3/19/2024
Today from Hiiraan Online:  _
Wararka Maanta- Sabti, Mar 2 , 2013
Qiimaha lagu raaco Gaadiidka Dadweynaha Magaalada Hargeysa iyo Muran ka Dhashay Qiime Kordhintaas

Sabti, Maarso 02, 2013 (HOL) — Qaar ka mid ah gaadiidleyda Basaska loo yaqaan ayaa kordhiyey qiimaha gaadiidkoodda lagu raaco, kuwaas oo ka dhigay laba kun oo shilin Somaliland ah, halka uu markii hore ka ahaa kun iyo shan boqol SHSL (1500).

Gaadiidkan ayaa hore u shaaciyey inay qiimaha  lagu raaco Basaska ay kordhin doonaan, haddii aanay xukuumaddu wax ka qaban qiimaha shiidaalke ee sare u kacay, waxaanay maanta kaga dhabeeyeen hadalkoodii hore ee ahaa inay kordhin doonaan, taasina waxay muran ka dhex abuurtay dadweynaha adeegsada iyo gaadiidleyda.

Gaadiidleydan u kala baxa magaaladda Hargeysa dhexdeedda ayaa qiimo kordhintaasi ka bilaabay wakhti ay dadweynuhu aad u raacaan oo ah wakhtigi suuqa laga soo baxayey ee xilli qadada ah, taas oo ay dadweynuhu baahi weyn u qabaan inay helaan gaadiid guryahooda u soo raacaan, maadaama oo xilli kulayl lagu jiro.

“Anago iskuulkii ka nimid oo haysana kun iyo shantii boqol ee lagu raaci jiray ayey yidhaahdeen shan boqol ku dara oo laba kun keena, anagu lacag ma haysano waxay ahayd inay aroornimadii noo sheegaan marka kama yeelayo inay wakhtigan lagu kordhiyaan”sidaas waxa ku doodayey arday iskuulkii ka soo rawaxay oo la kulmay qiimaha lagu kordhiyey Baskii uu raacayey.

Dadweyne aad u badan ayaa tubnaa meelaha Baska laga raaco, waxaana muran iyo Is qabqabsi ka dhexjiray dadweynaha iyo gaadiidleyda, iyagoo gaadiidleydu sheegeen in aanay qof aan lacagtaasi ku kordhiyeen sidan aanay gaadiidkooda raaceen, waxaanay dadka lacagta lagaga gurayey albaabka hore ee baska si aanay qofku marka uu gudaha galo aanu muran iyo ma hayo ugu bilaabeen, taasina waxay keentay in cidii haysatana raacdo intii aan haysana iskaga hadho.

“Macquul maaha in wakhtigan lacag lagu kordhiyo waayo imika wixii aanu haynay waanu soo isticmaalnay, waxaana haysanaa uun intii hore ee lagu raaci jiray” ayuu yidhi haweenay si weyn uga cadhaysnayd qiimaha kadiska ah ee lagu kordhiyey  Gaadiidkii raaci jiray oo la hadlaysay HOL.

Si kastaba ha ahaatee, Dadweynihii ka soo raacayey gaadiidka suuqa ayaa la kowsaday qiimo korodh ay sameeyeen gaadiidkaasi, waxaana halkaasi ka dhashay muran iyo khilaaf soo kala dhexgalay dadweynihii iyo gaadiidley, haseyeeshee ilaa hadda xukuumadda oo la rabay inay wax qabato ayaan ka hadal qiimo korodhkan ay sameeyeen gaadiidleyda.

Barkhad-Ladiif  M. Cumar, Hiiraan Online
[email protected] 
Hargeysa, Somaliland













Click here
3/2/2013 1:37 PM EST
Sabti, Maarso 02, 2013 (HOL) — Guddoomiye ku xigeenka maamulka KMG ah ee Kismaayo, Yaasiin Nuur Gaas ayaa sheegay in maamul u sameynta gobollada Jubbooyinka iyo Gedo uu si wanaagsan u socdo, isagoo sheegay in ergooyinka qaarkood ay weli kusoo wajahan yihiin Kismaayo.

3/2/2013 1:04 PM EST
Sabti, Maarso 02, 2013 (HOL) — Ururka Ahlusunna Waljamaaca ayaa ku doortay maanta degmada Guriceel ee gobolka Mudug guddoomiyaha cusub ee golaha talada, kaasoo loo doortay Cabdi Cali Fiidow kaddib shir dhow casho soo socday.

3/2/2013 12:45 PM EST
Sabti, Maarso 02, 2013 (HOL) — Wafdi ka socday Midowga Yurub oo uu hoggaaminayay ku xigeenka xoghayaha guud ee Midowga u qaabilsan howlaha dibadda, Maciej Popowski ayaa maanta soo gaaray Muqdisho, kuwaasoo kulammo la yeeshay wasiirro ka tirsan dowladda Soomaaliya.

3/2/2013 12:13 PM EST
Sabti, Maarso 02, 2013 (HOL) — Qoysas barakacayaal ah oo tiradoodu tahay 450 qoys oo ku nool degmada Laascaanood, Xuddun iyo Taleex kuwaasoo ka wada-tirsan gobolka Sool ayaa loo qaybiyay lacago ay ku deeqeen hay’adaha USAID iyo CARE International, taasoo soo martay hay’adda waddaniga ah ee SVO.

3/2/2013 11:12 AM EST
Sabti, Maarso 02, 2013 (HOL) — Maxkamadda ciidamada Puntland -laanteeda gobolka Nugaal - ayaa maanta xukuntay 2 nin oo ku eedeysnaa in ay ka tirsan yihiin xarakada Al-shabaab. Nimankan oo lagu kala magacaabo Cabdirisaaq Xasan Tahliil iyo Maxamuud Nuux Adam ayaa lagu ridey xukun dil ah.

3/2/2013 7:33 AM EST
Sabti, Maarso 02, 2013 (HOL) — Kooxo aan la aqoonsan ayaa bam-gacmeed ku weeraray duhurnimadii maanta xarunta Radio Baydhabo oo ku yaalla xaafadda Cadaadda ee magaalada Baydhabo, iyadoo qaraxaas uusan geysan wax khasaare ah.

3/2/2013 7:27 AM EST
Sabti, Maarso 02, 2013 (HOL) — Xildhibaanad Faadumo Jaamac Ileeya oo ka mid ah golaha Guurtidda Somaliland, ayaa maanta laga aqbalay iscasilaad ay golaha u soo gudbisay ka dib markii afar sanadood ay kali ku ahayd golaha Guurtidda.

3/2/2013 7:09 AM EST
Sabti, Maarso 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta furay kal-fadhigii labaad ee baarlamaanka Somalia isagoo khudbad dhinacyo badan taabanaysay ka jeediyay munaasabad loogu talo-galay in lagu furo kalfadhigan.

3/2/2013 6:51 AM EST
Sabti, March 02, 2013 (HOL) - Iyadoo maalinta isniinta ah ay dadka waddanka Kenya u dareerayaan goobaha codbixinta ayaa Mid kamid ah 8-da musharrax ee u taagan doorashada madaxtinnimida ee dalka Kenya uu soo booqday xafiiska Hiiraan Online ay ku leedahay magaalada Nairobi.

3/2/2013 6:47 AM EST
Sabti, Maarso 02, 2013 (HOL) — Duqa magaalada Baladweyne, Maxamed Xassan Nuur oo sadaxdii cisho ee lasoo dhaafayba ku xirnaa saldhiga magaalada Baladweyne ayaa markii ugu horeysay waxaa xarigiisa ka hadllay saraakiisha maamulka gobolka.

3/2/2013 2:09 AM EST
Sabti, Maarso 02, 2013 (HOL) — Saraakiisha ciidamada Midowga Afrika ee AMISOM ayaa cambaareeyay weerarradii ismiidaaminta ahaa ee shalay ka maqaayad ku taalla xeebta Liido ee magaalada Muqdisho, kaasoo dilay laba qof oo uu ku jiro qofkii weerarka fuliyay, dhaawacayna toddoba qof oo kale.

3/2/2013 1:16 AM EST
Sabti, Maarso 02, 2013 (HOL) — Madaxweynaha dalka Jabuuti, Ismaaciil Cumar Geelle ayaa ka hadlay markii ugu horreysay rabshado ka dhashay doorashooyinkii baarlamaaniga ahaa ee ka dhacay dalkaas, isagoo xusay in dowladdu aysan ogolaan doonin in dhibaatooyin laga buuro magaalada.