Wafdi uu Hoggaaminayo RW Somalia oo Maanta Gaaray Xarunta Puntland ee Garoowe (SAWIRRO)
Talaado, September
20, 2016 (HOL) — Wafdi u Hoggaaminayo RW Soomaaliya, Cumar
C/rashiid Cali Sharma’arke, ayaa maanta gaaray Magaalada Garowe ee Xarunta
Puntland, halkaasoo si weyn loogu soo dhaweeyay.
Wafdiga RW-ha oo ay
ka mid ahaayeen; Guddoomiye ku xigeenka labaad ee Baarlmaanka Puntland, Xildhibaanno
iyo Saraakiil kale ayaa u yimid Puntland sidii ay u indho-indheyn lahaayeen arrimaha
Doorashooynka Dad-ban ee ka socta Puntland.
Madaxweynaha Puntland, C/weli
Maxamed Cali Gaas oo RW Soomaaliya uga Hor-tagay garoonka diyaaradaha Kanooco, ayaa
sheeegay in booqashada Ra’iisul wasaaraha ay wax badan uga duwan tahay booqashooyinkii
uu kal hore uu ku yimid Puntland.
Sidoo kale, RW Sharma’arke oo
dhiniciisa la hadlay Saxaafadda ayaa sheegay inuu safarkan qayb ka yahay safarro
uu ku mari doono dhamaan deegaanada Puntland ay ka kooban tahay.
RW Cumar oo la weydiiyay su'aal ahayd, Wuxuu
kala socdo eedeynta loosoo jeediyay ee ah inuu isagu u Saxiixay Badda Soomaaliya qayb ka ah dalka Kenya, ayaa sheegay in arrinta ku aaddan badda Somalia iyo Kenya
ay isaga ka horreysay, soona bilaabtay Sannadkii 2005-tii, isagoo intaas ku
daray inuusan isagu saxiixa dambe dambi ku lahayn.
Ugu dambeyn, Ra’iisul
Wasaaraha Somalia ayaa xusay in markii ay gabo-gabowdo Dacwadda ka socota Maxkamadda
Cadaaladda ee QM uu sharaxaad dheeraad ah ka bixin doono arrimaha Badda Somalia
ee dhinaca ku haysa Waddanka Kenya.
Abaadir C/qaadir Cilmi, Hiiraan
Online
Email: [email protected]
Garoowe, Puntland - Soomaaliya