3/29/2024
Today from Hiiraan Online:  _
Wararka Maanta- Talaado, Feb 21, 2017
Magacaabistii golaha wasiirada maamulka Hirshabeelle oo laga soo horjeestay

 Talaado, Feberaayo, 21, 2017 (HOL) –Iyadoo maalintii shalay madaxweynaha dowlad gobolleedka Hirshabeelle uu ku dhawaaqay xubnaha gollihiisa ayaa waxaa maanta ka dhacay magaalada Jowhar dibadbax looga soo horjeedo magacaabista gollaha wasiirada cusub.

Didbadbaxayaasha oo siweyn uga careysnaa magacaabista madaxweynaha ee xubnaha gollaha wasiirada ayaa sheegay in aysan marnaba ku qanci doonin sida wax loo maamulay iyaga oo sheegay lagu tuntay xaqii ay ku lahaayeen dhimaha golaha fulinta maamulka Hirshabeelle, iyaga oo goodiyay haddii aan wax laga qaban talaabo ka qaadi doonaan sida ay hadalka u dhigeen maamulka.

Qaar ka mid ah ka qeybgalayaashii dibadbaxa ayaa ugu baaqay madaxweynaha maamulka Hirshabeelle in uu laabto habka loo soo dhisay gollaha wasiirada, ilaa taa laga qabtana sida ay hadalka u dhigeen sii wadi doonaan dibadbaxa.

Gollaha wasiirada maamulka Hirshabeelle ayaa kooban 23 wasiir, 23 wasiir ku-xigeen iyo 6 wasiiru-dowle, taasoo guud ahaan xubnaha golaha wasiirada la magacaabay ka dhigeysa 52 xubnood oo intooda badan laga soo dhax xulay baarlamaanka maamulka.

Ugu danbeyntii, dibadbaxa maanta ayaa noqonaya jawaabtii ugu horeeyay ee laga bixiyo dhismaha xubnaha golaha wasiirada Hirshabeelle oo mudo dheer la sugayay magacaabistooda.

C/raxmaan Diini, Hiiraan Online
[email protected]













Click here
2/21/2017 2:49 PM EST
Talaado, Feberaayo, 21, 2017 (HOL) -Ciidamada Maamulka Jubbaland iyo kuwa Kenya ee AMISOM ayaa maanta weerar ku qaaday deegaanka Beerxaani oo qiyaastii 50km dhanka galbeed uga beegan magaalada Kismaayo, halkaasi oo ay bilihii la soo dhaafay ay gacanta ku hayeen maleeshiyaadka kooxda Al-Shabaab.

2/21/2017 11:06 AM EST
Talaado, Feberaayo, 21, 2017 (HOL) – Meydadka ilaa 87 tahriibayaal ayaa laga hellay xeebaha dalka Liibya, gaar ahaan gobolka Zawiya.

2/21/2017 9:30 AM EST
Talaado, Feberaayo, 21, 2017 (HOL) – Wararka ka imanaya deegaanka Camaara ee gobolka Galgaduud oo dhawaan ay tageen ciidamo Galmudug oo wehlinayeen ciidamada Danab ee militariga dowladda Soomaaliya, ayaa lagu waramayaa in ay la wareegeen dagaalamayaal ka tirsan Al-shabaab.

2/21/2017 7:44 AM EST
Talaado, Feberaayo, 21, 2017 (HOL) –Koox hubeysan ayaa la soo sheegayaa in ay laba askari oo ka tirsan ciidamadda Dowladda Soomaaliya ay ku dileen deegaanka Shalambood ee ka tirsan gobolka Shabelaha Hoose.

2/21/2017 7:37 AM EST
Talaado,Febraayo ,21 , 2017 (HOL) – Taliska ciidanka Booliska Somaliland ayaa ka hadlay xadhiga agaasimaha TV-ga STAR TV Maxamed Baashe Xaaji Xasan iyo wariye Cabdimaalik Muuse Coldoon, waxaanay sheegeen inay maxkamadda hor keeni doonno.

2/21/2017 6:37 AM EST
Talaado,Febraayo ,21 , 2017 (HOL) –Agaasimihii telefishanka maxaliga ah ee STAR TV Maxamed Baashe Xaaji Xasan ayaa xalay ciidanka amnigu xabsiga u taxaabeen.

2/21/2017 5:48 AM EST
Talaado, Feberaayo, 21, 2017 (HOL) –Madaxweynaha Ahlu Sunna ee gobollada dhexe Sheekh Maxamed Shaakir ayaa goor dhaw oo maanta ah ka degay magaalada Muqdisho, waxaana lagu wadaa in uu ka qeybgalo Caleemosaarka madaxweynaha Soomaaliya Maxamed Cabdullaahi Farmaajo.

2/21/2017 4:51 AM EST
Talaado, Feberaayo, 21, 2017 (HOL) – Madaxweynaha dowlad gobolleedka Jubbaland Axmed Max’ed Islaam [Axmed Madoobe] ayaa kulan gaar ah la qaatay madaxweynaha cusub ee Soomaaliya Maxamed Cabdullaahi Farmaajo.

2/21/2017 3:23 AM EST
Talaado, Febraayo 21, 2017 [HOL] Koox hubeysan oo wadatay mooto nooca Bajaaj-ka ah, ayaa waxaa ay gudaha suuqa Bakaaraha ee magaalladda muqdisho ku dileen ganacsade caan ah.

2/21/2017 1:48 AM EST
Talaado, Febraayo 21, 2017 [HOL]-Hayada QM u qaabilsan arimaha carruurta ee UNICEF ayaa sheegtay in 1.4 malyan oo carruur ah ay nafaqo darro ku heyso 4 dal.

2/21/2017 1:21 AM EST
Talaado, Feberaayo, 21, 2017 (HOL) - Magaalada London ayaa lagu qabtay munaasabad lagu weyneynayay maalinta caalamiga ah ee Afka hooyo, taasi oo ay soo qaban qaabisay Akadamiyad Goboleedka Afka Soomaaliga ee AGA oo ah urur u heellan horumarinta Afka hooyo

2/21/2017 12:41 AM EST
Talaado, Febraayo 21, 2017 [HOL]-Maanta ayaa waxaa lagu wadaa in xaafada Islii ee Nairobi dalka Kenya lagu qabto xaflad lagu taageerayo Maalinta Caalamiga ah ee Afka Hooyo-International Mother Language Day oo sanad walba maanta oo kale markii taariikhdu tahay 21ka Febraayo la qabto.