3/19/2024
Today from Hiiraan Online:  _
Wararka Maanta- Arbaco, Jan 30, 2013
Madaxweynaha Soomaaliya oo la kulmay Madaxda Midowga Yurub

Madaxweynaha Soomaaliya Xasan Shiikh Maxamuud iyo Guddoomiyaha Guddiga reer Yurub Jose Manuel Barroso
Arbaco, January 30, 2013(HOL): Sidii aad la socoteen waxaa maalmihii aynu ka soo gudubnay ku sugnaa magaalada Brussels ee dalka Belgium madaxweynaha Soomaaliya Xasan Shiikh Maxamuud iyo Wafdi uu hoggaaminayo, kaasi oo martiqaad ka helay Madaxda sare ee Midowga Yurub.
 

Madaxweynaha ayaa waxaa uu xarunta Midowga Yurub kula kulmay Madaxweynaha Golaha Midowga Yurub Mr.Herman Van Rompuy, kaasi oo madaxweynaha si diirran ugu soo dhaweeyay xarunta Midowga Yurub. Labada Mas’uul ayaa ka wada hadlay xiriirka Soomaaliya iyo Midowga Yurub iyo bogga cusub ee Soomaaliya u furmay kaddib dhowr iyo labaatan sano oo dhibaato iyo dowlado ku meel-gaar ah ahaa.

 

Madaxweynaha Soomaaliya Xasan Shiikh Maxamuud waxaa uu sidoo kale xarunta Midowga Yurub kula kulmay Guddoomiyaha Guddiga reer Yurub Jose Manuel Barroso, kaasi oo ay kulankooda iskula soo qaadeen arrimo ay ka mid ahaayeen  xiriirka labada dhinac, xaaladda Soomaaliya, mustaqbalka Soomaaliya iyo wada shaqeyn dhexmarta labada dhinac.

 

Guddoomiyaha Guddiga reer Yurub Jose Manuel Barroso oo kulanka kaddib saxaafadda la hadlay ayaa sheegay in Soomaaliya uu u furmay bog cusub oo ay dadka Soomaaliyeed aayahooda uga tashanayaan, wuxuuna caddeeyay in intii uu socday kulankii ay madaxweynaha Soomaaliya yeesheen ay isla garteen muhiimadda joogteynta dowlad laga wada qeybgalay oo ku shaqeysa la-xisaabtan iyo cadcaddaan, sidoo kalena la xushmeeyo xuquuqda aadanaha iyo xorriyatul-qowlka. Jose Manuel Barroso waxaa uu hadalkiisa ku sii daray in ay Madaxweynaha Soomaaliya ka wada hadleen sida uu Midowga Yurub ku caawin karo si loogu guuleysto arrimahaas.

 

Midowga Yurub ayaa wuxuu yahay deeq-bixiyaha ugu weyn ee kaalmeeya Soomaaliya, wuxuuna Soomaaliya ku bixiyay nus Bilyan Doollar tan iyo sanadkii 2008. Sidoo kalena Midowga Yurub wuxuu sanadkan kaliya bixiyay lacag dhan 60 Milyan oo EURO, taasi oo uu ku bixiyay dhinaca kaalmada bani’aadannimo.

 

Madaxweynaha Soomaaliya Xasan Shiikh Maxamuud iyo Madaxweynaha Golaha Midowga Yurub Mr.Herman Van Rompuy

Guddoomiyaha Guddiga reer Yurub Jose Manuel Barroso wuxuu ku carrabka ku adkeeyay in uu si weyn ugu faraxsanaa in uu la kulmo, isla markaana uu dhegeysto hadalka madaxweynaha Soomaaliya iyo doonistiisa ku aaddan soo celinta dowladnimadii Soomaaliya, wuxuuna hoosta ka xariiqay in madaxweynaha  uu u muujiyay in ay ka go’an tahay in ay dalka Soomaaliya horay u sii wadaan, isla markaana ay ka saaraan marxaladdii dowlad la’aaneed ee uu soo maray dalka Soomaaliya.

 

Wuxuu hadalkiisa ku sii daray Jose Manuel Barroso in dadka Soomaaliyeed ay u qalmaan xasillooni, nabad iyo dowlad ka shaqeysa oo soo celisa adeegyadii bulshada, taasi oo ay la mid ah tan heystaan dadka ku nool dalalka caalamka.

 

Ugu dambeyntiina Guddoomiyaha Guddiga reer Yurub Jose Manuel Barroso waxaa uu soo caddeeyay in Midowga Yurub uu sii wadi doono taageerada uu siinayo Soomaaliya si loogu guuleysto mustaqbal siyaasadeed oo deggan.

 

Casuumadda uu Midowga Yurub u fidiyay Madaxweynaha  Soomaaliya ayaa waxaa ka horreysay casuumaad ay dowladda mareykanka u fidisay madaxweynaha Soomaaliya, waxaana aqalka cad ee mareykanka ku kulmay madaxweynaha Soomaaliya Xasan Shiikh Maxamuud iyo Madaxweynaha Mareykanka Barack Obama. Kulanka labada madaxweyne kaddibna dowladda mareykanka waxay ku dhawaaqday in ay aqoonsi buuxa siineyso Dowladda Soomaaliya.

 

Madaxweynaha Soomaaliya ayaa socdaalkiisa Belgium kaddib waxaa uu booqan doonaa dalka Britain oo uu madaxdiisa sidoo kale ka helay casuumaad. Inta uu London ku sugan yahay madaxweyaha waxaa uu la hadli doonaa Soomaalida ku nool UK. Safarka Britain kaddibna waxaa uu madaxweynaha u amba bixi doonaa magaalada Qaahira ee dalka Masar, halkaasi oo uu kaga qeybgeli doono shir ay halkaas ku leeyihiin dalalka Islaamka.

 

Salaad Iidow Xasan (Xiis), Hiiraan Online

[email protected]













Click here
1/30/2013 1:12 PM EST
Arbaco, January 30, 2013(HOL): Wararka naga soo gaaraya magaalada Baydhabo ee xarunta u ah gobolka Bay ayaa sheegaya in wiil dhalinyaro ah oo da’diisa 18 jir tahay, isla markaana laga magacaabi jiray Xasan Bilow Jirid ay rag hubeysan oo ka tirsan Xarrakada Al-shabaab ay kala degeen gaari uu la socday, kaddibna ay gowraceen.

1/30/2013 12:55 PM EST
Arbaco, Jannaayo 30, 2013 (HOL) — Dowladda Soomaaliya ayaa sheegtay in abaal-marin lacageed ay siinnayso ciddii gudbisa xog ku saabsan weerarro, qaraxyo iyo falal kale oo dhibaateynayo shacabka iyo xubnaha dowladda, iyagoo sheegay in qorshahan uu yahay mid lagu adkanayo ammaanka dalka oo dhan.

1/30/2013 12:25 PM EST
Arbaco, January 30, 2013(HOL): Waxaa magaalada Baydhabo xalay soo weeraray kooxda Al-shabaab, waxayna soo weerareen fariisimo ay ciidamada ku lahaayeen meel u dhow Suuqa weyn ee xoolaha lagu iibsado, waxaan ay ku tuureen bambo gacmeed.

1/30/2013 11:17 AM EST
Arbaco, Jannaayo 30, 2013 (HOL) — Ra'iisal Wasaaraha Soomaaliya, Cabdi Farax Shir-doon (Saacid) ayaa xafiiskiisa ku qaabilay wafdi kaaliyaha xoghayaha guud ee Qaramda Midoobay ee arrimaha Siyaasada, Jeffrey Feltman iyagoo ka wada-hadlay arrimo ay ka mid yihiin, doorka ay Qaramada Midoobay doonayso inay ka ciyaarto geeddi socodka nabadda Soomaaliya iyo taageerada ay ka geysan karto arrimaha garsoorka, amniga iyo dib-u-dhiska dalka.

1/30/2013 11:16 AM EST
Arbaco, Jannaayo 30, 2013 (HOL) — Hay’adda horumarinta iyo isku xirka dhalinyarada Soomaaliyeed ee SOYDEN ayaa ku qabtay hoteelka Palace City ee magaalada Muqdisho ku qabatay munaasabad ku saabsanayd furitaanka wajiga labaad barnaamij loogu magacdarey Tiiraanyo-bixin kaasoo muddo laba bilood ah ka socon doona degmooyinka gobolka Banaadir.

1/30/2013 9:58 AM EST
Arbaco, Jannaayo 30, 2013 (HOL)-Madaxweyn aha Somaliland Md:Axmed Maxamed Maxamuud Siillaanyo ayaa maanta labadda gole Baarlamaan (Golaha Wakiiladda iyo Guurtidda) ka jeediyey khudbad sanadeedkii 2013, kaas oo uu kaga waramay wixii u qabsoomay mudadaasi iyo mustaqbalka waxa u qorshaysan.

1/30/2013 8:27 AM EST
Arbaco, Jannaayo 30, 2013 (HOL) —Aqoonyahanno, odoyaal, dhalinyaro iyo haween kasoo jeeda gobollada Jubooyinka ayaa shir ay ku qabteen magaalada Muqdisho ku muujiyay dareenkooda ku aadan shirka maamul u sameynta Jubooyinka ee ka socda magaalada Kismaayo.

1/30/2013 7:52 AM EST
Arbaco, Jannaayo, 30, 2013 (HOL) – Isbitaalka guud ee magaalada Baladweyne oo bishii December ee sanadkii ina dhaafay 2012 hay’adda MSF Swiss joojisay gacantii ay siin jirtay, ayaa waxaa maanta gargaar gaarsiisay shirkada xawaaladda Amaana kadib markii ay codsi u soo gudbiyeen guddi la shaqeeya maamulka Isbitaalka.

1/30/2013 7:27 AM EST
Arbaco, Jannaayo 30, 2013 (HOL) —Booliska dowladda federaalka Soomaaliya ayaa sheegay in ay laba jibaarayaan howlihii lagu xaqiijinayay ammaanka ee ay ka wadeen Muqdisho, xilli maalinimadii shalay qarax weyn uu ka dhacay nawaaxiga xarunta Madaxtooyada Soomaaliya.

1/30/2013 7:13 AM EST
Arbaco, Jannaayo, 30, 2013 (HOL) – Wasiirrka wasaarrada arrimaha gudaha iyo amniga Qaranka xukuumada Soomaaliya ayaa ku eedeysay maamulada ka jira gobollada dalka qaarkood in aysan xiriir wada shaqeyn ah la laheyn shacabka ay mas’uulka ka yihiin.

1/30/2013 7:11 AM EST
Arbaco, Jannaayo, 30 2013 (HOL) -- Wafdi heer wasiirro ah oo ka socda dowladda Soomaaliya ayaa la filayaa in uu dhawaan booqdo qeybo katirsan gobolka galgaduud xilli maalmihii ugu danbeeyay wafdi xildhibaanno ka kooban ay booqasho ku bixinayeen degmooyin iyo deegaano kala duwan oo katirsan gobolkaasi.

1/30/2013 7:03 AM EST
Arbaco, Jannaayo, 30, 2013 (HOL) -- Afhayeenka dhinaca howlgalada u qaabilsan xarrakada Al-shabaab Sheekh C/siis Abuu-musab ayaa ku hanjabay in ay sii wadi doonaan weerarada qaraxyada ah oo ay la beegsanayaan xarumaha dowladda Soomaaliya.

1/30/2013 6:23 AM EST
Arbaco, Jannaayo 30, 2013 (HOL) —Barnaamijka cuntada aduunka (WFP) ayaa howlo raashiin qeybin ah ka bilowday degmada Kismaayo oo ay ku noolyihiin dad badan oo kasoo barakacay gobollada dalka Soomaaliya islamarkaasina ay saameyn ku yeesheen abaarihii ku dhuftay Soomaaliya.