Caruurta inta la xado la sixrayo oo ku soo badanaya Somaliland , iyo gabadha la soo bad-baadiyay
Sabti, Febraayo ,25, 2017 (HOL)-Magaaladda
Hargeysa waxa baryahan dambe si weyn looga hadal hayaa dad sixirooleyaal ah oo
dadka inta wax saaraan la baxsanaya, isla markaana dhawr jeer la soo qabtay
iyagoo xadka Itoobiya ama Jabuuti lagu sii waddo.
Maalmihii u dambeeyey ayaa ciyaal
badan iyo dad kaleba la waayey meel ay jaan iyo cidhib dhigeen, waxaana dad
dhexda laga soo qabtay sheegeen in ay jiraan dumar iska dhigaya dadka
dawarsadda ama dadka guryaha ka gura maryaha ee yidhaahda qoysas dan yar ah
ayaa loo ururinaya ayaa inta badan la sheegayaa inay ka mid yihiin dadka
caruurta ama dadka guryaha jooga sixirka saara ee la baxsadda.
Haweenkan sixirka saarayaa ayaa la
sheegay in marka ay guriga yimaadaan inay qofka ka furo guriga ay wax saarayaan
ka dibna uu qofkii isagooon is ogayn uu daba galayo, sidaasna ku kaxaysanaya
ama lagu waayeyaa qofkii.
“Guriga waxaa joogay sadex
hablood oo yar-yar, tan ugu wayn 20 jir tan ugu yarna 12 jir, inanta u wayni
waxay maydhaysay dhar ka dib markii ay usoo gashay islaan dawarsanaysa, taas oo
ka dalbatay inay dharsiiyaan.
Dharkii kamay helin, cabaar ka bacdina waxay la
hadashay inantii u roonayd inan tii ayaa iska daba dhaqaaqday kuwii kalena way
aamuseen uun.duhurkii ayaa guriga loogu yimid hablihii oon hadlayn, quraan ayaa
lagu akhriyaya ka dibna waxay ka sheekeeyeen siday wa u dhaceen.
Xiligii ayaa
baadi goob la galay. Ka dib laba saacadood oo baadi goob ah waxaa lanagala soo
hadlay number kii inanta.
Inanta waxaa la geeyay guri meel uu ku yaal aan la
ogayn waxaana lagu sameeyay baadhitaan dhiigag ah ka dibna waxaa lagu wareejiyay gaadhi nooca
NOAH-da ah gaadhigaas oo loogu talo galay inuu ku wareejiyo gaari kale.
Nasiib
wanaag markii ay gaadhigii ka dageen intayna gaadhigii labaad gaadhin ayaa
inantii guri furan iska gashay qoftii wadatayna way ka daba gashay.
Dadkii guriga joogay ayaa cabaar ay isku buuqeen, ka
dib gurigi ay gashay inantu ayaa qoyskii inantan la xadayey ka dhalatay lala
soo hadlay, sidaas ayaa lagu soo qabtay inantii iyo afar qof oo doonayey inay
inantan la baxsadaan”ayuu yidhi mid ka mid ah eheladda gabadhan yar ee la
sixray.
Si kastaba ha ahaatee, waxaa soo
badanaya dadka la xadayo, isla markaana waayadan dambe waxaa suuqa ku soo batay
hadal haynta dadkaasi inta la sixro lala baxsanayo oo sidaas lagu waayayo.
Barkhad-ladiif M.
Cumar, Hiiraan Online
[email protected]
Hargeysa, Somaliland.
