RW CUMAR: Ma jirto cid gadatay Badda, Innagu waxaan saxiixay Qalfoota Badda (DHAGEYSO)
Khamiis, September
22, 2016 (HOL) — Ra’iisul wasaaraha Somalia Cumar C/rashiid Cali Sharma’arke oo
maanta shir jara’id ku qabtaay Magaalada Garoowe ee caasimada Puntland ayaa si Faahfaasan
uga hadlay Badda ay Dalalka Somalia iyo Kenya isku haystaan, Taasoo dacwadeedu ka socota
Maxkamadda Caalamiga ah ee ICJ ee Dalka
Holland.
Sharma’arke ayaa sheegay in muranka
badda dalalka Kenya iyo Somalia inay so billaabtay Sannadkii 2005-tii,
markaaso dalka Kenya ay xadbadeedka hadda lagu muran-sanyahay ay u jeexadeen qaabka
ay hadda ku doodayaan.
RW Somalia, ayaa sheegay in saxiixu
uu dhacay 07-dii Abriil, 2009-kii uusan ahayn sida ay u dhigeen Qaar ka mid ah Siyaasiinta
Somalia iyo Musharraxiinta u Tartamaya Doorashada 2016-ka, balse isagu u
saxiixay oo kaliya qaloofta sare Badda Soomaaliya ay leedahay.
Sidoo kale, RW Cumar C/rashiid ayaa xusay
in saxiixa Sannadkii 2009-kii uu ahaa mid ay ku
codsanayeen in ka badan badda ay xaqa u leedahay Somalia, Wuxuuna intaas
ku daray in Arrintaas ay hir-gashay oo Soomaaliya hadda haystao in ka ka badan badda ay Awal ku xiisaabtaamayeen.
DHAGEYSO: Codka Shirka Jaraa'id ee RW Sharma'arke uu kaga Hadlay BADDA;
Qareenadda u doodaaya Somalia
ayuu RW Sharma’arke sheegay inay ku guulaysan doonan qadiyadda badda Somalia,
kuwaasoo uu u rajeeyay guul-weyn, wuxuuna intaas raaciyay in Dadka Soomaaliyeed
aysan ka Tanaasulayn Hal Taako oo ka mid ah, baddeeda, dhulkeeda iyo hawadeeda.
RW Sharma’arke, ayaa Xusay in Saxiixa Badda ee 2009-kii uu ku yimid kaddib makrii QM ay Tilmaameen in Waddamada Afrika ee dhul-badeed inuu ka maqan yahay Aamisan, inay Dal-badaan Waddamo ka
gacansiiya, iyaguna ay sidaas Norway ugu yeerteen si Somalia iyo Kenya
u dhex-dhexaadiyaan, Laakiin wuxuu gaashanka u duruuray inay arrimo xaduudaha
Somalia iyo Kenya kala saxiixdeen.
Dhinaca kale, RW Soomaaliya ayaa been-abuur ku Tilmaamay in isaga iyo Qaar ka mid ah wasiirradiisi xukuumaddii
2009-kii ay gateen badda Soomaaliya, Wuxuuna sheegay in lagu eedeynayo Wasiiradiisii Qaar ka mid ah oo u dhintay hormarinta Somalia oo lagu Qarxiyay magaalada Baladweyne
ee Gobalka Hiiraan.
Ugu dambeyn, RW Somalia, ayaa
ugu baaqay siyaasiinta sida khaldan dadka ugu turjumaya saxiixa Qalfoofta Badda
ee 2009-kii in ay ka Tanaasulaan arrintaas oo uu sheegay inay salka ku hayso arrimaha
doorashooyinka Soomaaliya.
Abaadir C/qaadir Cilmi, Hiiraan
Online
Email: [email protected]
Garoowe,Puntland -Soomaaliya