3/28/2024
Today from Hiiraan Online:  _
Wararka Maanta- Isniin, Mar 4 , 2013
Codbixinta oo Xaafadda Islii ee Nairobi si deggen uga socota iyo Dadweynaha oo ka Cabanaya Safafka Dhaadheer (SAWIRRO)

ISLII3 .jpg


Isniin, March 04, 2013 (HOL) - Xaafada Islii oo ah goob ay ku yaallaan ganacsiyada waawayn ee Soomaalidu ay ku leedahay Nairobi ayaa si habsami leh ay u socotaa codbixintu.

Iyadoo guud ahaanba dalka Kenya ay soconayso doorashadu ayaa haddana Islii ay Soomaalidu galeen safaf dhaadheer si ay u codeeyaan.

Dadweynaha ayaa sheegay in qaabka codbixintu uu yahay mid lagu daalayo dadkuna ay taaganyihiin safafka saacado dheer iyadoo qorraxduna ay kulushahay, balse ay ka go’antahay inay codkooda dhiibtaan.

“Waxaan xaqiijinayaa inaan ka qayb qaato horumarka, anigoo doonaya inaan codkayga siiyo hogaamiyaha aan u arko inuu horumar gaarsiinayo Kenya” ayay tiri Faadumo Maxamed Nuur oo kamid ah dadweynihii halkaas ka codaynayay.

ISLII4 .jpg

C/laahi  Macallin Cali ayaa aaminsan in doorashadan manta ka dhacaysa Kenya ay noqon doonto mid go’aan looga gaaro halka uu u jihaysanayo muqtaqbalka dalkan.

“Hadii aan codkeena u dhiibanno si xor ah oo nabadgalyo ku jirto, aysan dhicinna wixii dhacay doorashadii hore, waxaa soo noqonaysa kalsoonidii uu caalamku ku qabay hannaanka dimuqraadiyada ee dalkan” ayuu yiri isagoo la hadlayay Hiiraan Online.

Dadweynaha qaarkood oo magaalada gudaheeda dhex marayay ayaa ii sheegay inay soo codayn doonaan saacadaha dambe marka ay kala yaraadaan safafku.

"Hadda safafka waa dheeryihiin, markii ay kala yaraadaan ayaan soo codaynayaa" ayuu yiri Caamir Maxamed oo kamid ah dadka doonaya inay codeeyaan.

Soomaalida ku dhaqan deegaanka Kamakunji ee isu diwaan galisay doorashada ayaa gaaraysa 27,000 oo qof .

Waxaana la filayaa in codaynta ay socoto ilaa 6-da galabnimo, walow gudiga doorashadu ay sheegeen in wakhtiga la kordhin doono hadii laga gaari waayo in lagu soo gabagabeeyo wakhtiga loo qabtay.

ISLII2 .jpg
ISLII .jpg

Axmed C/samad, Hiiraan Online
[email protected]
Nairobi , Kenya













Click here
3/4/2013 3:25 PM EST
Halkaan ka daawo (Video) kulankii madaxweyne Xasan Sheekh iyo Amiirka dalka Qadar Hamad Bin Khalifa uu kula kulamy magaalada Dooxa.

3/4/2013 1:27 PM EST
Isniin, March 04, 2013 (HOL) - Uhuru Kenyatta oo hogaamiya isbahaysiga Jubilee ayaa ku horreeya codadka ilaa iyo haatan la tiriyay.

3/4/2013 12:19 PM EST
Isniin, Maarso 04, 2013 (HOL) —Hotel casri ah ayaa maanta laga hirgaliyay magaalada Boorama ee gobolka Awdal, waxaana furintaankii hoteelkan oo lagu magcaaabo Ramada ka qaybgalay dadweynaha degmada, waxgarad iyo mas’uuliyiin kala duwan.

3/4/2013 11:13 AM EST
Isniin, Maarso 04, 2013 (HOL) — Ra'iisal wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin guddoomiye ku-xigeenka koowaad ee baarlamaanka, Jeylaani Nuur Iikar, wasiirada arrimaha gudaha, wasiirka gaashaandhiga, wasiir ku xigeenno, xildhibaanno iyo saraakiil ciidan ayaa maanta gaaray degmada Dhuusamareeb ee xarunta gobolka Galgaduud.

3/4/2013 9:44 AM EST
Isniin, Maarso 04, 2013 (HOL) — Waxaa duhurnimadii maanta garoonka magaalada Boosaaso soo caga dhigatay diyaarad siddey sagaal maxbuus oo Soomaali ah, kuwaas oo loo qabtay ku lug lahaanshaha falal burcad-badeednimo.

3/4/2013 9:21 AM EST
Isniin, March 04, 2013(HOL) - Kumannaan Soomaali ah oo ku nool degmada Kamakunji, gaar ahaanna xaafada Islii ayaa galay safafka dhaadheer oo inta badan codbixiyayaasha dalka Kenya oo dhan ay taagnaayeen maanta.

3/4/2013 9:08 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaaminayay ayaa maanta la kulmay Amiirka dalka Qadar Amiir Hamad Bin-Khalifah Al-Thani, kaasoo ay uga hadleen sidii iskaashi guud oo dhan walba ah uu u dhexmari lahaa Soomaaliya iyo Qadar.

3/4/2013 8:48 AM EST
Isniin, Maarso 04, 2013 (HOL) — Ciidamada Booliiska Somaliland, ayaa shalay xabsiga u taxaabay Sheekh Maxamuud Cabdillaahi Geelle, ka dib markiii uu dhaliilo usoo jeediyey wasiirka Arrimaha gudaha Maxamed Nuur Caraale Duur iyo wasiirka Maaliyadda Somaliland Cabdicasiis Samaale.

3/4/2013 7:18 AM EST
Isniin, Maarso, 04, 2013 (HOL) – Wafdi uu horkacayo ra’iisal wasaaraha xukuumada Soomaaliya Cabdi Faarax Shirdoon Saacid ayaa goor dhaw gaaray degmada Dhuusa-mareeb ee gobolka Galguduud

3/4/2013 4:00 AM EST
Isniin, March 04, 2013 (HOL) - 14 milyan oo ah muwaadiniinta u dhashay dalka Kenya ayaa saaka 6-dii subaxnimo loo furay goobaha codbixinta si ay codkooda u dhiibtaan.

3/4/2013 1:58 AM EST
Isniin, Maarso 04, 2013 (HOL) — Kooxo hubeysan oo aan heybtooda la aqoon ayaa xalay fiidkii gudaha magaalada Kismaayo ku dilay laba askari oo katirsanaa ciidamada dowladda Soomaaliya.

3/4/2013 12:35 AM EST
Isniin, Maarso 04, 2013 (HOL) — Kooxo bastoolado ku hubeysan ayaa ku dilay saakay oo Isniin ah xaafadda Nnasteexo ee degmada Wadajir gabar ka howlgalaysay mid ka mid ah isbitaallada gaarka loo leeyahay ee ku yaalla magaalada Muqdisho.

3/4/2013 12:13 AM EST
Isniin, Maarso 04, 2013 (HOL) — Ugu yaraan 11-qof oo shan ka mid ay ahaayeen ciidammo booliis ah ayaa ku dhintay rabshado siyaabo kala duwan xalay uga dhacay degmada Gaarisa ee gobolka Waqooyi-bari ee Kenya iyo magaalada xeebta ku taalla ee Mombassa, iyadoo doorashooyinkii ay si caadi ah saakay uga billowdeen.

3/4/2013 12:12 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa xalay gaaray magaalada Dooxa ee dalka Qatar, halkaasoo uu kula kulmi doono mas’uuliyiinta dalka Qatar.

3/4/2013 12:10 AM EST
Isniin, Maarso 04, 2013 (HOL) — Waxgaradka degmada Xuddun ee gobolka Sool ayaa si aad ah uga dayriyay xaaladda nololeed ee dadka ku sugan degmadaas oo marba marka kasii dambaysa sii xoogaysanaysa, kaddib xiisad colaadeed oo dhexmara ciidamada Somaliland iyo kuwa Khaatumo ee isku-horfadhiya deegaankaas.