3/28/2024
Today from Hiiraan Online:  _
Wararka Maanta- Axad, Jan 6 , 2013
Ganacsade lagu dhaawacay Magaalada Laascaanood ee Gobolka Sool
Axad, Jannaayo 06, 2013 (HOL) — Kooxo hubeysan ayaa ku dhaawacay ganacsade Axmed Cabdi Timir oo ka mid ah raga ugu horreeya ganacsiga gobolka Sool xilli uu marayay bartamaha magaalada, iyagoo dhowr xabbadood kaga dhuftay madaxa iyo laabta.

Goobjooge ku sugnaa halka ay toogashadu ka dhacday ayaa sheegay in laba nin oo hubeysan ay toogteen ganacsadaha, isagoo sheegay inay goobta ka baxsadeen, iyadoo ganacsadaha markiiba loola cararay isbitaalka.

"Xaaladad ganacsadaha waa wanaagsan tahay, xabbadihii madaxa kaga dhacayna uma gudbin madaxa, waxaana socda baaritaanno lagu sameynayo rasaastii kaga dhacday laabta," ayay tiri Roodo Nuur Gadhle oo ka mid ah kaaliyeyaasha isbitaalka Laascaanood.

Ciidamada booliska Laascaanood ayaa sheegay inay ku daba-jiraan kooxihii falkaas geystey iyadoo askariga ka mid ah ciidamada booliiska uu sheegay in la garanayo haybta ragga dilka geystay. Xiisada ka dhalatay arrintan ayaa ka taagan magaalada Laascaanood ee gobolka Sool.

Weerarkan lagu dhaawacay gancsadaha ayaa u muuqday weerar qorsheysan, maadamaa xalay weerar ay kooxo hubeysan ku qaadeen gurigiisa lagu dhaawacay gabar uu qabay ganacsadaha walaalkiis.

Arrintan ayaan illaa hadda la saadaalin karin halka ay salka ku hayso; balse warar is-barbar socda ayaa sheegaya inay la xiriirto aanooyin beeleed, iyadoo gabadha la dhaawacay dhawaan loo xiray fal argagaxiso.

Saynab Cabdi Warsame, Hiiraan Online
[email protected]
Laascaanood, Gobolka Sool













Click here
1/6/2013 10:11 PM EST
Madaxweynaha Jamhuuriyada Federaalka Soomaaliya Mudane Xassan Sh Maxamud ayaa ka qeyb galay munaasabadda sanad guradii 41-aad ee hay’ada Sirdoonka iyo Nabad Sugidda Qaranka iyo dib u furidda xarunta hay’adaas.

1/6/2013 9:57 AM EST
Axad, January 06, 2013(HOL): Garoonka Kubadda Koleyga 1da Luulyo {Ex-Luugino} ee Magaalada Muqdisho ayaa waxaa ka dhacday kulan guddoonsiinta qalab kala duwan oo Xiriirka Kubadda Koleyga Soomaaliyeed uu soo gaarsiiyay Guddoomiyaha Ururka Dhallinyarada jiilka cusub ee Isboortiga iyo dhaqanka [NGSC] C/Qani C/llaahi Hilowle (C/qani Jeenyo).

1/6/2013 9:14 AM EST
Axad, Jannaayo 06, 2013 (HOL) — Dagaal khasaare badan geystay oo u dhexeeya ciidamada dowladda Soomaaliya oo taageero ka helaya kuwa Itoobiya iyo xoogagga Al-shabaab ayaa ka qarxay deegaan lagu magacaabo May-kaareebay oo 20-km dhinaca waqooyi kaga began xarunta gobolka Gedo.

1/6/2013 9:01 AM EST
Axad, Jannaayo 06, 2013 (HOL) —Madaxweeynaha dalka Suuriya Bashar Al-asad ayaa hadal uu maanta jeediyay uga hadlay xaaladda cakiran ee ka jirta dalkaasi, isagoona sheegay in sida keliya ee xalka looga gaari karo dhibaatooyinka ka taagan dalka Suuriya ay tahay oo qura in la wada hadlo.

1/6/2013 2:48 AM EST
Axad, Jannaayo 06, 2013 (HOL) — Afhayeenka Al-Shabaab, Sheekh Cali Maxamuud Raag (Sheekh Cali Dheere) ayaa shir jaraa'id oo uu qabtay wuxuu kaga hadlay arrimo badan oo ay ka mid yihiin dagaalo ka dhacay Gobolada Bari ee Puntland.

1/6/2013 2:47 AM EST
Axad, Jannaayo 06, 2013 (HOL) — Dowladda Soomaaliya iyo Al-shabaab ayaa guulo ka kala sheegtay dagaallo shalaly gallinkii dambe ku dhexmaray deegaanno u dhexeeya degmada Luuq iyo Garbahaarey ee gobolka Gedo.

1/6/2013 2:37 AM EST
Axad, Jannaayo 06, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa xariga ka jaray Sabtidii shalay warshad cusub oo laga hirgaliyey magaaladda Hargeysa, taas oo soo saari doonta waraaqaha iyo buugaagta, kuwaas oo guud ahaan dalka wada gaadhsiin doonta.

1/6/2013 2:32 AM EST
Axad, Jannaayo 06, 2013 (HOL) — Kulan la damacsan yahay in go`aan lagaga gaaro colaad dhuleed dabayaaqadii sanadkii aan soo dhaafnay ka billaabantay deegaanka lagu magcaabo Gal-xamudh oo ka tirsan Widh-widh ayaa ka billaabmay tuuladda Dandan oo in ka badan 20-km bari kaga beegan degmada Buuhoodle.