Arbaco, Feberaayo, 22, 2017 (HOL) - Maata oo Arbaco oo ku beegan 22 bisha
Feberaayo, waxaa lagu wadaa in magaalada Muqdisho ka dhacdo munaasabada caleemo
saarka madaxweynaha dhawaan la doortay Maxamed Cabdullaahi Farmaajo.
Munaasabada ayaa la filayaa in ay ka
soo qeybgalaan madax heer caalami ah oo ay ku jiraan madaxweynayaasha wadamada
dariska iyo wakiil ka kala socda beesha caalamka.
Sidoo kale madaxweynayaasha dowlad gobolleedyada dalka oo hada intooda badan
ku sugan magaalada Muqdisho ayaa qeyb ka noqon doona mas’uuliyiinta kala duwan
ee goob jooga u noqon doona caleemo saarka madaxweynaha.
Waxaa sidoo kale xusid mudan in ay ka qeybgali munaasabada mdaxweynayaashii
hore sida Xassan Sheekh Max’uud iyo Shariif Sheekh Axmed, iyo mas’uuliyiin horay
xilal uga soo qabtay dalka.
Inta ay socoto munaasabada caleemo Saarka ayaa waxaa masraxa lagu soo
bandhigi doonaa suugaanta wadaniga ah iyo ciyaarro hidaha iyo dhaqanka ah.
Ugu danbeyntii, ciidamada dowladda federaalka ayaa aad u adkeeyay ammaanka magaalada
Muqidsho, gaar ahaan goobta lagu qabanayo munaasabada, si looga hortago arbushaad
dhacda xilliga xaflada caleemo saarka madaxweynaha Soomaaliya.
C/raxmaan Diini, Hiiraan Online
[email protected]