Isniin,
Feberaayo, 20, 2017 (HOL) - Xafladd
aad u balaaran oo lagu taageerayay madaxwaynaha cusub ee Soomaaliya Maxamed
Cabdulahi farmaajo ayaa lagu qabtay magaaaladda St Cloud ee gobolka Minnesota
waxaana soo qabanqaabiyey Somali American Relations Council.
Madaxa Hay’adda soo
qabanqaabisay Axmed Cali Saciid ayaa HOL u waramay isagoo sheegay in ay
dhankooda Soomaalida St Cloud ay aad ugu faraxsan yihiin isbadalka siyaasadeed
ee ka dhacay Soomaaliya ,Waxaan nahay muwaadiniin ku dhaqan dibada dalka
dareenka iyo farxadda ka socota gudaha dalka ayaan kaalinteena uga jirnaa,
sidaa daradeed ayaan waxaan u qabanay dadka St Cloud in ay iyaguna
taageeraan madaxwaynaha cusub.
Xafladii xalay ayaa
waxaa laga soo jeediyey khudbado kala gadisan oo ay soo jeediyeen marti
sharaftii kala duwaneed, iyadoona lagu soo bandhigay heeso ciyaaro
dhaqameed iyo gabayo kala duwan.
Huda Ibraahim oo bare ka
Kuliyadda farsamada ee St Cloud ayaa iyaduna ka hadashay kaalinta ay bulshaddu
ka qaadan karto isgarbtaaga dowladooda xag talo iyo mid dhaqaale ,waxayna
kaloo Huda ka codsatay madaxwaynaha cusub in uu R/Wasaare u doorto Haween
iyadoo sii raacisay in waliba ay ka soo jeedo gobolada Waqooyi.
Ugu danbayntii ayaa
dadkii halkaa isagu yimi waxaa ay is fareen in loo istaago taakulaynta Abaaraha
ka jira gayiga iyagoo sheegayna in magaaladda ay ka sameeyeen gudi u qaabilsan
arintaas.
Siyad Said Salah
[email protected]
MPLS Minnesota