Arbaco, July 23, 2014 (HOL) — Xaflad lagu sagootinayay danjirihii hore ee Turkiga u joogay Soomaaliya, Cemalettin Kani Torun ayaa lagu qabtay maanta garoonka diyaaradaha ee Muqdisho, iyadoo danjiraha oo tan iyo sannadkii 2011-kii ka howlgalayay Muqdisho ayaa maanta u dhoofay dalkiisa.
Munaasabadda sagootinta ahayd ayaa waxaa ka qaybgalay wasiirka arrimaha dibadda iyo dhiirri-gelinta maalgashiga, C/raxmaan Ducaale Bayle, iyadoo sidoo kale xafladda uu goobjoog ka ahaa danjiraha ay dowladda Turkiga u soo magacowday Soomaaliya, Olgan Bekar oo horay u ahaa agaasimaha waaxda Bariga Afrika ee wasaaradda arrimaha dibadda Turkiga.
Waxaa kaloo goobjoog ka ahaa munaasabadda, wasiirka gaadiidka iyo duulista hawada, Siciid Jaamac Qoorsheel, xoghayaha joogtada ah ee wasaaradda arrimaha dibadda, Cabdullaahi Dool Mohamed iyo xubno kale oo dowladd ka tirsan.
Ugu horreyn waxaa xafladda sagootinta ah hadal ka jeediyay wasiirka arrimaha dibdda Soomaliya, Ducaale oo ammaanay kaalinta uu Turkigu ka qaatay arrimaha Soomaaliya tan iyo markii howlgalkooda ka billaabeen Muqdisho.
"Soomaalida oo dhan waxay xusuusataa maalintii ra’iisul wasaaraha Turkiga, Recep Tayyip Erdoğan uu yimid Muqdisho 19