3/19/2024
Today from Hiiraan Online:  _
Wararka Maanta- Isniin, Jun 3 , 2013
Deeq Raashin ah oo ay ku deeqday dowladda Turkiga oo la gaarsiiyay qaar ka mid ah Deegaannada Gobolka Sool (SAWIRRO)


Isniin, Juun 03, 2013 (HOL) — Gaadiid sida in ka badan 150 tan oo raashin ah qaybna ka gargaar dowladda Turkigu ugu deeqday dadka Soomaaliyeed ayaa gaaray magaalada Widhwidh oo 100-km dhinaca galbeed kaga beegan magaalada Laascaanood ee xarunta gobolka Sool.

Deeqdan oo loogu talo-galay degaanno balaaran oo ka mid ah deegaannada hoosyimaada Buuhoodle ayaa mas’uuliyaddeeda waxaa lagu wareejiyay odayaasha degaankaas, iyadoo ay wadeen mas’uuliyiin Somaliland ka tirsan oo ka mid ahaa xildhibaan golaha guurtida ka tirsan oo lagu magcaabo, Cabdikariin Cumar Faarax.

Guddoomiyaha deegaanka Widhwidh, Mire Yuusuf Mire ayaa sheegay inay iyaga maamul ahaan mas’uuliyadda gargaarku sarnaa intii ay soo wadeen haddana ay ku wareejinayaan duqayda si ay u maamulaan.

Raashinkan oo la filayo inay odayaasha deegaanku u qaybiyaan waqtiyada soo socda ayaa waxay halkaasi uga mahad-celiyeen dowladda Turkiga iyo maamulka Somaliland iyo ciddii kale ee gacan ka geysatey, waxaanay balan-qaadeen inay gaarsiin doonaan dadka u baahan deeqdan.

Deeqdan ayaa inta badan ee deegaanadda la gaarsiiyay marka laga reebo deegaannadda maamulka Khaatumo ka arrimiyo oo ay ka mid tahay magaalada Buuhoodle.



Seynab Cabdi Warsame, Hiiraan Online
[email protected]
Laascaanood, Gobolka Sool













Click here
6/3/2013 12:56 PM EST
Melbourne, June 3 (HOL) - shalayto oo taariikhdu ahayd 2nd June 2013, ayaa waxaa magaalada Melbourne ee dalka Australia kulan ku dhex-maray R/Wasaaraha Australia Julia Gillard iyo R/Wasaarihii hore ee Somalia mudane Prof C/Weli Maxamed Cali Gaas.

6/3/2013 12:46 PM EST
Isniin, Juun 03, 2013 (HOL) — Dad tiradoodu ahayd 10,000 ayaa dibadbaxyo ay ku dalbanayaan in maxaabiista ku jira xabsiyada Itoobiya lasii daayo ka dhigay magaalada Addis Ababa ee xarunta dalka Itoobiya, iyadoo dadkaas ay cambaareyn u jeediyeen xisbiga talada dalkaas haya ee EPRDF.

6/3/2013 11:37 AM EST
Isniin, Juun 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) isla markaana ah sii hayaha xilka madaxweynimo ee Soomaaliya ayaa maanta kula kulmay Muqdisho ergayga cusub ee Qaramada Midoobay ay u soo magacowday Soomaaliya, Nicholas Key.

6/3/2013 10:56 AM EST
Isniin, Juun 03, 2013 (HOL) — Shir jaraa’id oo uu Muqdisho ku qabtay ku-simaha xoghayaha joogtada ah ee wasaaradda arrimaha dibadda iyo iskaashiga caalamiga ah ee Soomaaliya, danjire Cabdisalaam Xaaji Axmed Liibaan ayaa wuxuu ugu baaqay dowladda Koonfur Afrika inay ka shaqeyso badbaadinta nafta iyo hantida dadka Soomaaliyeed ee dalkeeda ku nool.

6/3/2013 9:15 AM EST
Isniin, Juun 03, 2013 (HOL) — Xarakada Al-shabaab ayaa degmada Jilib ee gobolka Jubbada dhexe laba qof oo Kenyan ah, kuwaasoo ay bishii hore ka soo qafaasheen gudaha dalka Kenya, kaddib markii ay weerar lama filaan ah ku qaadeen xilli habeen ah.

6/3/2013 8:43 AM EST
Isniin, Juun 03, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in xukuumaddiisu aysan kula dagaalsanay Kenyan xal u helidda ammaanka iyo dib u soo celinta nabadda Soomaaliya 20-sano oo colaado ah kaddib.

6/3/2013 8:01 AM EST
Isniin, Juun 03, 2013 (HOL) — Ergayga cusub ee Qaramadda Midoobay u soo magacowday Soomaaliya, Nicholas Kay ayaa maanta yimid Muqdisho si uu ula wareego xilkiisa ergaygii hore ee Qaramada Midoobay u qaabilsanaa arrimaha Soomaaliya, Augustine Mahiga.

6/3/2013 3:32 AM EST
Isniin, Juun 03, 2013 (HOL) — Ciidamada dowladda Soomaaliya iyo kuwa AMISOM ayaa saakay howlgallo xooggan kawada degmada Xamar-jajab ee gobolka Banaadir, iyagoo xayiran dhammaan waddooyinka gala degmadaas.

6/3/2013 2:20 AM EST
Waxaa sannad waliba dhammaadka bisha May ku kulma magaalada Ashland ee Gobolka Oregon (USA) cayaartooydii hore ee Kubadda Kulayga uuna marti-galiyo Cabdi Xalwo.