3/19/2024
Today from Hiiraan Online:  _
Wararka Maanta- Jimco, Mar 1 , 2013
Gaadiidka Dadweynaha iyo Shirkadaha Laydhka Somaliland oo ku hanjabay in ay kordhin doonaan Qiimaha Shidaalka Awgiis

Jimco, Maarso 01, 2013 (HOL) — Qiimaha Shiidaalka, gaar ahaan Naaftadda ayaa qiimahoodii kor u kacay Somaliland, taas oo keentay in gaadiidleydii magaaladda u kala gooshta iyo shirkadihii Laydhka ku hanjabaan inay qiimaha ay dadka ka qaadi jireen ku kordhin doonaan shacabka haddii aan wax laga qaban.

Labaddii toddobaad ee u dambeeyey ayaa waxa cirka isku shareeray qiimihii shiidaalka iyo sarifkii lacagaha oo dadka mushaharka ku qaada lacagta Somaliland si weyn uga cabanayeen,taas oo ilaa hadda aanay waxba ka qaban xukuumadda.

“Iyadoo marka horeba qiimuhu aanu ku qaadnaa dadka na raaca ay aad u yaraa ayey shiidaalkii kor loo qaaday ismana bixin karaan qiimaha aanu ku qaadno iyo halka uu maanta marayo shiidaalku, waxaana go’aasanahay in aanu gadiidkii dhigno iyo in aanu qiimaha kor u qaadno, waxaanay nala noqon wayday in aanu dhigno oo magaaladii kala xidhan baa ku dhacaya, marka waxanu is nidhi kolay culaysku shacabka ayuu ku dhacayaye, xukuumadan waxan ay kordhinayso shacabka ayuu ku dhacayaaye shacabka uun ha ku dhaco”ayuu yidhi gudoomiyaha gaadiidka Baasleyda Cabdiraxmaan Maxamed oo ka hadlayey qiimaha shiidaalka oo kor u kacay, waxaanu intaas ku daray “ haddii toddobaadka soo socda uu wax is dhimi waayana in aanu qiimihii lagu raaci jirnay shan boqol ku darno oo aanu ka dhigno laba kun oo shilin Somaliland ah”.

Sidoo kale waxa iyaguna qiimaha shiidaalka ee kordhay ka hadlay qaar ka mid ah Dirawaladda gaadiidleyda Basaska oo sheegay in aanay ka fursanayn in qiimaha baska lagu raacayo kor loo qaado lagana dhigayo laba kun, halka ay ka ahaan jirtay kun iyo shan boqol oo Somalilad shilling ah.

“Saameyn badan buu nagu leeyahay qiimaha la kordhiyey waayo meel wax lagaga kordhiyo malaha dadweynuhu, culayska na fuulayna waa mid aad u balaadhan, dadka aanu qadnaa waa danyar, qiimahan kordhayna waxa u ka yimid dawlada meel kale kama iman karo iyaga haamihii haysta iyaga wax ku kordhin kara, waxaana doonayaa in dawlada aanu la hadalno oo aanu nidhaahno wax nala eega oo marna ma doonayno in wax dhibaato ah samayno, waxaanu shiidaalkii marayaa tobanka litir  72,000 shsl halka uu markii hore ka ahaa 55,000 SHSL ah.”ayuu yidhi Axmed Maxamed oo ka mid ah gaadiidleyda.

Gaadiidleyda ayaa ku doodaya in qiimaha kordhay ka timid cashuurta dawladda oo kor u qaaday taasina ay keentay in shiidaalkii qiimihiisu kaco, isla markaana danyarta saameyn ku yeesho.

“Halkii aanu shan iyo konton kun siisan jirnay ayaa uu maraya dhawr iyo toddobaadan kun, dadkuna maaha dad iska xejin kara, dadkii masuulka ka ahaan waa nasiib daro hadii ay halkaasi ka soo daawanayaan, waxaan u malaynaya inay noo tashadeen ganacsatada iyo xukuuumada, waxaana aaminsanahay in ay tallo ku gaadheen in qiimuhu kor u kaco oo ummadan danyarta ah lagu laayo, ilaa hadan cid wax ka qabatay ma jirto”ayuu yidhi Maxamed Xasan oo ka mid ah gaadiidleyda u kala goosha magaaladda dhexdoodda.

Sidoo kale, waxa iyaguna ku dhawaaqay inay qiimihii kor u qaadayaan shirkadaha laydhka oo sheegay in haddii wax laga qaban waayo oo shiidaalka la jabin waayo ay qiimaha kor u qadayaan 20% .

Gudoomiyaha shirkadaha Laydhka Eng: Cabdi Cali Barkhad ayaa sheegay in haddii aan wax laga qaban qiimaha shiidaalka ee kor u kacay ay adeega laydhka ah ee ay bixiyaan qiimaha ku kordhin doonaan dadweynaha.

Illaa hadda xukuumadda Somaliland wax talaabo ah kama qaadin arrimahan isbiirbiirsaday,haseyeeshee waxay ku dadaalaysaa inay kor u qaado dakhliga ay helayso, iyadoo culayskana uu ku dhacayo dadka danyarta ah, waxaanay xukuumadani inta badan ku faanta uun in dakhli badan soo xarayso, balse aanay iswaydiin nolosha ay dadkeedu ku nool yihiin, inkastoo wasiirka ganacsigu sheegay in aanay iskood iskaga kordhin karin waxay doonaan shirkadleydu, isla markaana suuqu xor yahay, waxa kale oo uu xusay in qiimaha shiidaalku ka kordhay dhinaca dibadda laga soo iibiyo balse aanay iyagu waxba ku darin.

Si kastaba ha ahaatee, talaabadan ay qaadeen gaadiidka iyo warshadaha laydhkuna waxay sii adkaynaysaa noloshii danyarta haddii aan wax laga qaban oo aanay xukuumaddu soo dhexgalin.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
3/1/2013 12:08 PM EST
Jimco, Maarso 01, 2013 (HOL) — Xoogag taabacsan ururka Al-shabaab ayaa maanta ku dilay deegaanka Awdiinle ee gobolka Bay ganacsade lagu magacaabi jiray, Aadan Shariif, kaddib markii ay kala dageen gaari uu la socday.

3/1/2013 11:57 AM EST
Jimco, Maarso 01, 2013 (HOL) — Maxkamadda ciidammada qalabka sida ee dowladda Soomaaliya ayaa xukunno dil ah ku ridday askar ka tirsan ciidamada dowladda, kuwaasoo horay u geystay dambiyo kala duwan oo ay ku jiraan dilal.

3/1/2013 11:10 AM EST
Jimco, Maarso 01, 2013 (HOL) — Qaar ka mid ah 135-tii oday dhaqameed ee soo xulay xildhibaannada baarlamanka Soomaaliya oo maanta kulan ku yeeshay magaalada Muqdisho ayaa kulankooda kaga hadlay xaaladda uu dalku marayo, dagaalladii Jubbooyinka xildhibaanno la sheegay inay wadaan mooshin ka dhan ah xukuumadda iyo waxqabadka dowladda Soomaliya inta ay jirtay.

3/1/2013 9:45 AM EST
Jimco, Maarso 01, 2013 (HOL) — Laba qarax oo waaweyn ayaa ka dhacay maqaayad ku taal xeebta Liido oo lagu magacaabo Indian Ocean iyadoona qaraxyadaasi ay sababeen khasaarooyin isugu jira dhimasho iyo dhaawac.

3/1/2013 9:09 AM EST
Jimco, March 01, 2013(HOL) - Ra’iisul wasaare ku xigeenka ahna wasiirka arrimaha dibadda ee Soomaaliya marwo Fawziya Yuusuf Xaaji Aadan ayaa ka qaybgashay shir ay yeesheen qaar kamid ah wasiirrada arrimaha dibadda ee wadamada ku bahoobay urur goboleedka IGAD.

3/1/2013 8:58 AM EST
Jimco, Maarso 01, 2013 (HOL) — Ra’isul wasaaraha xukuumadda Federaalka Soomaaliya Cabdi Faarax Shirdoon (Saacid) ayaa markii ugu horeeysay sheegay in xukuumadiisu ay kasoo horjeedo habka uu u socdo shirka maamul u sameynta gobollada Jubooyinka ee maalinimadii shalay ka furmay magaalada Kismaayo ee xarunta gobolka J/hoose.

3/1/2013 2:50 AM EST
Jimco, Maarso 01, 2013 (HOL) — Ururka Midowga Yurub ayaa sheegay inay si dhaqso badan ugu rarayaan howsha tababaridda ciidamada Soomaaliya gudaha magalada Muqdisho ee xarunta Soomaaliya, halkaasoo lagu tababari doono ciidamada Soomaaliya.

3/1/2013 2:33 AM EST
Jimco, Maarso 01, 2013 (HOL) — Bannaabax looga soo horjeedo doorashadii ka dhacday dalka Jabuuti iyo siyaasiyiinta lagu xir-xiray dalkaas ayaa lagu qabtay magaalada Ottawa. Bannaanbaxaas ayaa waxaa soo qaban-qaabiyay jaaliyadda reer Jabuuti ee ku nool magaalada Ottawa ee dalka Kanada.

3/1/2013 2:16 AM EST
Jimco, Maarso 01, 2013 (HOL) — Bandhig faneed ay ka qaybgaleen boqolaal qof oo loogu talo-galay in dhaqaalaha kasoo baxa lagu caawiyo caruurta darbiyo jiifka ah ayaa xalay lagu qabtay magaalada Muqdisho ee xarunta Soomaaliya.

3/1/2013 2:14 AM EST
Jimco, Maarso 01, 2013 (HOL) — Ciidamadda sida gaar ah u tobabaran ee loo yaqaan RRU-da oo ay wehelinayaan ciidamadda sirdoonka Somaliland, ayaa habeen hore xilli dambe baadhitaan xoogan ku sameeyey guryo shacab ah oo ku yaala degmadda 26 june ee magaaladda Hargeysa.

3/1/2013 1:57 AM EST
Jimco, Maarso 01, 2013 (HOL) — Gabdho Soomaliyeed oo wax ka barta dlaka Suudaan ayaa soo bandhigay hiddaha iyo dhaqanka Soomaalida oo ay ku jiran habka cunno-karinta, fanka iyo sidoo kale dharka ay Soomaalidu xirntaan.