Arbaco, Feberaayo,
22, 2017 (HOL) - Waxaa goor dhaw
oo maanta ah gaaray magaalada Muqdisho madaxda wadamada dariska ah oo ka qeybgallaya
munaasabada calleemo saarka madaxweynaha Soomaaliya Maxamed Cabdullaahi Farmaajo.
Madaxweynayaasha yimid magaalada Muqdisho goor dhaw waxaa ka
mid ah madaxweynaha Jabuuti ismaaciil Cumar
Geelle, madaxweynaha dowladda
Kenya Uhuru Kenyatta, ra’iisal wasaaraha
dalka Itoobiya Hailemariam Desalegn, madaxweyne ku-xigeenka
dalka Suudaan iyo sidoo kale dibulamaasiiyin ka socda qaarada iyo wadamada
carabta.
Wali waxaa socta qabanqaabada munaasabada
caleemo saarka waxaa mashquul lagu hayay ilaa iyo hadda soo dhaweynta madaxda
kala duwan ee soo gaaraya goobta ay munaasabada ka dhaceyso.
Marka laga soo tago mas’uuliyiinta wadamada
caalamka ka socda, sidoo kale waxaa goobta jooga madaxweynaha xilka wareejiyay
Xassan Sheekh Max’uud, iyo guud ahaan
madaxweynayaasha dowlad gobolleedyada dalka.
Wixii warar ah ee hadba ka soo kordha waan
idin soo gudbin doonnaa
C/raxmaan Diini, Hiiraan Online
[email protected]
