2014-10-22
Today from Hiiraan Online:  _
Wararka Maanta- Arbaco, Jan 30, 2013
Dowladda Soomaaliya oo sheegtay inay lacag adag ku Abaal-marinayso ciddii soo gudbisa Xog looga Hortagayo Falal Ammaan-darro


Arbaco, Jannaayo 30, 2013 (HOL) — Dowladda Soomaaliya ayaa sheegtay in abaal-marin lacageed ay siinnayso ciddii gudbisa xog ku saabsan weerarro, qaraxyo iyo falal kale oo dhibaateynayo shacabka iyo xubnaha dowladda, iyagoo sheegay in qorshahan uu yahay mid lagu adkanayo ammaanka dalka oo dhan.

Abaalmarinta lacageed ee ay sheegtay xukuumadda Soomaaliya inay bixinayso ayaa waxay gaaraysaa 5,000 oo dollarka Mareykanka ah, iyadoo wasiirka arrimaha gudaha uu maanta abaalmarinno lacageed iyo shahaadooyin guddoonsiiyay laba askair oo la sheegay inay fashiliyeen qarax shalay ka dhacay afaafka hore ee madaxtooyada Soomaaliya.

“Xogaha ku saabsan sugidda ammaanka dalka ee lasoo gudbiyo waxaan ballan-qaadaynaa inaan xafidayno, sidoo kale waxaan xafidaynaa qofka soo gudbiya xogta, ,” ayuu yiri wasiirka arrimaha gudaha Soomaaliya, C/kariin Xuseen Guuleed.

Wasiirka ayaa sheegay inay xukuumaddu min 500 oo doollar iyo shahaado ay guddoonsiisay, C/samad Xasan Jaamac iyo Xasan C/lle Maxamuud oo ka tirsan ciidamada nabadsugidda oo ka hortagay Talaadadii shalay Qarax uu ku dhintay askari ka tirsan ciidamada  dowladda oo ruux waxyaabaha qarxa isku soo xiray uu doonayay inuu ku weeraro xarunta nabadsugidda Qaraka oo ku taalla madaxtooyada Soomaaliya.

“Ruuxii sameeyay qaraxii shalay wuxuu kasoo goostay dhawaan Al-shabaab, wuxuna doonayay inuu dhibaato u geysto ha’yadda nabadsugidda, balse waxaa ka hortagay falkaas labadan askari,” ayuu yiri C/kariin Guuleed oo intaa ku daray inay rajeynayan in qaraxaas uu noqon doono kii ugu dambeeyay ee Muqdisho ka dhaca.

Inkastoo aysan jirin weli cid sheegatay inay mas’uul ka tahay weerarkaas ayaa haddana waxaa la sheegay in ruuxa weerarka ismiidaaminta ah fuliyay oo isaguna goobta ku dhintay lagu magacaabi jiray Cali Cabdi-xareed Maalin, kasoo si la howlgalayay ciidamada nabadsugidda Qaranka.

Dowladda Soomaaliya ayaa waxay tan iyo dhammaadkii sannadkii hore isku dayaysay inay ka hortagto weerarrada qaraxyada ah, falalka toogashada ah iyo weliba weerarrada lagu soo qaado xarumaha dowladda, iyadoo ay ka socdeen Muqdisho howlgallo looga horatagyo falalkaas ammaan-darrada ah.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-30 3:48 PM EST
Arbaco, January 30, 2013(HOL): Sidii aad la socoteen waxaa maalmihii aynu ka soo gudubnay ku sugnaa magaalada Brussels ee dalka Belgium madaxweynaha Soomaaliya Xasan Shiikh Maxamuud iyo Wafdi uu hoggaaminayo, kaasi oo martiqaad ka helay Madaxda sare ee Midowga Yurub.

2013-01-30 1:12 PM EST
Arbaco, January 30, 2013(HOL): Wararka naga soo gaaraya magaalada Baydhabo ee xarunta u ah gobolka Bay ayaa sheegaya in wiil dhalinyaro ah oo da’diisa 18 jir tahay, isla markaana laga magacaabi jiray Xasan Bilow Jirid ay rag hubeysan oo ka tirsan Xarrakada Al-shabaab ay kala degeen gaari uu la socday, kaddibna ay gowraceen.

2013-01-30 12:25 PM EST
Arbaco, January 30, 2013(HOL): Waxaa magaalada Baydhabo xalay soo weeraray kooxda Al-shabaab, waxayna soo weerareen fariisimo ay ciidamada ku lahaayeen meel u dhow Suuqa weyn ee xoolaha lagu iibsado, waxaan ay ku tuureen bambo gacmeed.

2013-01-30 11:17 AM EST
Arbaco, Jannaayo 30, 2013 (HOL) — Ra'iisal Wasaaraha Soomaaliya, Cabdi Farax Shir-doon (Saacid) ayaa xafiiskiisa ku qaabilay wafdi kaaliyaha xoghayaha guud ee Qaramda Midoobay ee arrimaha Siyaasada, Jeffrey Feltman iyagoo ka wada-hadlay arrimo ay ka mid yihiin, doorka ay Qaramada Midoobay doonayso inay ka ciyaarto geeddi socodka nabadda Soomaaliya iyo taageerada ay ka geysan karto arrimaha garsoorka, amniga iyo dib-u-dhiska dalka.

2013-01-30 11:16 AM EST
Arbaco, Jannaayo 30, 2013 (HOL) — Hay’adda horumarinta iyo isku xirka dhalinyarada Soomaaliyeed ee SOYDEN ayaa ku qabtay hoteelka Palace City ee magaalada Muqdisho ku qabatay munaasabad ku saabsanayd furitaanka wajiga labaad barnaamij loogu magacdarey Tiiraanyo-bixin kaasoo muddo laba bilood ah ka socon doona degmooyinka gobolka Banaadir.

2013-01-30 9:58 AM EST
Arbaco, Jannaayo 30, 2013 (HOL)-Madaxweyn aha Somaliland Md:Axmed Maxamed Maxamuud Siillaanyo ayaa maanta labadda gole Baarlamaan (Golaha Wakiiladda iyo Guurtidda) ka jeediyey khudbad sanadeedkii 2013, kaas oo uu kaga waramay wixii u qabsoomay mudadaasi iyo mustaqbalka waxa u qorshaysan.

2013-01-30 8:27 AM EST
Arbaco, Jannaayo 30, 2013 (HOL) —Aqoonyahanno, odoyaal, dhalinyaro iyo haween kasoo jeeda gobollada Jubooyinka ayaa shir ay ku qabteen magaalada Muqdisho ku muujiyay dareenkooda ku aadan shirka maamul u sameynta Jubooyinka ee ka socda magaalada Kismaayo.

2013-01-30 7:52 AM EST
Arbaco, Jannaayo, 30, 2013 (HOL) – Isbitaalka guud ee magaalada Baladweyne oo bishii December ee sanadkii ina dhaafay 2012 hay’adda MSF Swiss joojisay gacantii ay siin jirtay, ayaa waxaa maanta gargaar gaarsiisay shirkada xawaaladda Amaana kadib markii ay codsi u soo gudbiyeen guddi la shaqeeya maamulka Isbitaalka.

2013-01-30 7:27 AM EST
Arbaco, Jannaayo 30, 2013 (HOL) —Booliska dowladda federaalka Soomaaliya ayaa sheegay in ay laba jibaarayaan howlihii lagu xaqiijinayay ammaanka ee ay ka wadeen Muqdisho, xilli maalinimadii shalay qarax weyn uu ka dhacay nawaaxiga xarunta Madaxtooyada Soomaaliya.

2013-01-30 7:13 AM EST
Arbaco, Jannaayo, 30, 2013 (HOL) – Wasiirrka wasaarrada arrimaha gudaha iyo amniga Qaranka xukuumada Soomaaliya ayaa ku eedeysay maamulada ka jira gobollada dalka qaarkood in aysan xiriir wada shaqeyn ah la laheyn shacabka ay mas’uulka ka yihiin.

2013-01-30 7:11 AM EST
Arbaco, Jannaayo, 30 2013 (HOL) -- Wafdi heer wasiirro ah oo ka socda dowladda Soomaaliya ayaa la filayaa in uu dhawaan booqdo qeybo katirsan gobolka galgaduud xilli maalmihii ugu danbeeyay wafdi xildhibaanno ka kooban ay booqasho ku bixinayeen degmooyin iyo deegaano kala duwan oo katirsan gobolkaasi.

2013-01-30 7:03 AM EST
Arbaco, Jannaayo, 30, 2013 (HOL) -- Afhayeenka dhinaca howlgalada u qaabilsan xarrakada Al-shabaab Sheekh C/siis Abuu-musab ayaa ku hanjabay in ay sii wadi doonaan weerarada qaraxyada ah oo ay la beegsanayaan xarumaha dowladda Soomaaliya.

2013-01-30 6:23 AM EST
Arbaco, Jannaayo 30, 2013 (HOL) —Barnaamijka cuntada aduunka (WFP) ayaa howlo raashiin qeybin ah ka bilowday degmada Kismaayo oo ay ku noolyihiin dad badan oo kasoo barakacay gobollada dalka Soomaaliya islamarkaasina ay saameyn ku yeesheen abaarihii ku dhuftay Soomaaliya.