3/19/2024
Today from Hiiraan Online:  _
Wararka Maanta- Sabti, Mar 2 , 2013
Guddoomiye ku xigeenka Maamulka Kismaayo oo sheegay in shirka maamul u sameynta Jubbooyinka uusan Khilaafsnayn Dastuurka


Sabti, Maarso 02, 2013 (HOL) — Guddoomiye ku xigeenka maamulka KMG ah ee Kismaayo, Yaasiin Nuur Gaas ayaa sheegay in maamul u sameynta gobollada Jubbooyinka iyo Gedo uu si wanaagsan u socdo, isagoo sheegay in ergooyinka qaarkood ay weli kusoo wajahan yihiin Kismaayo.

Ra’iisul wasaaraha Soomaaliya Cabdi Faarax Shir-doon (Saacid) ayaa ku tilmaamay shirka mid khilaafsan dastuurka dalka dowladduna aysan raalli ka ahayn wixii dastuurka jabinaya.

 “Innagu waxaan qabnaa inaan ku taaganahay dastuurka dalka u yaalla oo ay dowladdu ku dhisan tahay, meel uu ka khilaafsan yahayna aysan jirin, waayo dadku xaq ayuu u leeyahay sida dastuurku qorayo in laba gobol iyo wixii ka badan ay xaq u leeyihiin inay sameystaan maamul hoostaga dowladda federaalka ah,” ayuu yiri Yaasiin Gaas oo BBC-da wareysi gaar ah siiyay.

Mas’uulkan wuxuu sheegay in dowladda Soomaaliya ay ku martiqaadeen shirka, welina maysan imaan, laakiin waxaan diyaar u nahay inaan dowladda ula noqono wixii aan dhisnno.

Su’aal la weydiiyay in dowladda ay saluugayso in beelo gobollada Jubboyinka ku dhaqan aysan ku qanacsnayn shirka oo cabashadooda ay dowladda u gudbiyeen, dowaldduna ay doonayso in loo dhammaado shirka ayuu kaga jawaabay:

“Maamulladii la dhisayay oo dhan qolo ayaa lahayd kuma qanacsanin, marka Soomaaliya kama dhamaato kuma qanacsi, balse 99% dadka gobolladan ku nool way isku raacsan yihiin maamulkan.”

Sidoo kale, mar uu ka jawaabay sida ay dowladda iyagu u heshiin karaan maadaama ay sidan u kala fog yihiin ayuu kaga jawaabay: “Dowladda ama waa noo imaanaysaa ama waan u tagaynaa, in lawada tashado oo khilaafka la dhameeyana waxba kama qabo innagu.”

Ugu dambeyn, Yaasiin Nuur Gaas wuxuu sheegay in maamul walba oo la dhisayo uu muran ka yimaado, balse uu rajeynayo in maamulkan uu noqon doono kan ugu khilaaf yar ee la dhiso.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/2/2013 1:04 PM EST
Sabti, Maarso 02, 2013 (HOL) — Ururka Ahlusunna Waljamaaca ayaa ku doortay maanta degmada Guriceel ee gobolka Mudug guddoomiyaha cusub ee golaha talada, kaasoo loo doortay Cabdi Cali Fiidow kaddib shir dhow casho soo socday.

3/2/2013 12:45 PM EST
Sabti, Maarso 02, 2013 (HOL) — Wafdi ka socday Midowga Yurub oo uu hoggaaminayay ku xigeenka xoghayaha guud ee Midowga u qaabilsan howlaha dibadda, Maciej Popowski ayaa maanta soo gaaray Muqdisho, kuwaasoo kulammo la yeeshay wasiirro ka tirsan dowladda Soomaaliya.

3/2/2013 12:13 PM EST
Sabti, Maarso 02, 2013 (HOL) — Qoysas barakacayaal ah oo tiradoodu tahay 450 qoys oo ku nool degmada Laascaanood, Xuddun iyo Taleex kuwaasoo ka wada-tirsan gobolka Sool ayaa loo qaybiyay lacago ay ku deeqeen hay’adaha USAID iyo CARE International, taasoo soo martay hay’adda waddaniga ah ee SVO.

3/2/2013 11:12 AM EST
Sabti, Maarso 02, 2013 (HOL) — Maxkamadda ciidamada Puntland -laanteeda gobolka Nugaal - ayaa maanta xukuntay 2 nin oo ku eedeysnaa in ay ka tirsan yihiin xarakada Al-shabaab. Nimankan oo lagu kala magacaabo Cabdirisaaq Xasan Tahliil iyo Maxamuud Nuux Adam ayaa lagu ridey xukun dil ah.

3/2/2013 7:33 AM EST
Sabti, Maarso 02, 2013 (HOL) — Kooxo aan la aqoonsan ayaa bam-gacmeed ku weeraray duhurnimadii maanta xarunta Radio Baydhabo oo ku yaalla xaafadda Cadaadda ee magaalada Baydhabo, iyadoo qaraxaas uusan geysan wax khasaare ah.

3/2/2013 7:27 AM EST
Sabti, Maarso 02, 2013 (HOL) — Xildhibaanad Faadumo Jaamac Ileeya oo ka mid ah golaha Guurtidda Somaliland, ayaa maanta laga aqbalay iscasilaad ay golaha u soo gudbisay ka dib markii afar sanadood ay kali ku ahayd golaha Guurtidda.

3/2/2013 7:09 AM EST
Sabti, Maarso 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta furay kal-fadhigii labaad ee baarlamaanka Somalia isagoo khudbad dhinacyo badan taabanaysay ka jeediyay munaasabad loogu talo-galay in lagu furo kalfadhigan.

3/2/2013 6:51 AM EST
Sabti, March 02, 2013 (HOL) - Iyadoo maalinta isniinta ah ay dadka waddanka Kenya u dareerayaan goobaha codbixinta ayaa Mid kamid ah 8-da musharrax ee u taagan doorashada madaxtinnimida ee dalka Kenya uu soo booqday xafiiska Hiiraan Online ay ku leedahay magaalada Nairobi.

3/2/2013 6:47 AM EST
Sabti, Maarso 02, 2013 (HOL) — Duqa magaalada Baladweyne, Maxamed Xassan Nuur oo sadaxdii cisho ee lasoo dhaafayba ku xirnaa saldhiga magaalada Baladweyne ayaa markii ugu horeysay waxaa xarigiisa ka hadllay saraakiisha maamulka gobolka.

3/2/2013 6:39 AM EST
Sabti, Maarso 02, 2013 (HOL) — Qaar ka mid ah gaadiidleyda Basaska loo yaqaan ayaa kordhiyey qiimaha gaadiidkoodda lagu raaco, kuwaas oo ka dhigay laba kun oo shilin Somaliland ah, halka uu markii hore ka ahaa kun iyo shan boqol SHSL (1500).

3/2/2013 2:09 AM EST
Sabti, Maarso 02, 2013 (HOL) — Saraakiisha ciidamada Midowga Afrika ee AMISOM ayaa cambaareeyay weerarradii ismiidaaminta ahaa ee shalay ka maqaayad ku taalla xeebta Liido ee magaalada Muqdisho, kaasoo dilay laba qof oo uu ku jiro qofkii weerarka fuliyay, dhaawacayna toddoba qof oo kale.

3/2/2013 1:16 AM EST
Sabti, Maarso 02, 2013 (HOL) — Madaxweynaha dalka Jabuuti, Ismaaciil Cumar Geelle ayaa ka hadlay markii ugu horreysay rabshado ka dhashay doorashooyinkii baarlamaaniga ahaa ee ka dhacay dalkaas, isagoo xusay in dowladdu aysan ogolaan doonin in dhibaatooyin laga buuro magaalada.