Qaramada Madoobey oo cambaareysay weerarkii Ismiidaaminta ahaa ee shalay ka dhacay Muqdisho
Isniin,
Feberaayo, 20, 2017 (HOL) – Wakiilka xog-hayaha guud ee QM Machael Keating ayaa
cambaareeyay weerarkii ay dadka badan ku dhinteen ee maalintii shalay ka dhacay
suuq mashquul badan oo ku yaallay xaafadda Kaawo –Goodey ee degmada Wadajir
‘’Waxaan
cambaareyneynaa weerarkii argagixisada ee Muqdisho ka dhacay ee lala eegtay
dadka rayidka ah ayuu yiri ‘’ wakiilka QM ee Soomaaliya.
Maalintii shalay
ayeey aheyd markii gaari laga soo buuxiyay walxaha qarxa lagu
bartilmaameedsaday suuqa Kaawo-Godey, wadajir ee gobolka Banaadir.
Dadka wax
yeellada ugu badan ay ka soo gaartay weerarka ayaan isugu jiray dad xiligaa
marayay waddada dhinaceeda iyo kuwa kale oo goobo ganacsi ku lahaaa suuqa
oo waqtiga qaraxa lala eegtay ahaa xiliga uu ugu mashquulka badnaa.
Sidoo kale
weerarka ayaa imanaya xili loo diyaargaroobayo maalin kadib in ay ka dhacdo
magaalada Muqdisho munaasabada calleemo saarka madaxweynaha dhawaan la doortay
Maxamed Cabdullaahi Farmaajo.
“Waxaan sii xoojineynaa taagerada aan ku taageereyno dadka
Soomaaliyeed sida ay uga shaqeynaayaan xaqiijinta rajadooda ku aadan
mustaqbal xasilooni iyo nabad ay ku dheehantahay.” ayuu raaciyay.
Ururka Al-shabaab ayaa
waayadii ugu danbeeyay xoojiyay weerarada ka dhanka ah ciidamada midowga Africa
iyo kuwa dowladda federaalka, waxaana weeraradaa ka dhashay khasaare baaxad
leh.
C/raxmaan Diini, Hiiraan Online
[email protected]
