3/19/2024
Today from Hiiraan Online:  _
Wararka Maanta- Sabti, Mar 2 , 2013
Xildhibaan Faadumo Ileeye oo ahayd Haweeneydii keliya ee ku jirtay Golaha Guurtidda Somaliland oo xilkii Is-casishay

Sabti, Maarso 02, 2013 (HOL) — Xildhibaanad Faadumo Jaamac Ileeya oo ka mid ah golaha Guurtidda Somaliland, ayaa maanta laga aqbalay iscasilaad ay golaha u soo gudbisay ka dib markii afar sanadood ay kali ku ahayd golaha Guurtidda.

Fadhigiii maanta ee golaha Guurtidda oo uu shirgudoominayey gudoomiye ku xigeenka 2aad Siciid Jaamac Cali ayaa laga hor akhriyey iscasiladda ay golaha ka dalbaday in laga ogolaaddo inay banayso xilkii ay ka haysay golaha Guurtidda, waxaana si aqlabiyad ah loogu ogolaaday iscasiladaasi ay soo dalbatay.

Iscasilaaddan haweenaydan ku kalidda ahayd golaha Guurtidda ayaa waxa ka ogolaaday inay xilkaasi banayso 45 xildhibaan, halka laba mudane ka aamuseen, gudoomiyuhuna aanu codeyn.

Xildhibaan Faadumo Jaamac Ileeya ayaa sheegtay markii laga aqbalay iscasiladeeda inay ku kaliftay inay jagadaasi banayso ka dib markii ay ku kaliyeysato golaha, isla markaaana afar sanadood ay kaligeed ka ahayd wax haweenay ah, taasina ay ku adkaatay in 82 xildhibaan ee ay ka kooban yhiin golaha Guurtiddu ay ku sii jirto.

“Waxaana waayey bidhaantii dumarka  Muddo afar sanno ah,  waxaan ku jiray golaha guurtida taasi oo aan keli ku ahaa, waxaana iga soo dhacday kali nimada  waxayna ila noqotay in aan booskii baneeyo  meeshuna maaha meel loo soo gudbi karo, markii horena waan  ogaa in aanay haween kale ku jirin, balse  waxaan arkay in aanay jirin wax kale oo haween ah oo ku soo fool leh golaha”ayey tidhi Xildhibaan Faadumo ileeyo oo ka hadlaysay sababta ay iskaga casishay xilkaasi.

Faadumo  Jaamac oo ah haweenayda kaliya ee ku jirta golaha Guurtidda, isla markaana ah haweenay sheekhadda, ayaa sheegtay in aanay haweenku ku habooneyn golahan Odayaasha, isla markaana kali ku noqotay golaha, taasina ay ku dhalisay inay xilkaasi ay u haysay golaha banayso, madaama oo ay adagtahay inay haweenku soo galaan golaha guurtida, isla markaana si nasiib ah ay iyadu uga mid noqotay golaha ka dib markii odaygeedii oo golaha guurtidda ka mid ahaa ku geeriyooday qaraxii 2008 dii ka dhacay xarunta madaxtooyadda, sidaasna Faadumo loogu soo bedelay.

Haseyeeshee iscasilaadan ayaa waxa ka naxay haweenka Somaliland oo baryahan dambe u ololeyn jiray inay baarlamaanka kooto laga siiyo, maadaama oo haweenku doorasho ku soo bixi karin.

Barkhad-Ladiif  M. Cumar, Hiiraan Online 
[email protected]
Hargeysa, Somaliland













Click here
3/2/2013 1:37 PM EST
Sabti, Maarso 02, 2013 (HOL) — Guddoomiye ku xigeenka maamulka KMG ah ee Kismaayo, Yaasiin Nuur Gaas ayaa sheegay in maamul u sameynta gobollada Jubbooyinka iyo Gedo uu si wanaagsan u socdo, isagoo sheegay in ergooyinka qaarkood ay weli kusoo wajahan yihiin Kismaayo.

3/2/2013 1:04 PM EST
Sabti, Maarso 02, 2013 (HOL) — Ururka Ahlusunna Waljamaaca ayaa ku doortay maanta degmada Guriceel ee gobolka Mudug guddoomiyaha cusub ee golaha talada, kaasoo loo doortay Cabdi Cali Fiidow kaddib shir dhow casho soo socday.

3/2/2013 12:45 PM EST
Sabti, Maarso 02, 2013 (HOL) — Wafdi ka socday Midowga Yurub oo uu hoggaaminayay ku xigeenka xoghayaha guud ee Midowga u qaabilsan howlaha dibadda, Maciej Popowski ayaa maanta soo gaaray Muqdisho, kuwaasoo kulammo la yeeshay wasiirro ka tirsan dowladda Soomaaliya.

3/2/2013 12:13 PM EST
Sabti, Maarso 02, 2013 (HOL) — Qoysas barakacayaal ah oo tiradoodu tahay 450 qoys oo ku nool degmada Laascaanood, Xuddun iyo Taleex kuwaasoo ka wada-tirsan gobolka Sool ayaa loo qaybiyay lacago ay ku deeqeen hay’adaha USAID iyo CARE International, taasoo soo martay hay’adda waddaniga ah ee SVO.

3/2/2013 11:12 AM EST
Sabti, Maarso 02, 2013 (HOL) — Maxkamadda ciidamada Puntland -laanteeda gobolka Nugaal - ayaa maanta xukuntay 2 nin oo ku eedeysnaa in ay ka tirsan yihiin xarakada Al-shabaab. Nimankan oo lagu kala magacaabo Cabdirisaaq Xasan Tahliil iyo Maxamuud Nuux Adam ayaa lagu ridey xukun dil ah.

3/2/2013 7:33 AM EST
Sabti, Maarso 02, 2013 (HOL) — Kooxo aan la aqoonsan ayaa bam-gacmeed ku weeraray duhurnimadii maanta xarunta Radio Baydhabo oo ku yaalla xaafadda Cadaadda ee magaalada Baydhabo, iyadoo qaraxaas uusan geysan wax khasaare ah.

3/2/2013 7:09 AM EST
Sabti, Maarso 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta furay kal-fadhigii labaad ee baarlamaanka Somalia isagoo khudbad dhinacyo badan taabanaysay ka jeediyay munaasabad loogu talo-galay in lagu furo kalfadhigan.

3/2/2013 6:51 AM EST
Sabti, March 02, 2013 (HOL) - Iyadoo maalinta isniinta ah ay dadka waddanka Kenya u dareerayaan goobaha codbixinta ayaa Mid kamid ah 8-da musharrax ee u taagan doorashada madaxtinnimida ee dalka Kenya uu soo booqday xafiiska Hiiraan Online ay ku leedahay magaalada Nairobi.

3/2/2013 6:47 AM EST
Sabti, Maarso 02, 2013 (HOL) — Duqa magaalada Baladweyne, Maxamed Xassan Nuur oo sadaxdii cisho ee lasoo dhaafayba ku xirnaa saldhiga magaalada Baladweyne ayaa markii ugu horeysay waxaa xarigiisa ka hadllay saraakiisha maamulka gobolka.

3/2/2013 6:39 AM EST
Sabti, Maarso 02, 2013 (HOL) — Qaar ka mid ah gaadiidleyda Basaska loo yaqaan ayaa kordhiyey qiimaha gaadiidkoodda lagu raaco, kuwaas oo ka dhigay laba kun oo shilin Somaliland ah, halka uu markii hore ka ahaa kun iyo shan boqol SHSL (1500).

3/2/2013 2:09 AM EST
Sabti, Maarso 02, 2013 (HOL) — Saraakiisha ciidamada Midowga Afrika ee AMISOM ayaa cambaareeyay weerarradii ismiidaaminta ahaa ee shalay ka maqaayad ku taalla xeebta Liido ee magaalada Muqdisho, kaasoo dilay laba qof oo uu ku jiro qofkii weerarka fuliyay, dhaawacayna toddoba qof oo kale.

3/2/2013 1:16 AM EST
Sabti, Maarso 02, 2013 (HOL) — Madaxweynaha dalka Jabuuti, Ismaaciil Cumar Geelle ayaa ka hadlay markii ugu horreysay rabshado ka dhashay doorashooyinkii baarlamaaniga ahaa ee ka dhacay dalkaas, isagoo xusay in dowladdu aysan ogolaan doonin in dhibaatooyin laga buuro magaalada.