12/20/2014
Today from Hiiraan Online:  _
Wararka Maanta- Khamiis, Jan 31, 2013
Guddiga Doorashooyinka Puntland oo Shaaciyay Xeerka iyo Anshaxa Ururrada Siyaasadda ee ka qaybgalaya Doorashooyinka




Khamiis, Jannaayo 31, 2013 (HOL) —  Guddiga KMG ah ee doorashooyinka Puntland ayaa maanta si rasmi ah ugu dhawaaqay xeerka anshaxa ururada siyaasadda ee ka qayb-gelaya doorashada goleyaasha deegaanka ee Puntland.

Guddiga doorashooyinka iyo madaxda ururada-siyaasadda ayaa maanta ku kulmay xarunta hay’adda cilmi baarista Puntland ee PDRC ee magaalada Garoowe, waxaana isla goobta xeerkan ku saxiixay shan ka mid ah lixda urur siyaaasadeed ee Puntland.

Gudoomiyaha guddiga doorashooyinka ee Puntland Maxamed Xasan Barre oo ugu horeyn goobta ka hadlay ayaa sharraxaad ka bixiyey halka uu marayo geedi-socodka dimuqraadiyadda ee Puntland, wuxuuna xusay in uu xiligan meel fiican marayo.


Qodobada ugu muhiimsan ee uu xeerkani dhigayana waxaa kamid ah: In ururadu ay is tixgeliyaan muddada ay diiwaan gelintu socoto, in madaxda ururada aan loo ogolayn hub, iyo weliba qaabka ay is-diiwaan gelinta taageerayaasha ururadu u dhacayso.

Taageerayaasha laga rabo inuu urur kasta la yimaado ayaa ah ugu badnaan 313 qof, waxaana sidoo kale la shaaciyey in muddada is-diiwaan gelintu ay ku egtahay 9-ka bisha soo socota ee Febaraayo 2013.

Ururka dadka Puntland (UDAD) ayaan isagu xeerkan saxiixin, waxaana gudoomiyaha kumeel gaarka ah ee ururkaasi mar uu maanta warbaahinta maxalliga ah la hadlayey sheegay, in ay dhaliilsan yihiin qaar kamid ah qodobada uu xeerkani dhigayo.


Ururada siyaasadda Puntland ee ay dhowaan guddiga doorashooyinku soo xuleen ayaa wada dadaal ku aadan sidii ay isugu diyaarin lahaayeen doorashooyinka goleyaasha deegaanka.

Waxaana xusid mudan in sadexda urur ee codadka ugu badan doorashadaas ka helaa ay noqon doonaan axsaabta rasmiga ah ee ku loolami doona hoggaanka siyaasadda ee Puntland.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

1/31/2013 12:40 PM EST
Khamiis, Jannaayo 31, 2013 (HOL) — Madaxweynaha Soomaaliya, Xasan Sheekh Maxamuud oo ka jawaabayay hadal uu Madaxweynaha Somaliland, Axmed Maxamed Maxamuud (Siilaanyo) ku sheegay in aqoonsigii uu siiyay Mareykanka dowladda Soomaaliya aanu quseyn Somaliland.

1/31/2013 11:47 AM EST
Khamiis, Jannaayo 31, 2013 (HOL) — Hay’adda Qoxootiga Dunida ee UNHCR ayaa sheegtay in qaxootiga Soomaalida ah ee ku nool xeryaha qaxootiga ee dalka Kenya ay doonayaan inay dib ugu laabataan dalkooda, kaddib labaatan sano oo ay xeryahaas ku jireen.

1/31/2013 10:15 AM EST
Khamiis, Jannaayo 31, 2013 (HOL) — Wasiiradda arrimaha dibadda Somalia, Fowziyo Yuusuf Xaaji Aadan ayaa soo dhaweysay dib u soo laabashada xiriirka u dhexeeya dalalka Shiinaha iyo Soomaaliya, kaasoo soo billowday sannadihii lixdameeyada.

1/31/2013 9:00 AM EST
Khamiis, Jannaayo 31, 2013 (HOL) — Dadweynaha Somaliland ayaa qaadan la’ warka ku saabsan amni-darrad ee kasoo baxay dowaldda ingiriiska ee ay shacabkeeda uga digtay in ay kasoo baxaan Somaliland, taasoo dadku badi is-waydiinayaan ujeeddada uu Ingiriisku ka leeyahay inuu ku sheego amn-daro Somaliland, hase yeeshe illaa hadda aanay helin jawaab ay ku qancaan.

1/31/2013 8:52 AM EST
Khamiis, Jannaayo 31, 2013 (HOL) — Magaalada Garoowe ee xarunta maamulka Puntland waxaa shalay ka furmay shir-weynaha 1-aad ee urur-siyaasadeedka Horseed. Munaasabaddii shirka lagu furayey oo ahayd mid si weyn loo soo agaamisyey, islamarkaana ka dhacday hoolka shirarka ee Jaamacadda PSU, waxaa kasoo qayb galay madaxda sare iyo xubnaha ururka.

1/31/2013 5:57 AM EST
Khamiis, Jannaayo, 31, 2013 (HOL) -- Saraakiisha ciidamada maamulka gobolka Hiiraan ee dowladda Soomaaliya iyo kuwa Jabuuti ee howlgalka midowgga Africa AMISOM ayaa markii ugu horeysay magaalada Baladweyne tababar uga furay haween ka mid noqonaya ciidamada militariga dowladda Soomaaliya.

1/31/2013 5:40 AM EST
Khamiis, Jannaayo 31, 2013 (HOL) —Wafdi uu horkacayo ra’isul wasaaraha dowladda federaalka Soomaaliya Dr. Cabdi Faarax Shirdoon (Saacid) ayaa goordhow gaaray magaalada Marka ee xarunta gobolka shabeelaha hoose.

1/31/2013 1:41 AM EST
Khamiis, Jannaayo 31, 2013 (HOL) — Madaxweynaha dowladda Soomaaliya, Xasan Sheekh Maxamuud oo booqasho ku jooga dalka Belgium ayaa faahfaahin ka bixiyay kulammo uu la yeeshay madaxda Midowga Yurub, kuwaasoo looga hadlay sidii dowladda uu hoggaaminayo gacan looga siin lahaa dib-u-dhiska dalka.