3/19/2024
Today from Hiiraan Online:  _
Wararka Maanta- Khamiis, Mar 21, 2013
Askar ka tirsan ciidamada Milateriga Soomaaliya oo siyaabo kala duwan loogu dilay Xaafado ka tirsan Degmada Dayniile

Khamiis, Maarso 21, 2013 (HOL) — Afar ka mid ah ciidamada xoogga dalka ayaa siyaabo kala duwan loogu dilay degmada Dayniile ee gobolka Banaadir, gaar ahaan xaafadaha ku teedsan jidka warshadaha.

Goob-joogayaal ayaa sheegay in labo ka mid ah askartan la dilay iyagoo aan qoryo wacan oo lugeynaya inta u dhexeysa agagaarka kuliyadda Jaalle Siyaad iyo xeradii milateriga Oodweyne ee degmada Dayniile, iyadoo dilka askartan ay geysteen saddex ruux oo bastoolado ku hubeysan.

Sidoo kale, saakay ayay ahayd markii nawaaxiga ceelka Tusbaxle oo ku dhow jidka warshadha lagu arkay meydka labo askari oo ka tirsan ciidamada dowladda, kuwaasoo jirkooda ay ku tiilay rasaas lagu dilay, iyadoo ay tahay markii ugu horreysay oo tiro intaa le’eg oo askar ah lagu dilay xaafado ka tirsan Dayniile.

Ma jiro war ku saabsan dilalka loo geystay askartan oo dowladda Soomaaliya kasoo baxay;  hase ahaatee degmada Dayniile ayaa waxaa muddooyinkii ugu dambeeyay kusoo badanayay dilalka loo geysanayo askarta dowladda, iyadoo sidoo kalena ay mararka qaarkood ka dhacaan weerarro ciidamada dowladda lagu soo qaado.

Qaar ka mid ah milkiilayaasha shirkadaha korontada ayaa dhawaan joojiyay howlihii dab-gelinta degmadaas kaddib markii sida ay sheegeen ay kooxo ka tirsan Al-shabaab ugu hanjabeen inay dili doonaan haddii ay joojin waayaan nalalka ay gelinayaan xaafadaha si ay ugu suuro-gasho inay howlahooda si qarsoodi ah uga fushadaan halkaas.

Al-shabaab ayaan sheegan dilalka askartan loo geystay, balse waxay horay u sheegeen inay xoojinayaan howgallada ka dhanka ah ciidamada dowladda ee ay ka wadaan degmooyinka gobolka Banaadir.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/21/2013 3:22 PM EST
Khamiis, Maarso 21, 2013 (HOL) — Hal qof ayaa ku dhintay, saddex qof oo uu ku jiray sarkaal ka tirsan ciidamada dowladda ayaa ku dhaawacmay qarax ismiidaamin ah oo ka dhacay gudaha suuqa Bakaaraha, kaasoo lagu bartilmaameedsanayay ciidammo ka tirsan kuwa dowladda Soomaaliya.

3/21/2013 2:26 PM EST
Khamiis, Maarso 21, 2013 (HOL) — Taliyaha ciidamada Midowga Afrika ee AMISOM, Jen. Andrew Gutti ayaa maanta shaaca ka qaaday in ciidamadooda ay isku diyaarinayaan sidii ay ula wareegi lahaayene goobihii ay Itoobiya kala baxday ciidamadeeda.

3/21/2013 1:45 PM EST
Khamiis, Maarso 21, 2013 (HOL) — Golaha wasiiradda Soomaaliya ayaa maanta isugu yimid shirkoodii joogtada ahaa, kaasoo uu guddoominayay ra’iisul wasaaraha, Cabdi Faarax Shirdoon (Saacid), iyadoo looga hadlay qodobbo dhawr ah oo ay ka mid ahaayeen qorshe loogu magac-daray “The New Deal”, arrimaha amniga iyo soo celinta hantidii dowladda, gaar ahaana warshaddihii dalka.

3/21/2013 1:16 PM EST
Khamiis, Maarso 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kormeer howleed ku tagay dekedda weyn ee magaalada, waxaana kormeerkan ku wehlinayay xubno dowladda ka tirsan, wuxuuna socod ku maray bakhaarada dekedda iyo goobaha kale oo ay ka kooban tahay dekedda.

3/21/2013 11:12 AM EST
Khamiis, 21 Maarso, 2013(HOL):- Laba askari ayaa ku dhimatay mid kalena waxaa kasoo gaaray dhaawac kadib markii ay israsaaseyn dhexmartay askar kawada tirsan ciidamada dowladda Soomaaliya ee magaalada Kismaayo.

3/21/2013 10:48 AM EST
Khamiis, 21 Maarso, 2013(HOL) - Wafdi uu hogaaminayo ra’isul wasaaraha dowladda federaalka Soomaaliya Mudane Cabdi faarax Shirdoon Saacid ayaa la filayaa in uu dhawaan soo gaaro magaalada Kismaayo ee xarunta Gobolka J/hoose sida ay warbaahinta u xaqiijiyeen xubno ka tirsan masuuliyiinta shirka maamul u sameynta Jubooyinka.

3/21/2013 9:56 AM EST
Khamiis, 21 Maarso, 2013(HOL) - Gudiga isboortiga gobolka J/hoose oo maanta shir jara’aid ku qabtay xafiiskooda magaalada Kismaayo ayaa u mahadceliyay shaqsiyaad ay sheegeen in ay gacan weyn ka geysteen sidii dib loogu dhisi lahaa Isboortiga gobolka J/hoose.

3/21/2013 8:09 AM EST
Khamiis, Maarso 21, 2013 (HOL) — Magaalooyinka Somaliland ayaa maanta laga xusay maalinta biyaha aduunka oo si weyn loogu dabaaldegay qiimaha ay leeyihiin biyuhu.

3/21/2013 7:51 AM EST
Khamiis, Maarso 21, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ku saabsan Xuquuqda Aadanaha kula yeeshay maanta xarunta madaxtooyada khabiir Qaramada Midoobay u qaabilsan dhinaca xuquuqda aadanaha, Shamsul Baari.

3/21/2013 2:53 AM EST
Khamiis, Maarso 21, 2013 (HOL) — Ururka Midowga Yurub ayaa lacag dhan 43-milyan oo doollar ugu deeqay ciidamada Midowga Afrika ee AMISOM ee ka howgala Soomaaliya, waxaana gargaarkan lagu dhawaaqay Talaadadii lasoo dhaafay ee bishan Maarso ay ahayd 19-ka.

3/21/2013 2:30 AM EST
Khamiis, Maarso 21, 2013 (HOL) — Waaxda arrimaha dibadda Mareykayka ayaa soo saartay warbixin lacago lagu dul dhigay madaxa laba ruux oo u dhashay dalka Mareykanka oo ka barbar dagaalama Al-shabaab oo xiriir la leh Al-Qaacida.

3/21/2013 1:58 AM EST
Khamiis, Maarso 21, 2013 (HOL) — Ugu yaraan laba qof ayaa ku dhintay in ka badan afar kalena way ku dhaawacmeen iskahorimaad kooxo malleeshiyo ah ku dhexmaray xalay koonfurta magaalada Gaalkacyo ee xarunta gobolka Mudug.