Sabti, Feberaayo, 25, 2017 (HOL)
– Maxkamada magaalada Hargeysa ayaa lagu wadaa in maanta la hor keeeno wariye
CabdiMaalik Coldoon oo waayadii ugu danbeeyay ku xirnaa magaalada
Hargeysa.
Wariyaha
oo lagu eedeynayo in uu ku xadgudbay jiritaanka Soomaaliland, ayaa maanta hor
imanaya maxkamada Hargeysa.
Maamulka
Soomaaliland ayaa ku soo eedeeyay wariyaha in uu ka qeybgalay uuka qeyb galay
olole siyaasadeed oo la xiriira doorashadii madaxweynaha Soomaaliya
C/maalik
Coldoon ayaa todobaad ka hor lagu xiray garoonka diyaaradaha Hargeysa, kaddib
markii uu ka tagay magaalada Muqdisho oo uu ku sugnaa markii ay dhaceysay
doorashada Madaxweynaha Soomaaliya.
Wasiirka
Warfaafinta Somaliland ayaa dhowaan sheegay in C/maalik Coldoon la soo taagi
doono Maxkamad, kaddib markii uu ku eedeeyay inuu ku xadgudbay qaranimada Somaliland,
sida uu yiri.
Ugu
danbeytii C/maalik Coldoon ayaa ah wariye ka shaqeeya arimaha samafalkaiyo caawinta dadka dhibaateysan, isagoo soo gudbiya fariimo
la xiriirta dhibaatooyinka nololeed ee heysta dadka dan yarta ah
C/raxmaan Diini, Hiiraan Online
[email protected]