3/19/2024
Today from Hiiraan Online:  _
Wararka Maanta- Arbaco, Jan 9 , 2013
Khasaare dhimasho iyo dhaawac leh oo ka dhacay degmada Saylac kaddib isku-soo-bax ka dhacay degmadaasi

Arbaco, Jannaayo 09, 2013 (HOL) — Hal qof ayaa ku dhintay, illa toban kalana way ku dhaawacmeen mudaharaad saaka ka dhacay magaaladda Saylac, ka dib markii dad ka xanaaqsan maayarka cusub ee loo doortay degmada saylac ay isku xeereen dawladda hoose ee magaaladaasi. Ciidamadda milatariga iyo booliska ayaa saaka aroortii hore isku dayey inay dadkaasi ka dareeriyaan xaruntaasi, balse way u suurtogali wayday ilaa markii dambe ay xoog u adeegsadeen, waxaana rasaastii ciidankaasi rideen ku dhaawacmay ilaa toban qof oo mid ka mid ahi la sheegay inuu dhaawacii u dhintay.

Qaybo ka mid ah Dadweynaha ku nool magaaladda Saylac, ayaa shalay mudaharaad ay doorashadii maayarka iyo ku xigeenka Saylac loogu doortay ku diidan yihiin ku dhigay magaaladaasi, waxaanay xalay u hoydeen xarunta dawlada hoose ee Saylac, haseyeeshee ciidanka amniga gobolka Selel ayaa xoog ku kala dareeriyey dadkaasi, waxaana halkaasi ka dhacay khasaare dhimasho iyo dhaawac keentay sida ay noo xaqiijiyeen dadweynaha ku nool deegaankaasi. wararka aanu ka helayno magaalada Saylac ayaa sheegaya in dawlada Jabuuti ay xidhay xadkii Somaliland iyo Jabuuti u dhexeeyey, inkastoo dhaawacii mudaharaadkaasi ka dhashay la geeyey Jabuuti si loogu soo daweeyo.

“Ciidanka ayaa saaka shantii iyo badhkii subaxnimo weeraray dadkaasi oo iska fadhiya xarunta dawlada hoose, waxaana aroortii hore ay xabadu ku dhacday afar qof oo jabuuti la geeyey, waxaana markii dambe la arkay lix qof oo kale oo dhaawac fudud iyo dhaawac culusba iskugu jira, waxaana dadkaasi dhaawaca qaarkood lagu soo qaaday gaadhigii taliyaha booliska Saylac oo jabuuti geeyey”ayuu yidhi ka mid ah dadka ku nool degmadda Saylac oo khadka Telefoonka ugu waramayey HOL, waxaanu sheegay inay dadkaasi dhaawaca ah gurayeen baabuur shacab ah iyo kuwa dawladaba.

Sidoo kale waxaanu isku daynay in aanu la xidhiidhno Badhasaabka gobolka Selel si aanu arrintan wax uga waydiino, balse nasiib daro nooma suurtogalin ka dib markii telefoonkiisii uu naga qaban waayey.

Arrintan lagaga soo horjeeddo maayarkii iyo ku xigeenkii loo doortay degmada Saylac ayaa ah arrin ay xukuumada Somaliland furdaamin kari wayday, isla markaana hal xidhaale adag ku noqotay xalinteedda, maadaama labadda beelood ee deegaankaasi ku dhaqani ku kala aragti duwan yihiin cidda noqonaysa Maayarka degmadda Saylac, isla markaana beel waliba ku doodayso inay xaq u leedahay inay maayarka leedahay.

Barkhad-Ladiif  M. Cumar, Hiiraan Online
[email protected]
Hargeysa, Somaliland













Click here
1/9/2013 2:22 PM EST
Arbaco, Jannaayo 09, 2013 (HOL) — Wasiiradda wasaaradda horumarinta iyo adeegga bulshada xukuuumadda Soomaaliya, Maryan Qaasim Axmed ayaa maanta oo Arbaco ah dib ugu soo laabatay Muqdisho, kadidb safaro ay toddobaadyo ku maraysay dalalka Turkiga iyo Tuuniisiya, waxaana la socday wufuud ka socday dowladda Turkiga uu u kuurlgalaya sidii horumarin loogu sameyn lahaa dalka.

1/9/2013 1:43 PM EST
Arbaco, Jannaayo 09, 2013 (HOL) — Hay’adda dhakhaatiirta aan xuduudda lahayn ee MSF ayaa weydiistay dowladda Soomaaliya in baaritaan dhab ah lagu sameeyo gacan-ku-dhiigle ku dilay Muqdisho laba shaqaalahooda ka mid ah bishii December ee sannadkii 2011 oo dhawaan xabsiga dhexe ee Muqdisho laga sii-daayay.

1/9/2013 12:36 PM EST
Arbaco, Jannaayo 09, 2013 (HOL) — Munaasabad uu xilka kula wareegayay xoghayaha dowladda hoose ee Laascaanood oo maanta ka dhacday xarunta gobolka Sool ee Laascaanood, iyadoo xoghayahan uu ka mid ahaa xubihii ku soo baxay doorashooyinkii golaha degaanka ee bishii lasoo dhaafnay ka dhacay Somaliland.

1/9/2013 12:05 PM EST
Arbaco, Jannaayo 09, 2013 (HOL) — Hoggaamiyaha kooxaha burcabadeedda ah ee gobollada dhexe ee Soomaaliya, Maxamed Cabdi Xasan [Af-weyne] ayaa maanta kaga dhawaaqay degmada Cadaado ee gobolka Galguduud in isaga iyo raggii la shaqeynayay ay joojiyeen falalka burcadbdeednimo oo uu sheegay nay ku kalliftay inay tanaasulaan codsiyo dhowr jeer loosoo jeediyay iyo dhibaato ay kala kulmeen burcadbadeednimada.

1/9/2013 11:36 AM EST
Arbaco, Jannaayo 09, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa sheegay in maamulkiisu uu wado qorshayaal uu kusoo celinayo ammaanka guud ee caasimadda, sidoo kalena ay ku duminayaan dhismayaasha sharci-darrada ah ee laga dhisay hareeraha waddooyinka Muqdisho.

1/9/2013 11:35 AM EST
Arbaco, Jannaayo 09, 2013 (HOL) — Askar ka tirsan ciidamada dowladda Soomaaliya iyo xoogagga Ahlusunna ee ku sugan gobolka Gedo oo dhawaan ay ka dhaceen dagaallo culus ayaa maanta loo dhoofiyay dalka Itoobiya si loogu soo daweeyo.

1/9/2013 8:02 AM EST
Arbaco, Jannaayo 09, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta digreeto madaxweyne ku Dhaqan-geliyey Xeerka Hay’adda Sirdoonka Qaranka Xeer Lr. 59/2012.

1/9/2013 3:27 AM EST
Arbaco, Jannaayo 09, 2013 (HOL) — Madaxweynaha Puntland oo xalay ka khudbadeynayey munaasabad lagu xusayey sanad guuradii 4-aad ee kasoo wareegtey markii xilka loo doortay, ayaa soo hadal qaaday arimo badan oo ku saabsan ammaanka Puntland, howlihii shidaal-baarista iyo eedeymaha xiligan xukuumaddiisa uga imaanaya dhinaca siyaasiyiinta mucaaradka ah.

1/9/2013 3:24 AM EST
Arbaco, Jannaayo 09, 2013 (HOL) — Munaasabad ballaaran oo lagu xusayey sanad guuradii afaraad ee kasoo wareegtey xiligii la doortay madaxweynaha Puntland iyo ku xigeenkiisa, islamarkaana muddo 5-saac ka badan socotey ayaa xalay ka dhacday xarunta madaxtooyada ee magaalada Boosaaso.

1/9/2013 1:45 AM EST
Arbaco, Jannaayo 09, 2013 (HOL) — Kaddib kulan saraakiisha ciidamada Jabuuti AMISOM ay la qaateen mas’uuliyiinta maamulka gobollka Hiiraan iyo odayaasha dhaqanka magaalada Baladweyne ayaa waxaa leysku weydaarsaday macluumaad iyo aragtiyo ku saabsan isbadalka dhinaca nabad-galyada ah ee ka jira waqtigan magaalada iyo wada shaqeyn buuxda oo ay yeeshaan odayaasha iyo saraakiisha AMISOM.

1/9/2013 1:09 AM EST
Arbaco, Jannaayo 09, 2013 (HOL) — Madaxweynaha Puntland, C/raxmaan Sheekh Maxamed Faroole oo ka hadlayay dabbaal-deg loo sameeyay afar sano guuuradii kasoo wareegtay markii loo doortay madaxweynenimada Puntland oo xalay ka dhacday Boosaaso ayaa ka digay in dib u habeyn lagu sameeyo dastuurka dowladda federaalka Soomaaliya.

1/9/2013 12:33 AM EST
Wasiirka Arrimaha Dibadda ee Soomaaliya Marwa Fowziya Yuusuf Xaaji Aadan ayaa Booqatay qaar ka mid ah xaruumihii hantida ma guurtada ah ee Soomaaliya ku laheyd dalka Talyaaniga.