku dhacay awgood loo soo
dhigay cisbitaalka.
Ugu danbeytii, dadkan abaaruhu ka dhaceen ayaa
la sheegay inay u nuglaadeen cuduradda, taasina ay sabab u tahay inay cuduro
wax laga qaban karo u le’daan.
Barkhad-ladiif M. Cumar, Hiiraan
Online
[email protected]
Hargeysa, Somaliland