3/29/2024
Today from Hiiraan Online:  _
Wararka Maanta- Sabti, Sept 19, 2015
Garabka Dhallinyarada ee Xisbiga DALJIR oo Muqdisho ku Doortay Guddoomiye Cusub (SAWIRRO)


Sabti, September 19, 2015 (HOL) — Garabka Dhallinyarada ee xisbiga DALJIR oo ka mid ah Asxaabta siyaasadeed ee dalka ka jira ayaa doortay Hoggaan cusub, iyadoo guddoomiye loo doortay Nuur Shariif Inji oo ay la tartameen xubno kale oo dhallinyarada Xisbiga Daljir ka mid ah.

Doorashadan oo dhacday Maalintii Khamiista ahayd ayaa Jimcihii shalay loo qabtay xaflad lagu soo bandhigayay qaabkii ay doorashadan u dhacday, iyadoo ay ka Qayb-galeen xubno kala duwan oo ka socday xisbiyada siyaasadeed ee dalka ka jira.

Xubnaha ka socday xisbiyada siyaasadeed ayaa waxaa ka mid ahaa; C/qaadir Barnaamij oo ah Guddoomiyaha Xisbiga KULAN, C/raxmaan Baadiyoow oo ah Guddoomiyaha Xisbiga Midnimo Qaran iyo Mas’uuliyiinta Xisbiyada kale ee ka jira dalka.

Munaasabadan oo lagu qabtay Hotel Shaamow ee Muqdisho ayaa Waxaa ka jeediyay hadal dhinacyo badan Taabanayay Xogayaha Guud ee Xisibga Daljir, Axamed Macallin Fiqi oo ka sheegay goobta in Doorashadan ay ahayd mid u dhacday si hufan oo Xalaal ah.

Fiqi ayaa ugu baaqay Garabka Dhallinyarada ee Xisbiga Daljir inay xoojiyaan howlahooda Siyaasadeed, isagoo Dhallinyarada ugu baaqay inay Kaalin Weyn ka Qaataan Horumarrada Dalkooda iyo sidii dalka loogu Hoggaamin lahaa Siyaasad Dheelli-tiran.

Dhanka kale, Xubnihii ka socday Xisbiyada Siyaasadeed ee dalka ayaa waxay ka sheegeen Munaasabada inay soo dhaweynayaan Garabka dhallinyarada ee Xisbiga DALJIR ayna soo dhaweynayaan doorashada ay ku doorteen mas’uulkii hoggaanka u qaban lahaa.

Ugu dambeyn, Dhamaan xubnihii ka hadlay Xafladda ayaa muujiyay sida ay u taageersan yihiin in Dhallinyaradu ay Qayb weyn ka Qaataan Siyaasadda Soomaaliya iyo Xisbiyada Siyaasadeed, iyagoo Xusay in Dhallinyaradu ay yihiin Hoggaanka Berri; Maantana looga baahan yahay inay kaalin ka qaataan Isbedellada dalka ka socda.

Maxamed X. Xuseen, Hiiraan Online  
[email protected]
Muqdisho, Soomaaliya













Click here
9/19/2015 12:35 PM EST
Sabti, September 19, 2015 (HOL) — Roobab aad loogu Diirsaday ayaa ka Da'ay Qaybo ka mid ah Gobolka Sool, iyadoo Dadka Reer Guuraaga ah ay Xilligaan ku Sugnaayeen Xaalad Adag.

9/19/2015 10:11 AM EST
Sabti, September 19, 2015 (HOL) — Iyadoo Maanta Muqdisho ay soo Gaareen Hoggaanka Maamul-goboleedyada dalka ka jira ayaa waxaa Gellinkii dambe ee isla Maanta ka Furmay Xarunta Madaxtooyada Somalia shirka Wada-tagshiga Qaran ee Doorashooyinka 2016-ka. iyadoo shirkan uu si Rasmi ah u furay Madaxweynaha Somalia, Xasan Sheekh Maxamuud.

9/19/2015 9:36 AM EST
Sabti, September 19, 2015 (HOL) — Warbixin ay dhawaan soo saartay Hay’ad Fadhigeedu yahay Sweden oo lagu magacaabo, International Peace Research Institute (Sipri) ayaa lagu sheegay in Ciidamada AMISOM looga dilay Gudaha Soomaaliya Tan iyo Sannadkii 2009-kii Ciidammo Gaaraysa 1,100 Askari.

9/19/2015 8:44 AM EST
Sabti, September 19, 2015 (HOL) — Laamaha Ammaanka dalka Kenya ayaa sheegay inay ka Hor-tageen shan Weerar oo ay Al-shabaab Doonaysay inay ka fuliyso gudaha Kenya tan iyo markii uu dhacay Weerarkii Westagate Mall Bishii Sep, 2013-kii, kaasoo lagu dilay 67-qof.

9/19/2015 7:29 AM EST
Sabti, September 19, 2015 (HOL) — Madaxweynaha Puntland, Cabdiweli Maxamed Cali [Gaas] iyo Wafdi uu Hoggaaminayo ayaa kusoo Wajahan Muqdisho Maanta oo Sabti ah, isagoo ka mid ah Madaxda Maamullada dalka ee ka Qayb-galaya Shir looga hadlayo sida ay noqon doonto doorashada dalka ka dhacaysa Sannadka 2016-ka ee nagu soo Aaddan.

9/19/2015 7:10 AM EST
Sabti, September 19, 2015 (HOL) — Diyaaradaha dagaalka ee Waddamada Isbahaysiga ah uu Hoggaaminayo Sucuudiga ayaa duqeyn ay ka geysteen xalay Magaalada Sanca ee dalka Yemen ku dilay 29-qof oo ay ku jireen dad rayid ah, sida laga soo xigtay ilo Amaanka iyo caafimaadka ah oo ku sugan Sanca.

9/19/2015 6:34 AM EST
Sabti, September 19, 2015 (HOL) — Wasiirka Qorsheynta Dowladda Federaalka Somalia, C/raxmaan Sheekh Yuusuf Cali [Caynte] ayaa Shaaciyay maanta inay wadaan Qorshayaal lagu Horumarinayo dhaqaalaha dalka, maadaama dalka uusan 25-kii sano ee lasoo dhaafay lahayn Qorshe dhaqaale oo dagsan.

9/19/2015 3:49 AM EST
Sabti, September 19, 2015 (HOL) — Wasiirka Maaliyadda Xukuumada Somalia Maxamed Aaden Ibraahim [Farkeeti] oo shalay ka Qayb-galay kulanka Jimcaha ee Raadiyaha Afka Dowladda Somalia ku hadla ayaa si faahfaahsan uga hadlay dib u eegista Miisaaniyadda Sannadkan 2015-ka, canshuuraha, Qaabka dakhligu u soo xaroodo, dhibaatooyinka haysta badeecooyinka ka taga Muqdisho, Mushaarka Ciidanka iyo Qorshaha ku aadan isku xirka canshuuraha dalka.

9/19/2015 3:49 AM EST
Sabti, September 19, 2015 (HOL) — Hay’ada Qaramada Midoobay u Qaabilsan Carruurta ee UNICEF ayaa shaacisay in Boqolaal Carrruur Soomaaliyeed ah laga badbaadiyay inay ku biiraan ciidamada kaddib markii la siiyay Tababarro dhanka farsamooyinka ah, taasoo uu gacan ka geysatay Ururka Midowga Afrika.