3/28/2024
Today from Hiiraan Online:  _
Wararka Maanta- Axad, Jan 6 , 2013
Dagaal Ciidamada Dowladda, kuwa Itoobiya iyo Al-shabaab ku dhexmaraya duleedka Degmada Garbahaarey

Axad, Jannaayo 06, 2013 (HOL) — Dagaal khasaare badan geystay oo u dhexeeya ciidamada dowladda Soomaaliya oo taageero ka helaya kuwa Itoobiya iyo xoogagga Al-shabaab ayaa ka qarxay deegaan lagu magacaabo May-kaareebay oo 20-km dhinaca waqooyi kaga began xarunta gobolka Gedo.

Inta la xaqiijiyay 20 ruux oo labada dhinac ah ayaa dagaalkaas ku dhintay, iyadoo dhaawucuna uu intaas ka badan yahay, waxaana wararka laga helayo gobolka Gedo ay sheegayaan in dagaalku uu si xooggan u socdo.

“Dagaalkan wuxuu daba socdaa dagaalkii shalay, waxaana weerarka qaaday ciidammo dowladda Soomaaliya iyo kuwa Itoobiya,” ayaa saraakiil dowladda ka tirsan oo ku sugan gobolka Gedo laga soo xigtay.

Goobjoogayaal ku sugan gobolka Gedo ayaa u sheegay HOL in hubka labada dhinac ay isticmaalayaan laga maqlayo degmada Garbahaareey iyo goobaha ku dhow, iyadoo uu noqonayo dagaalkan kii ugu qaraaraa ee dhawaanahan gobolka Gedo ku dhexmara labada dhinac.

Al-shabaab ayaan weli ka hadlin dagaalka, balse wararka hoose ee la helayo ayaa sheegaya in dhinaca dowladda laga dilay siddeed askari, halka dhinaca Al-shabaab laga dilay 13 dagaalyahan.

Lama oga khasaaraha ciidamada Itoobiya kasoo gaaray dagaalka, waxaana jira warar intaas ka badinaya khasaaraha dhimasho ee dagaalka ka dhashay, iyadoo aysan jirin cid guulo ka gaartay dagaalka socda.

Xarakada Al-shabaab ayaa sheegtay in dagaalkii shalay ay ku gubeen gadiid dagaal oo ay wateen ciidamada Itoobiya, waxayna sheegtay inay iska difaaci doonto weerar walba oo lagu soo qaado, halka ciidamada isbahaysanaya ay iyaguna doonayaan inay gobolka Gedo oo dhan qabsadaan.

Gobolka Gedo ayaa ah gobolka ay dagaallada ugu culus ku dhexmarayeen labadii sano ee ugu dambeeyay ciidamada dowladda oo kaashanaya kuwa Itoobiya iyo xoogagga Al-shabaab oo gobolkaas kaga sugan laba degmo oo keliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/6/2013 10:11 PM EST
Madaxweynaha Jamhuuriyada Federaalka Soomaaliya Mudane Xassan Sh Maxamud ayaa ka qeyb galay munaasabadda sanad guradii 41-aad ee hay’ada Sirdoonka iyo Nabad Sugidda Qaranka iyo dib u furidda xarunta hay’adaas.

1/6/2013 9:57 AM EST
Axad, January 06, 2013(HOL): Garoonka Kubadda Koleyga 1da Luulyo {Ex-Luugino} ee Magaalada Muqdisho ayaa waxaa ka dhacday kulan guddoonsiinta qalab kala duwan oo Xiriirka Kubadda Koleyga Soomaaliyeed uu soo gaarsiiyay Guddoomiyaha Ururka Dhallinyarada jiilka cusub ee Isboortiga iyo dhaqanka [NGSC] C/Qani C/llaahi Hilowle (C/qani Jeenyo).

1/6/2013 9:01 AM EST
Axad, Jannaayo 06, 2013 (HOL) —Madaxweeynaha dalka Suuriya Bashar Al-asad ayaa hadal uu maanta jeediyay uga hadlay xaaladda cakiran ee ka jirta dalkaasi, isagoona sheegay in sida keliya ee xalka looga gaari karo dhibaatooyinka ka taagan dalka Suuriya ay tahay oo qura in la wada hadlo.

1/6/2013 4:11 AM EST
Axad, Jannaayo 06, 2013 (HOL) — Kooxo hubeysan ayaa ku dhaawacay ganacsade Axmed Cabdi Timir oo ka mid ah raga ugu horreeya ganacsiga gobolka Sool xilli uu marayay bartamaha magaalada, iyagoo dhowr xabbadood kaga dhuftay madaxa iyo laabta.

1/6/2013 2:48 AM EST
Axad, Jannaayo 06, 2013 (HOL) — Afhayeenka Al-Shabaab, Sheekh Cali Maxamuud Raag (Sheekh Cali Dheere) ayaa shir jaraa'id oo uu qabtay wuxuu kaga hadlay arrimo badan oo ay ka mid yihiin dagaalo ka dhacay Gobolada Bari ee Puntland.

1/6/2013 2:47 AM EST
Axad, Jannaayo 06, 2013 (HOL) — Dowladda Soomaaliya iyo Al-shabaab ayaa guulo ka kala sheegtay dagaallo shalaly gallinkii dambe ku dhexmaray deegaanno u dhexeeya degmada Luuq iyo Garbahaarey ee gobolka Gedo.

1/6/2013 2:37 AM EST
Axad, Jannaayo 06, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa xariga ka jaray Sabtidii shalay warshad cusub oo laga hirgaliyey magaaladda Hargeysa, taas oo soo saari doonta waraaqaha iyo buugaagta, kuwaas oo guud ahaan dalka wada gaadhsiin doonta.

1/6/2013 2:32 AM EST
Axad, Jannaayo 06, 2013 (HOL) — Kulan la damacsan yahay in go`aan lagaga gaaro colaad dhuleed dabayaaqadii sanadkii aan soo dhaafnay ka billaabantay deegaanka lagu magcaabo Gal-xamudh oo ka tirsan Widh-widh ayaa ka billaabmay tuuladda Dandan oo in ka badan 20-km bari kaga beegan degmada Buuhoodle.