3/28/2024
Today from Hiiraan Online:  _
Wararka Maanta- Khamiis, Jan 31, 2013
Haween markii ugu Horreysay ka mid Noqonaya Ciidamada Dowladda Somalia oo Tababar looga furay Baladweyne



Khamiis, Jannaayo, 31, 2013 (HOL) -- Saraakiisha ciidamada maamulka gobolka Hiiraan ee dowladda Soomaaliya iyo kuwa Jabuuti ee howlgalka midowgga Africa AMISOM ayaa markii ugu horeysay magaalada Baladweyne tababar uga furay haween ka mid noqonaya ciidamada militariga dowladda Soomaaliya.

Xerada Lama-galaay oo si hor dhac ah tiro kooban oo haween ah tababarka lagu siinayo ayaa waxaa maanta booqday oo tagay marwada guddoomiyaha maamulka gobollka Maryan Max’ed Cabdul, saraakiisha dowladda ee maamulka gobollka iyo kuwa Jabuuti ee howlgalka midowgga Africa AMISOM.

Marwo Maryan oo ku labisan dareyska ciidamada militariga oo la hadashay haweenka uu tababarka u furmay ayaa sheegtay in ay aad ugu faraxday markii ay maqashay warka ku saabsan in ciidamada tababarka la siinayo qeyb ka yihiin haween diyaar u ah in ay ku biiraan ciidamada xoogga dalka Soomaaliyeed.

‘’Runtii waan wax lagu faano in ay jiraan haween Soomaaliyeed oo diyaar u ah in ay ka mid noqdaan ciidamada xoogga dalka Soomaaliyeed, waana sababta keentay in aan halkan idinku soo booqdo oo aan arko sida tababarku soconayo,’’ ayeey tiri marwo Maryan Max’ed Cabdul.

Waxaa ay ku war galisay haweenka tababarka u soconayo in dhawaan uu soo gaari doono sida ay sheegtay dareyskii ciidamada, iyadoo dhinaca kalana u balan-qaaday bil kasta in ay jeebkeeda ka siin doonto haweenka uu tababarka u soconayo lacag u dhan $ 50 doolar, oo ka baxsan mishaarka ay qaadanayaan.

Sidoo kale waxaa goobta ka hadllay Col Towane Axmed Gurey oo ka mid ah saraakiisha ciidamada dowladda maamulka gobollka Hiiraan ee tababarka bixinaya, waxaana uu sheegay in tirada haweenka tababarka loo furay yihiin kuwii ugu horeeyay, isaga oo uga mahad celiyay marwo Maryan Max’ed Cabdul booqashada ay ku tagtay xerada uu tababarku ka socdo iyo dhiiri-galinta ay u sameysay haweenka.

Xerada Lama-galaay oo xarun u ahaan jirtay ciidamadii hore xoogga dalka Soomaaliyeed waxaa hadda lagu tababarayaa ku dhawaad 1000 askari oo la filayo in lagu biirayo ciidamada dowladda,waxaana muuqata in haweenku qeyb ka noqonayaan ciidamadaas.

C/raxmaan Diini, Hiiraan Online
[email protected]
Baladweyne, Soomaaliya













Click here
1/31/2013 12:40 PM EST
Khamiis, Jannaayo 31, 2013 (HOL) — Madaxweynaha Soomaaliya, Xasan Sheekh Maxamuud oo ka jawaabayay hadal uu Madaxweynaha Somaliland, Axmed Maxamed Maxamuud (Siilaanyo) ku sheegay in aqoonsigii uu siiyay Mareykanka dowladda Soomaaliya aanu quseyn Somaliland.

1/31/2013 11:47 AM EST
Khamiis, Jannaayo 31, 2013 (HOL) — Hay’adda Qoxootiga Dunida ee UNHCR ayaa sheegtay in qaxootiga Soomaalida ah ee ku nool xeryaha qaxootiga ee dalka Kenya ay doonayaan inay dib ugu laabataan dalkooda, kaddib labaatan sano oo ay xeryahaas ku jireen.

1/31/2013 10:15 AM EST
Khamiis, Jannaayo 31, 2013 (HOL) — Wasiiradda arrimaha dibadda Somalia, Fowziyo Yuusuf Xaaji Aadan ayaa soo dhaweysay dib u soo laabashada xiriirka u dhexeeya dalalka Shiinaha iyo Soomaaliya, kaasoo soo billowday sannadihii lixdameeyada.

1/31/2013 9:07 AM EST
Khamiis, Jannaayo 31, 2013 (HOL) — Guddiga KMG ah ee doorashooyinka Puntland ayaa maanta si rasmi ah ugu dhawaaqay xeerka anshaxa ururada siyaasadda ee ka qayb-gelaya doorashada goleyaasha deegaanka ee Puntland.

1/31/2013 9:00 AM EST
Khamiis, Jannaayo 31, 2013 (HOL) — Dadweynaha Somaliland ayaa qaadan la’ warka ku saabsan amni-darrad ee kasoo baxay dowaldda ingiriiska ee ay shacabkeeda uga digtay in ay kasoo baxaan Somaliland, taasoo dadku badi is-waydiinayaan ujeeddada uu Ingiriisku ka leeyahay inuu ku sheego amn-daro Somaliland, hase yeeshe illaa hadda aanay helin jawaab ay ku qancaan.

1/31/2013 8:52 AM EST
Khamiis, Jannaayo 31, 2013 (HOL) — Magaalada Garoowe ee xarunta maamulka Puntland waxaa shalay ka furmay shir-weynaha 1-aad ee urur-siyaasadeedka Horseed. Munaasabaddii shirka lagu furayey oo ahayd mid si weyn loo soo agaamisyey, islamarkaana ka dhacday hoolka shirarka ee Jaamacadda PSU, waxaa kasoo qayb galay madaxda sare iyo xubnaha ururka.

1/31/2013 5:40 AM EST
Khamiis, Jannaayo 31, 2013 (HOL) —Wafdi uu horkacayo ra’isul wasaaraha dowladda federaalka Soomaaliya Dr. Cabdi Faarax Shirdoon (Saacid) ayaa goordhow gaaray magaalada Marka ee xarunta gobolka shabeelaha hoose.

1/31/2013 1:41 AM EST
Khamiis, Jannaayo 31, 2013 (HOL) — Madaxweynaha dowladda Soomaaliya, Xasan Sheekh Maxamuud oo booqasho ku jooga dalka Belgium ayaa faahfaahin ka bixiyay kulammo uu la yeeshay madaxda Midowga Yurub, kuwaasoo looga hadlay sidii dowladda uu hoggaaminayo gacan looga siin lahaa dib-u-dhiska dalka.