2014-09-17
Today from Hiiraan Online:  _
Wararka Maanta- Arbaco, Jan 30, 2013
Ra'iisal Wasaare Saacid oo xafiiskiisa ku qaabilay kaaliyaha Xoghayaha Guud ee Qaramada Midoobay ee Arrimaha Siyaasada


Arbaco, Jannaayo 30, 2013 (HOL) — Ra'iisal Wasaaraha Soomaaliya, Cabdi Farax Shir-doon (Saacid) ayaa xafiiskiisa ku qaabilay wafdi kaaliyaha xoghayaha guud ee Qaramda Midoobay ee arrimaha Siyaasada, Jeffrey Feltman iyagoo ka wada-hadlay arrimo ay ka mid yihiin, doorka ay Qaramada Midoobay doonayso inay ka ciyaarto geeddi socodka nabadda Soomaaliya iyo taageerada ay ka geysan karto arrimaha garsoorka, amniga iyo dib-u-dhiska dalka.

Ra'iisal wasaaraha Saacid ayaa sheegay in kulankoodan ay uga wadahadleen sidii Qamarada Midoobay ay u taageeri lahayd dowladda Soomaaliya, gaar ahaa taaba-gelinta qorsheyaasha dowladda ee dhinacyada garsoorka, sugidda ammaanka dalka iyo dib-u-dhiska guud ee dalka.

"Waxaanu si qota-dheer uga wadahadalnay qodobbo badan oo ay ugu horreyso aragtida Soomaaliyada cusub iyo sidii Qaramda Midoobay ay uga taageeri lahayd in Soomnaaliya ay awood u yeelato sugidda ammaanka iyo dib-u-dhiska dalka," ayuu ra’iisul wasaaraha Soomaaliya ku yiri shir jraa’id oo uu wadajir ula qabtay kaaliyaha xoghayaha guud ee Qaramada Midoobay ee siyaasadda, isagoo sheegay in booqashadan ay calaamad u tahay sida caalamku u doonayo inuu ku garab-istaago dowladda iyo shacabka Soomaaliyeed.

Kaaliye Jeffrey oo dhankiisa hadlay ayaa sheegay inuu aad ugu faraxsan yahay inuu kulan la qaato ra’iisul wasaaraha Soomnaaliya; isagoo tilmaamay in kulankan uu daba-socdo kulan dhawaan dalka Itoobiya ku dhexmaray madaxweynaha Soomaaliya, Xasan Sheekh Maxamuud iyo xoghayaha guud ee Qaramada Midoobay, Ban Ki-moon.

"Runtii kulankan wuxuu ahaa kulan muhiim ah oo aanu ka gaarnay isfaham iyo natiijo wanaagsan," ayuu yiri Feltman oo xusay in Qaramada Midoobay ay u muuqato fursad wanaagsan oo ay ku garab-istaagi karto dowladda iyo shacabka Soomaaliyeed ee iyagu go'aansaday inay aayahooda hagaajiyaan, doortayna dowlad rasmi ah.

Kaaliyaha ayaa sidoo kale hadalkiisa ku daray in go’aan ka gaarista aayaha Soomaaliya uu ku jiro gacanta madaxda Soomaalida iyo shacabkood.  Isagoo xusay in Qaramada Midoobay ay raacyayso go’aammada ay gaaraan shacabka Soomaaliyeed iyo xukuumaddooda, isagoo dhanka kale xusay inay taageero u hayaan dowladda iyo qorsheyaasheeda lixda ah oo haddii la taaba-geliyo ay keeneysa horumar weyn oo dhinac kasta leh.

Kulankan dhexmaray ra’iisul wasaaraha Soomaaliya iyo kaaliyaha xoghahaya guud ee Qaramada Midoobay u qaabilsn dhinaca siyasadda ayaa waxaa goobjoog ka ahaa wasiirka arrimaha gudaha iyo ammaanka Qaranka, C/kariin Xuseen Guuleed, wasiirka gaashaandhigga, Cabdixakiin Maxamuud Xaaji Faqi, wasiirka garsoorka, Cabdullaahi Ebyan Nuur. Iyadoo dhinaca Qaramda Midoobay waxaa ka socday xoghayah guud ee Qaramada Midoobay ee arrimaha Soomaaliya, danjira Augustine Phillip Mahiga.

Tan iyo markii lasoo doortay dowladda cusub ee Soomaaliya ayaa waxaa soo kordhayay saraakiisha caalamiga ah ee soo gaaraya Muqdisho, kuwaasoo kulammo kala duwan duuwan la qaadanayay madaxda dowladda Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-30 3:48 PM EST
Arbaco, January 30, 2013(HOL): Sidii aad la socoteen waxaa maalmihii aynu ka soo gudubnay ku sugnaa magaalada Brussels ee dalka Belgium madaxweynaha Soomaaliya Xasan Shiikh Maxamuud iyo Wafdi uu hoggaaminayo, kaasi oo martiqaad ka helay Madaxda sare ee Midowga Yurub.

2013-01-30 1:12 PM EST
Arbaco, January 30, 2013(HOL): Wararka naga soo gaaraya magaalada Baydhabo ee xarunta u ah gobolka Bay ayaa sheegaya in wiil dhalinyaro ah oo da’diisa 18 jir tahay, isla markaana laga magacaabi jiray Xasan Bilow Jirid ay rag hubeysan oo ka tirsan Xarrakada Al-shabaab ay kala degeen gaari uu la socday, kaddibna ay gowraceen.

2013-01-30 12:55 PM EST
Arbaco, Jannaayo 30, 2013 (HOL) — Dowladda Soomaaliya ayaa sheegtay in abaal-marin lacageed ay siinnayso ciddii gudbisa xog ku saabsan weerarro, qaraxyo iyo falal kale oo dhibaateynayo shacabka iyo xubnaha dowladda, iyagoo sheegay in qorshahan uu yahay mid lagu adkanayo ammaanka dalka oo dhan.

2013-01-30 12:25 PM EST
Arbaco, January 30, 2013(HOL): Waxaa magaalada Baydhabo xalay soo weeraray kooxda Al-shabaab, waxayna soo weerareen fariisimo ay ciidamada ku lahaayeen meel u dhow Suuqa weyn ee xoolaha lagu iibsado, waxaan ay ku tuureen bambo gacmeed.

2013-01-30 11:16 AM EST
Arbaco, Jannaayo 30, 2013 (HOL) — Hay’adda horumarinta iyo isku xirka dhalinyarada Soomaaliyeed ee SOYDEN ayaa ku qabtay hoteelka Palace City ee magaalada Muqdisho ku qabatay munaasabad ku saabsanayd furitaanka wajiga labaad barnaamij loogu magacdarey Tiiraanyo-bixin kaasoo muddo laba bilood ah ka socon doona degmooyinka gobolka Banaadir.

2013-01-30 9:58 AM EST
Arbaco, Jannaayo 30, 2013 (HOL)-Madaxweyn aha Somaliland Md:Axmed Maxamed Maxamuud Siillaanyo ayaa maanta labadda gole Baarlamaan (Golaha Wakiiladda iyo Guurtidda) ka jeediyey khudbad sanadeedkii 2013, kaas oo uu kaga waramay wixii u qabsoomay mudadaasi iyo mustaqbalka waxa u qorshaysan.

2013-01-30 8:27 AM EST
Arbaco, Jannaayo 30, 2013 (HOL) —Aqoonyahanno, odoyaal, dhalinyaro iyo haween kasoo jeeda gobollada Jubooyinka ayaa shir ay ku qabteen magaalada Muqdisho ku muujiyay dareenkooda ku aadan shirka maamul u sameynta Jubooyinka ee ka socda magaalada Kismaayo.

2013-01-30 7:52 AM EST
Arbaco, Jannaayo, 30, 2013 (HOL) – Isbitaalka guud ee magaalada Baladweyne oo bishii December ee sanadkii ina dhaafay 2012 hay’adda MSF Swiss joojisay gacantii ay siin jirtay, ayaa waxaa maanta gargaar gaarsiisay shirkada xawaaladda Amaana kadib markii ay codsi u soo gudbiyeen guddi la shaqeeya maamulka Isbitaalka.

2013-01-30 7:27 AM EST
Arbaco, Jannaayo 30, 2013 (HOL) —Booliska dowladda federaalka Soomaaliya ayaa sheegay in ay laba jibaarayaan howlihii lagu xaqiijinayay ammaanka ee ay ka wadeen Muqdisho, xilli maalinimadii shalay qarax weyn uu ka dhacay nawaaxiga xarunta Madaxtooyada Soomaaliya.

2013-01-30 7:13 AM EST
Arbaco, Jannaayo, 30, 2013 (HOL) – Wasiirrka wasaarrada arrimaha gudaha iyo amniga Qaranka xukuumada Soomaaliya ayaa ku eedeysay maamulada ka jira gobollada dalka qaarkood in aysan xiriir wada shaqeyn ah la laheyn shacabka ay mas’uulka ka yihiin.

2013-01-30 7:11 AM EST
Arbaco, Jannaayo, 30 2013 (HOL) -- Wafdi heer wasiirro ah oo ka socda dowladda Soomaaliya ayaa la filayaa in uu dhawaan booqdo qeybo katirsan gobolka galgaduud xilli maalmihii ugu danbeeyay wafdi xildhibaanno ka kooban ay booqasho ku bixinayeen degmooyin iyo deegaano kala duwan oo katirsan gobolkaasi.

2013-01-30 7:03 AM EST
Arbaco, Jannaayo, 30, 2013 (HOL) -- Afhayeenka dhinaca howlgalada u qaabilsan xarrakada Al-shabaab Sheekh C/siis Abuu-musab ayaa ku hanjabay in ay sii wadi doonaan weerarada qaraxyada ah oo ay la beegsanayaan xarumaha dowladda Soomaaliya.

2013-01-30 6:23 AM EST
Arbaco, Jannaayo 30, 2013 (HOL) —Barnaamijka cuntada aduunka (WFP) ayaa howlo raashiin qeybin ah ka bilowday degmada Kismaayo oo ay ku noolyihiin dad badan oo kasoo barakacay gobollada dalka Soomaaliya islamarkaasina ay saameyn ku yeesheen abaarihii ku dhuftay Soomaaliya.