3/19/2024
Today from Hiiraan Online:  _
Wararka Maanta- Axad, Jun 2 , 2013
Cayaarihii Gobollada Somaliland oo Galabta Billowday iyo Gobolka Maroodi-jeex oo 2-1 kaga badiyay Gobolka Saraar (SAWIRRO)


Axad, Juun 02, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo) ayaa galabta si rasmi ah uga furay garoonka kubadda cagta ee Hargeysa Stadium ciyaarihii gobollada ee Somaliland oo ay ka qaybgalayaan 13 kooxood oo ka socda gobollada Somaliland.

Xafladii furitaanka tartankan waxa ka soo qeyb galay Xubno ka tirsan Golaha Wasiirrada, Xildhibaanada Goleyaasha baarlamaanka Somaliland iyo kumanaan qof oo ka mid ah dadweynaha ku dhaqan caasimadda Hargeysa iyo dadweyne taageereyaal u ah 13-ka gobol oo ka kala yimid goboladda dalka.

Wasiirka Dhalinyarada, ciyaaraha iyo dalxiiska Somaliland Mudane Cali Siciid Raygal oo ugu horayn ka hadlay xafladaasi, ayaa sheegay inuu u mahad celinayo xulalka 13-ka gobol ee Somaliland oo sanadkan soo wada xaadiray tartanka ciyaaraha goboladda dalka.

Madaxweynaha Somaliland Mudane Axmed Maxamed Maxamuud (Siilaanyo) oo hadal kooban ka jeediyay munaasibaddan ayaa sheegay inuu ku faraxsan yahay furitaanka tartanka ciyaaraha goboladda dalka, waxaanu bogaadiyay 13-ka gobol ee dalka ee xulalkoodu ay ku loolamayaan tartankan.

Madaxweynuhu waxa uu sheegay in horumarinta ciyaaraha dalku yihiin himiladda iyo siyaasadda xukuumadiisa, waxaanu ammaanay Wasaaradda dhalinyarada, ciyaaraha iyo dalxiiska ee soo agaasintay tartankan.

Tartankan waxa lagu furay xulalka gobolka Saraar iyo Maroodi-jeex oo ku wada jira Group-ka A, waxaana maanta ciyaartii guushu raacday gobolka Maroodi jeex oo 2-1 kaga badiyey gobolka Saraar.

Xulka Gobolka Maroodijeex  oo sanadkii hore soo qaaday koobka gobolada ayaa isku dayeya inuu mar labaad ku guulaysto koobka goboladda,

Labadan xul oo ku wada jira Group-ka (A) waxay soo bandhigeen ciyaar xiiso gelisay dadweynihii daawanayay waxaana daqiiqadii labaadba xulka Gobolka Maroodi-jeex la yimaadeen gool qurux badan oo uu u dhaliyay Ciyaaryahanka la yidhaahdo Maxamuud Cabdi Xasan (Koofindhe), hase yeeshee xulka gobolka Saraar oo qaaday weeraro is dabo-joog ah ayaa daqiiqado ka dib bar-bareeyay xulka Gobolka Hargeysa ee marti-gelinaya ciyaaraha goboladda.

Waxa xulka Saraar goolkaasi u saxeexay ciyaar yahanka Casaanyo oo sitay lambarada 17-aad kana mid ah weerarka Saraar.

Qeybtii hore ee ciyaarta oo gabo-gabo ah ayaa waxa ciyaartoyga gobolka Maroodi-jeex ay dhaliyeen goolkoodii labaad oo ka dib markii ay heleen gool ku laad, waxaana goolkaasna saxeexay isla ciyaartoygii goolka koowaad u dhaliyay ee Maxamuud Cabdi Xasan Koofindhe oo isla isaga lagu galay rikoodhahaasi.

Ciyaartan oo xamaasadeedu sii kordhaysay mar-marka ka dambaysa waxa labada xul ay ahaayeen kuwo is ceshanayay oo weerar iyo weerar celis ah.

Kooxda gobolka Saraar oo laga saaray hal ciyaartoy oo qaatay kaadhka cas, ayaa si mintidnimo ah u ciyaarayay. Waxa qeybtii hore ee ciyaarta lagu kala nastay 2-1 ay xulka Maroodi-jeex ku hoggaaminayeen.

Tartankan waxa ka qeyb qaadanaya Goboladda Maroodijeex, Awdal, Gabiley, Hawd, Buuhoodle, Sool. Sanaag, Badhan, Saraar, Tog-dheer, Saaxil, Salal iyo Daad-madheedh. Ciyaartoyga xulalka gobolada oo sita calamo iyo astaamaha goboladooda ayaa socod ku maray garoonka, iyadoo ciidanka Baamboydu ay u garaacayaan muusiga heesta calanka Somaliland.







Barkhad-Ladiif  M. Cumar, Hiiraan Online 
[email protected]
Hargeysa, Somaliland













Click here
6/2/2013 2:36 PM EST
Axad, Juun 02, 2013 (HOL) — Prof. Axmed Ismaaciil Samatar ayaa si weyn loogu soo dhaweeyay maanta magaalada Hargeysa ee xarunta Somaliland kaddib markii uu muddo dheer ka maqnaa, isla markaana ahaa aqoonyahan si weyn uga soo horjeeday gooni isku-taagga Somaliland.

6/2/2013 2:01 PM EST
Axad, Juun 02, 2013 (HOL) — Ciidamada AMISOM ee ku sugan Baydhabo ayaa maanta dilay saddex neef oo isugu jiray laba lo’a ah iyo dameero, kaddib markii ay xireen jidka weyn ee buundada xaafadda Isha Baydhabo.

6/2/2013 12:31 PM EST
Axad, Juun 02, 2013 (HOL) — Saraakiil ka tirsan maamulka Puntland ayaa sheegay in mid ka mid ah diyaaradaha aan duuliye lahayn ee Drones-ka loo yaqaan ay kusoo dhacday deegaan lagu magacaabo Qow oo 20-km u jira degmada Boosaaso ee xarunta gobolka Bari.

6/2/2013 12:18 PM EST
Axad, Juun 02, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi oo ku sugan Kismaayo ayaa sheegay in si wanaagsan loogu soo dhaweeyay magaalada Kismaayo ee xarunta gobolka Jubbada Hoose.

6/2/2013 12:06 PM EST
Axad, Juun 02, 2013 (HOL) — Dibadbaxayaal careysan ayaa maanta isugu soo baxay maalintii saddexaad barxadda Kizilay magaalada Ankara ee dalka Turkiga, iyadoo booliiskuna ay u adeegsadeen dibadbaxayaashaan suntan dadka ka ilmeysiisa kaddib markii ay isku dhaceen.

6/2/2013 11:21 AM EST
Axad, Juun 02, 2013 (HOL) — Madaxweynaha Puntland, C/raxmaan Sheekh Maxamed Faroole oo ku sugan magaalada Nairobi ee dalka Kenya ayaa sheegay inuu madaxweynaha Soomaaliya, Xasan Sheekh Maxamuud kala hadli doono arrimaha dastuurka iyo xal u helidda jubbooyinka.

6/2/2013 9:03 AM EST
Axad, Juun 02, 2013 (HOL) — Dowladda Kenya ayaa qorsheynaysa inay dib ugu celiso qoxootiga Soomaaliyeed ee ku jira xeryaha Dhadhaab Soomaaliya sida ay sheegtay wasiirradda arrimaha dibadda ee Kenya, Aamina Maxamed oo Nairobi kula kulantay Jicmihii shalay ra’iisul wasaare ku xigeenka ahna wasiiradda arrimaha dibadda Soomaaliya Fowziyo Yuusuf Xaaji Aadan.

6/2/2013 8:25 AM EST
Axad, Juun 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta oo Axad ah kula kulmay magaalada Yokohama ee dalka Japan guddoomiyaha hay’ada xiriirka caalamiga Japan (JICA), Akihiko TANAKA, isagoo kala hadlay go’aankii ra’iisul wasaaraha Japan, Shinzo Abe ee ahaa in Soomaaliya si toos ah kaalmada Japan loo siinayo dowladda iyo mashaariicda horumarineed ee Soomaaliya u baahan tahay.

6/2/2013 8:22 AM EST
Axad, Juun 02, 2013 (HOL) — Tacbashada beeraha waa laf-dhabarta in badan oo ka mid ah qoysaska ku dhaqan deegaannada uu hareer maro wabiga shabeelle ee gobollka Hiiraan, laakiin haddana dhinaca kale marka aad eegto waxaa muuqaneysa in sanadihii ugu danbeeyay qoysaskaas si wanaagsan uga faa'ideysan tacabka dhulka sababo la xiriira farsamo xumo iyo dhaqaalle la'aan soo food saartay.

6/2/2013 4:02 AM EST
Axad, Juun 02, 2013 (HOL) — Ciidammo madaniga oo la shaqeeya kuwa booliiska ayaa loo sameeyay xaafadaha magaalada Baydhabo, kuwaasoo la wareegay sugidda ammaanka degmada Baydhabo oo bilihii ugu dambeeyay ahayd mid kacsan.

6/2/2013 3:53 AM EST
Axad, Juun 02, 2013 (HOL) — Madaxweynaha Soomaaliya, Mudane Xasan Sheekh Maxamuud ayaa maanta kula kulmay Yokohama xoghayaha guud ee Qaramada Midoobay, Ban Ki-Moon, iyagoo kawada hadlay xafiiska cusub ee ay Qaramada ay ka furayso Muqdisho, ergayga cusub Nicholas Kay oo imaan doona Muqdisho, arrimaha ammaanka iyo sidii Qaramada Midoobay ay qayb uga qaadan lahayd dib u dhiska Soomaaliya.