3/19/2024
Today from Hiiraan Online:  _
Wararka Maanta- Khamiis, Mar 21, 2013
Gobollada Somaliland oo Maanta si weyn looga Xusay Maalinta Biyaha Dunida iyo Qiimaha ay Biyuhu u leeyihiin Nolosha

Khamiis, Maarso 21, 2013 (HOL) — Magaalooyinka Somaliland ayaa maanta laga xusay maalinta biyaha aduunka oo si weyn loogu dabaaldegay qiimaha ay leeyihiin biyuhu.

Munaasibad balaadhan oo lagu xusayo maalinta biyaha aduunka, ayaa lagu qabtay garoonka weyn ee beerta xoriyadda ee magaaladda Hargeysa, waxaana ka soo qaybgalay wasiirka Beeraha, agaasimaha qorsheynta, wasaarada Macdanta iyo biyaha iyo hay’ado caalami ah oo ka shaqeeya horumarinta biyaha.

Wasiirka Wasaaradda Beeraha Faarax Cilmi Geedoole, ayaa sheegay in aan biyaha laga maarmi karin, isla markaana biyo la’aani tahay nolol la’aan, waxaanu tilmaamay in la iska kaashado sidii biyo nadiif ah loo heli lahaa.

Wasiirka Beerha Geedoole waxa kale oo uu sheegay in biyaha roobku ay si dhibyar uu dhaafaan dhulka, sidaa darted loo baahan yahay in laga faa’iidaysto  biyahaasi oo loo sameeyo dhaaman lagu xidho si wakhtiga jiilaalka looga manaafacaysto, waxaanu shacabka ugu baaqay in la iska kaashado sidii loo heli lahaa biyo, maadaama oo aanay xukuumaddu awood u lahayn inay meel walba biyo ka hawlgaliso.

Agaasimaha guud ee wasaarada macanta, Tamarta iyo biyaha Ibraamim Maxamed, ayaa sheegay in ay ku guddo jiraan sidii dalka biyo ku filan loogu heli lahaa, gaar ahaan magaaladda Hargeysa oo ka korodhay intay ahaan jirtay ay u qorshaysan tahay in biyo ku filan loo heli lahaa.

Agaasimuhu waxa uu sheegay in ay hadda gabogabo tahay mashaariic biyaha loogu balaadhinayo oo ay hirgalinayso midowga yurub, kaas oo la doonayo in magaaladda biyo ku filan u heli lahayd.

Si kastaba ha ahaatee, munaasibadan ayey xukuumaddu ku soo bandhigay ceelel ay ka hirgalisay gobolada dalka, isla markaana ay xustay in ay ku guddo jirto balaadhinta sidii biyo nadiif ah loo heli lahaa iyo sidii biyo xidheeno loogu samayn lahaa dalka.

Barkhad-Ladiif  M. Cumar, Hiiraan Online
[email protected] 
Hargeysa, Somaliland













Click here
3/21/2013 3:22 PM EST
Khamiis, Maarso 21, 2013 (HOL) — Hal qof ayaa ku dhintay, saddex qof oo uu ku jiray sarkaal ka tirsan ciidamada dowladda ayaa ku dhaawacmay qarax ismiidaamin ah oo ka dhacay gudaha suuqa Bakaaraha, kaasoo lagu bartilmaameedsanayay ciidammo ka tirsan kuwa dowladda Soomaaliya.

3/21/2013 2:26 PM EST
Khamiis, Maarso 21, 2013 (HOL) — Taliyaha ciidamada Midowga Afrika ee AMISOM, Jen. Andrew Gutti ayaa maanta shaaca ka qaaday in ciidamadooda ay isku diyaarinayaan sidii ay ula wareegi lahaayene goobihii ay Itoobiya kala baxday ciidamadeeda.

3/21/2013 1:45 PM EST
Khamiis, Maarso 21, 2013 (HOL) — Golaha wasiiradda Soomaaliya ayaa maanta isugu yimid shirkoodii joogtada ahaa, kaasoo uu guddoominayay ra’iisul wasaaraha, Cabdi Faarax Shirdoon (Saacid), iyadoo looga hadlay qodobbo dhawr ah oo ay ka mid ahaayeen qorshe loogu magac-daray “The New Deal”, arrimaha amniga iyo soo celinta hantidii dowladda, gaar ahaana warshaddihii dalka.

3/21/2013 1:16 PM EST
Khamiis, Maarso 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kormeer howleed ku tagay dekedda weyn ee magaalada, waxaana kormeerkan ku wehlinayay xubno dowladda ka tirsan, wuxuuna socod ku maray bakhaarada dekedda iyo goobaha kale oo ay ka kooban tahay dekedda.

3/21/2013 11:12 AM EST
Khamiis, 21 Maarso, 2013(HOL):- Laba askari ayaa ku dhimatay mid kalena waxaa kasoo gaaray dhaawac kadib markii ay israsaaseyn dhexmartay askar kawada tirsan ciidamada dowladda Soomaaliya ee magaalada Kismaayo.

3/21/2013 10:48 AM EST
Khamiis, 21 Maarso, 2013(HOL) - Wafdi uu hogaaminayo ra’isul wasaaraha dowladda federaalka Soomaaliya Mudane Cabdi faarax Shirdoon Saacid ayaa la filayaa in uu dhawaan soo gaaro magaalada Kismaayo ee xarunta Gobolka J/hoose sida ay warbaahinta u xaqiijiyeen xubno ka tirsan masuuliyiinta shirka maamul u sameynta Jubooyinka.

3/21/2013 9:56 AM EST
Khamiis, 21 Maarso, 2013(HOL) - Gudiga isboortiga gobolka J/hoose oo maanta shir jara’aid ku qabtay xafiiskooda magaalada Kismaayo ayaa u mahadceliyay shaqsiyaad ay sheegeen in ay gacan weyn ka geysteen sidii dib loogu dhisi lahaa Isboortiga gobolka J/hoose.

3/21/2013 8:26 AM EST
Khamiis, Maarso 21, 2013 (HOL) — Afar ka mid ah ciidamada xoogga dalka ayaa siyaabo kala duwan loogu dilay degmada Dayniile ee gobolka Banaadir, gaar ahaan xaafadaha ku teedsan jidka warshadaha.

3/21/2013 7:51 AM EST
Khamiis, Maarso 21, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ku saabsan Xuquuqda Aadanaha kula yeeshay maanta xarunta madaxtooyada khabiir Qaramada Midoobay u qaabilsan dhinaca xuquuqda aadanaha, Shamsul Baari.

3/21/2013 2:53 AM EST
Khamiis, Maarso 21, 2013 (HOL) — Ururka Midowga Yurub ayaa lacag dhan 43-milyan oo doollar ugu deeqay ciidamada Midowga Afrika ee AMISOM ee ka howgala Soomaaliya, waxaana gargaarkan lagu dhawaaqay Talaadadii lasoo dhaafay ee bishan Maarso ay ahayd 19-ka.

3/21/2013 2:30 AM EST
Khamiis, Maarso 21, 2013 (HOL) — Waaxda arrimaha dibadda Mareykayka ayaa soo saartay warbixin lacago lagu dul dhigay madaxa laba ruux oo u dhashay dalka Mareykanka oo ka barbar dagaalama Al-shabaab oo xiriir la leh Al-Qaacida.

3/21/2013 1:58 AM EST
Khamiis, Maarso 21, 2013 (HOL) — Ugu yaraan laba qof ayaa ku dhintay in ka badan afar kalena way ku dhaawacmeen iskahorimaad kooxo malleeshiyo ah ku dhexmaray xalay koonfurta magaalada Gaalkacyo ee xarunta gobolka Mudug.