3/19/2024
Today from Hiiraan Online:  _
Wararka Maanta- Sabti, Mar 2 , 2013
Wafdi ka socday Ururka Midowga Yurub oo Muqdisho kula kulmay Wasiirro ka tirsan Xukuuumadda Soomaaliya


Sabti, Maarso 02, 2013 (HOL) — Wafdi ka socday Midowga Yurub oo uu hoggaaminayay ku xigeenka xoghayaha guud ee Midowga u qaabilsan howlaha dibadda, Maciej Popowski ayaa maanta soo gaaray Muqdisho, kuwaasoo kulammo la yeeshay wasiirro ka tirsan dowladda Soomaaliya.

Popowski ayaa la kulmay wasiirka gaashaandhigga, Cabdixakiin Maxamuud Xaaji Fiqi iyo wasiirka arrimaha gudaha iyo mmaanka Qaranka, Cabdikariin Xuseen Guuleed isagoo kala hadlay arrin ku saabsan horumarinta hay’adaha ammaanka Soomaaliya iyo sidii Midowga Yurub uu gacan uga geysan lahaa howshan.

“Xubnaha Midowga Yurub ee maanta soo booqday Muqdihso waxaan kala hadalnay sidii tababarro loo siin lahaa ciidamada dowladda, sida booliiska, kuwa nabadsugidda iyo milateriga, si ammaanka dalka dib loogu soo celiyo,” ayuu yiri wasiirka arrimaha gudaha ee Soomaaliya oo warbaahinta la hadlay markii uu kulanku soo dhammaaday.

Wafdigan ayaa waxay qayb ka noqonayaan wufuud kala duwan oo bilihii lasoo dhaafay soo gaarayay Muqdisho, kuwaasoo ay ka mid ahaayeen in ka badan toban safiir oo dhawaan soo gaaray Muqdisho kuwana wareejiyay madaxweynaha Soomaaliya warqadahoodii safiirnimo.

“Muhiimadda koowaad ee Midowga Yurub waa Soomaaliya xasisha. Taas waxaan si aad ah ugala shaqeynaynaa Soomaalida iyo Midowga Afrika,” ayuu yiri Popowski oo intaas ku daray: “Taasi waa mid aan dhammaanteen kalsooni ku qabno. Waxaana si tartiib-tartiib ah ku gaaraynaa deggenaasho Soomaaliya kusoo laabta.”

Ururka Midowga Afrika ayaa tan iyo sannadkii 2008 wuxuu Soomaaliya ka taageerayay dhinaca ammaanka. Sidoo kale waxay dhinac dhaqaalaha ka taageeraan ciidamada AMISOM iyo booliiska Soomaaliya. Sidoo kale waxay wadaan barnaamij lagu tababarayo ciidamada milateriga Soomaaliya, kaas oo lagu wado in dhawaan loosoo wareejiyo magaalada Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/2/2013 1:37 PM EST
Sabti, Maarso 02, 2013 (HOL) — Guddoomiye ku xigeenka maamulka KMG ah ee Kismaayo, Yaasiin Nuur Gaas ayaa sheegay in maamul u sameynta gobollada Jubbooyinka iyo Gedo uu si wanaagsan u socdo, isagoo sheegay in ergooyinka qaarkood ay weli kusoo wajahan yihiin Kismaayo.

3/2/2013 1:04 PM EST
Sabti, Maarso 02, 2013 (HOL) — Ururka Ahlusunna Waljamaaca ayaa ku doortay maanta degmada Guriceel ee gobolka Mudug guddoomiyaha cusub ee golaha talada, kaasoo loo doortay Cabdi Cali Fiidow kaddib shir dhow casho soo socday.

3/2/2013 12:13 PM EST
Sabti, Maarso 02, 2013 (HOL) — Qoysas barakacayaal ah oo tiradoodu tahay 450 qoys oo ku nool degmada Laascaanood, Xuddun iyo Taleex kuwaasoo ka wada-tirsan gobolka Sool ayaa loo qaybiyay lacago ay ku deeqeen hay’adaha USAID iyo CARE International, taasoo soo martay hay’adda waddaniga ah ee SVO.

3/2/2013 11:12 AM EST
Sabti, Maarso 02, 2013 (HOL) — Maxkamadda ciidamada Puntland -laanteeda gobolka Nugaal - ayaa maanta xukuntay 2 nin oo ku eedeysnaa in ay ka tirsan yihiin xarakada Al-shabaab. Nimankan oo lagu kala magacaabo Cabdirisaaq Xasan Tahliil iyo Maxamuud Nuux Adam ayaa lagu ridey xukun dil ah.

3/2/2013 7:33 AM EST
Sabti, Maarso 02, 2013 (HOL) — Kooxo aan la aqoonsan ayaa bam-gacmeed ku weeraray duhurnimadii maanta xarunta Radio Baydhabo oo ku yaalla xaafadda Cadaadda ee magaalada Baydhabo, iyadoo qaraxaas uusan geysan wax khasaare ah.

3/2/2013 7:27 AM EST
Sabti, Maarso 02, 2013 (HOL) — Xildhibaanad Faadumo Jaamac Ileeya oo ka mid ah golaha Guurtidda Somaliland, ayaa maanta laga aqbalay iscasilaad ay golaha u soo gudbisay ka dib markii afar sanadood ay kali ku ahayd golaha Guurtidda.

3/2/2013 7:09 AM EST
Sabti, Maarso 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta furay kal-fadhigii labaad ee baarlamaanka Somalia isagoo khudbad dhinacyo badan taabanaysay ka jeediyay munaasabad loogu talo-galay in lagu furo kalfadhigan.

3/2/2013 6:51 AM EST
Sabti, March 02, 2013 (HOL) - Iyadoo maalinta isniinta ah ay dadka waddanka Kenya u dareerayaan goobaha codbixinta ayaa Mid kamid ah 8-da musharrax ee u taagan doorashada madaxtinnimida ee dalka Kenya uu soo booqday xafiiska Hiiraan Online ay ku leedahay magaalada Nairobi.

3/2/2013 6:47 AM EST
Sabti, Maarso 02, 2013 (HOL) — Duqa magaalada Baladweyne, Maxamed Xassan Nuur oo sadaxdii cisho ee lasoo dhaafayba ku xirnaa saldhiga magaalada Baladweyne ayaa markii ugu horeysay waxaa xarigiisa ka hadllay saraakiisha maamulka gobolka.

3/2/2013 6:39 AM EST
Sabti, Maarso 02, 2013 (HOL) — Qaar ka mid ah gaadiidleyda Basaska loo yaqaan ayaa kordhiyey qiimaha gaadiidkoodda lagu raaco, kuwaas oo ka dhigay laba kun oo shilin Somaliland ah, halka uu markii hore ka ahaa kun iyo shan boqol SHSL (1500).

3/2/2013 2:09 AM EST
Sabti, Maarso 02, 2013 (HOL) — Saraakiisha ciidamada Midowga Afrika ee AMISOM ayaa cambaareeyay weerarradii ismiidaaminta ahaa ee shalay ka maqaayad ku taalla xeebta Liido ee magaalada Muqdisho, kaasoo dilay laba qof oo uu ku jiro qofkii weerarka fuliyay, dhaawacayna toddoba qof oo kale.

3/2/2013 1:16 AM EST
Sabti, Maarso 02, 2013 (HOL) — Madaxweynaha dalka Jabuuti, Ismaaciil Cumar Geelle ayaa ka hadlay markii ugu horreysay rabshado ka dhashay doorashooyinkii baarlamaaniga ahaa ee ka dhacay dalkaas, isagoo xusay in dowladdu aysan ogolaan doonin in dhibaatooyin laga buuro magaalada.