3/19/2024
Today from Hiiraan Online:  _
Wararka Maanta- Jimco, Jun 7 , 2013
Madaxweynaha Somaliland oo ka Qayb-galay Daawashada Tartan Kubadda Gacanta ah oo Xalay ka dhacay Hargeysa (SAWIRRO)


Jimce, Juun 07, 2013 (HOL) — Madaxweynaha Somaliland mudane, Axmed Maxamed Maxamuud Siillaanyo, ayaa xalay si kadis ah loo arkay isagoo  ka soo qaybgalay daawashadda tartanka ciyaaraha baasketka ee Garoonka Timadda Cadde ka socota oo ay ku dheelayeen labadda gobol ee Maroodi jeex (Hargeysa) iyo Sanaag.

Labadan gobol ee xalay tartamayey ayaa waxa guushu raacday gobolka Maroodi jeex oo ku badiyey 54 dhibcood, halka gobolka Sanaag uu keensaday 29 dhibcood, waxaanu sidaas guushu ku raacday gobolka Maroodi jeex.

Si kastaba ha ahaatee, Booqashadan uu madxweynuhu ku yimid garoonka ciyaaraha kubadda gacanta ayaan hore loo sii sheegin, isla markaana aanu wadan wax tikniko iyo ciidan ah, balse uu la socday baabuur shacab, waxaana markii uu madaxweynuhu soo galay Garoonka abaaro 8:55 pm habeenimo ka hor inta aanay ciyaartii bilaabmin mar kaliya dadweynihii meesha ku sugnaa la sare kaceen sacab iyo soo dhoweyn, kuwaas oo ay ku noqotay kadis iyo u qaadan waa ka dib markii  madaxweynaha ku arkeen garoonkii ciyaartu ka socotay .

“Waxa taariikh ah in madaxweyne Axmed Siilaanyo uu noqday madaxweynihii u horeeyay ee Somaliland ee yimaada garoonka kubadda kollayga Timaca-cade ee Magaaladda Hargeysa, waxaanay dhiirigalin u tahay dhalinyaradda.”ayuu yidhi

Guddoomiyaha Xidhiidhka kubadda Kollaygu  Maxamuud Qodax oo ka hadlayey booqashada madaxweynaha, waxaanu ka  mahadceliyey soo dhoweyntii ay madaxweynaha u sameeyeen.

Madaxweynaha waxa ku wehelinayey daawashada Cayaarta Wasiirka Dhalinyarada, Cayaaraha , Wasiirka Waxbarashada, Wasiirka Kaluumaysiga, Taliyaha Ciidanka Booliska, iyo marwadda madaxweynaha, waxana la arkayey madaxweynaha oo u sacaba tumaya hadba gobolkii goolka dhashadda.

Madaxweyne Siillaanyo ayaa noqonaya madaxweynihii ugu horeeyey ee goor habeenimo ah ka qaybgalla daawashadda kubadda gacanta ee garoonka Timacadda,  waxaanay ciyaartoygii garoonka ku jiray iyo dadweynihii daawashada ciyaarta ka soo qaybgalay aad ugu faraxsanaayeen  ka soo qaybgalka tartanka kubadda Baasketka.

Dhinaca kale, waxa iyaguna shalay foodda isdaray gobolka Maroodi jeex iyo Buuhoodle oo 2-1 kaga badiyey gobolka Buhoodle, sidoo kale waxa ciyaar adag dhex martay gobolka Hawd iyo Daadmadheedh, kuwaas oo ismari kari waayey, haseyeeshee daqiiqadihii dambe ayuu gobolka Daadmadheedh dhaliyey hal gool, halka waxyar ka dibna uu ka daba keenay Gobolka Hawd, waxaanay ciyaartii ku dhamaatay 1-1, kuwaas oo isku barbar dhacay.





Barkhad-ladiif M. Cumar, Hiiraan Online
[email protected]
Hargeysa, Somaliland













Click here
6/7/2013 4:18 PM EST
Jimce, Juun 07, 2013 (HOL) — Ra'iisal wasaaraha xukuumadda Soomaaliya, Cabdi Faarax Shirdoon (Saacid) ayaa dhinacyada ku dagaalamaya Kismaayo ugu baaqay inay si dag-dag ah u joojiyaan dagaalka, ayna xal iyo nabad ku dhameeyaan khilaafka u dhexeeya.

6/7/2013 3:22 PM EST
Jimce, Juun 07, 2013 (HOL) — Waxgarad iyo siyaasiyiin maanta ku shiray magaalada Muqdisho ee xarunta Soomaaliya ayaa sheegay in reer Hiiraan ay taageersan yihiin dowladda, iyagoo xusay inay raalli-gelin ka bixinayaan hadalkii dhawaan kasoo yeeshay xubno ka tirsan reer Hiiraan oo ku shiray magaalada Baladweyne.

6/7/2013 12:37 PM EST
Jimce, Juun 07, 2013 (HOL) — Madaxweynaha Soomaaliya, Xasan Sheekh Maxamuuda ayaa kulan kula yeeshay magaalada Nairobi ee xarunta dalka Kenya kulan kula yeeshay madaxweynaha maamulka Puntland, C/raxmaan Sheekh Maxamed Faroole.

6/7/2013 12:03 PM EST
Jimce, Juun 07, 2013 (HOL) — Xarakada Al-shabaab ayaa laba wiil oo da’yar ah ku toogtay degmada Baraawe ee gobolka Shabeellada Hoose khamiistii shalay ahayd, kuwaasoo ay ku eedeeyeen inay basaasiin u ahaayeen dowladda Soomaaliya iyo ciidamada AMISOM.

6/7/2013 11:31 AM EST
Jimce, Juun 07, 2013 (HOL) — Madaxweynaha Soomaaliya, Xasan Sheekh Maxamud ayaa sheegay inuu aad iyo aad uga xumaaday dagaal maanta ka dhacay gudaha magaalada Kismaayo, isagoo baaqay in si deg-deg ah lagu joojiyo colaaddaas, sida lagu sheegay warsaxaafadeed kasoo baxay xafiiska madaxweynaha Soomaaliya.

6/7/2013 11:01 AM EST
Jimce, Juun 07, 2013 (HOL) — Olole nadaafadeed oo ay iska kaashadeen qaar ka mid ah ardayda wax-ka-barta magaalada Laascaanood, dowladda hoose iyo ganacsatda ayaa lagu nadiifiyay deegaanno muhiim u ah bulshada ku dhaqan magaalada Laascaanood ee xarunta gobolka Sool.

6/7/2013 10:29 AM EST
Jimce, Juun 07, 2013 (HOL) — Faahfaahinno dheeraad ah ayaa kasoo baxa dagaal maanta ku dhexmaray bartamaha magaalada Kismaayo maamulka uu hoggaamiyo Sheekh Axmed Madoobe iyo ciidammo taageersanaa mid ka mid ah raggii ku dhawaaqay inay madaxweynaha ka yihiin maamulkii looga dhawaaqay Kismaayo ee Jubaland.

6/7/2013 8:40 AM EST
Jimce, Juun 07, 2013 (HOL) — Dowladda Shiinaha ayaa ugu baaqday beesha calaamka iyo Qaramada Midoobay inay xoojiyaan hanaanka nabadda dalka Soomaaliya iyo dib u dhiskiisa, si ay uga baxdo mashaakilaadkii ay ku jirtay 22-kii sano ee lasoo dhaafay.

6/7/2013 8:01 AM EST
Jimco, June 07, 2013(HOL) :- Dagaal xooggan oo la isku adeegsaday hubka noocyadiisa kala duwan ayaa ka dhacay magaalada Kismaayo, iyadoona dagaalkani uu u dhexeeyay ciidamo beeleed taageersan dowladda Soomaaliya iyo ciidamada maamulka Kismaayo garabka uu hogaamiyo Sheekh Axmed Madoobe.

6/7/2013 7:29 AM EST
Jimce, Juun 07, 2013 (HOL) — Dowladda Britain ayaa maanta danjire cusub u soo magacowday arrimaha dalka Soomaaliya, kasoo bedeli doona danjirihii hore ee dalka Britain ay u magacowday, Matt Baugh.

6/7/2013 7:05 AM EST
Jimce, Juun 07, 2013 (HOL) — Taliyaha ciidamada gobolka Bay ee gobolka Bay, Mahad C/raxmaan ayaa ku dhaawacmay weerar maanta ka dhacay deegaanka Leego ee gobolka Shabeellada Hoose, iyadoo weerarkaas lagu dilay darawalkiisii.

6/7/2013 6:54 AM EST
Jimce, Juun 07, 2013 (HOL) — Kooxo hubeysan oo Koonfur Afrikaan ah ayaa xalay laba wiiil oo Soomaali ah oo isla dhashay ku dilay baangado iyo midiyo kaddib markii ay ku weerareen dukaankooda oo ku yaalla deegaanka Balamalango oo ka tirsan gobolka Limbombo oo ku yaalla soohdinta dalalka Koonfur Afrika iyo Mozambique.