3/19/2024
Today from Hiiraan Online:  _
Wararka Maanta- Arbaco, Jan 30, 2013
Waxgarad Taageeray shirka maamul u sameynta Gobollada Jubooyinka ee ka socda Magaalada Kismaayo

Arbaco, Jannaayo 30, 2013 (HOL) —Aqoonyahanno, odoyaal, dhalinyaro iyo haween kasoo jeeda gobollada Jubooyinka ayaa shir ay ku qabteen magaalada Muqdisho ku muujiyay dareenkooda ku aadan shirka maamul u sameynta Jubooyinka ee ka socda magaalada Kismaayo.

Kulankan oo ahaa mid taageero ah ayaa waxa xubnihii goobta ka hadlay ay muujiyeen dareenkooda ku aadan shirka uu soo agaasimay urur goboleedka IGAD islamarkaasina maamulka loogu sameynayo gobollada Jubooyinka.

Aqoonyahan C/raxmaan Max’ed C/laahi oo kamid ahaa xubnihii goobta ka hadlay ayaa sheegay in ay aad ugu faraxsanyihiin shirka maamul u sameynta jubooyinka ee ka socda magaalada Kismaayo, kaasoo uu soo qabanqaabiyay ururka IGAD.

Sidoo kale waxa goobta ka hadlay Nabadoon Nuur Cali Xasan (Nuur Gaab) kaasoo ugu baaqay dowladda Soomaaliya in shacabka ku dhaqan gobolladaasi ay u madax baneeyso dhismaha maamulka, madaama buu yiri dastuurka Soomaaliya uu qorayo in wixii ka badan laba gobol ay sameysan karaan maamul.

Dhamaan dadkii goobta ka hadlay ayaa si isku mid ah waxa ay u taageersanaayeen shirka maamul loogu sameeynayo gobollada Jubada hoose, Jubada dhexe iyo Gedo kaasoo imika ka socda magaalada Kismaayo ee xarunta gobolka Jubada hoose.

Mudooyinkii u danbeeyay waxa jiray shirar is qilaafsan oo qaarkood lagu taageerayo dhismaha maamulka Jubbaland, qaar kalena looga soo horjeedo oo ka dhacayay qeybo katirsan gobollada dalka Soomaaliya.

Xubnaha kasoo horjeeda shirka maamul u sameynta Jubooyinka ee ka socda magaalada Kismaayo ayaa ku andacoonaya qodobo ay ka mid yihiin in aan maamul la dhisi karin inta qeybo kamid ah gobollada maamulka loo sameynayo ay  gacanta ugu jirto xarakada Al-shabaab.

Xasan Nuur, Hiiraan Online
[email protected]
Muqdisho, Soomaaliya













Click here
1/30/2013 3:48 PM EST
Arbaco, January 30, 2013(HOL): Sidii aad la socoteen waxaa maalmihii aynu ka soo gudubnay ku sugnaa magaalada Brussels ee dalka Belgium madaxweynaha Soomaaliya Xasan Shiikh Maxamuud iyo Wafdi uu hoggaaminayo, kaasi oo martiqaad ka helay Madaxda sare ee Midowga Yurub.

1/30/2013 1:12 PM EST
Arbaco, January 30, 2013(HOL): Wararka naga soo gaaraya magaalada Baydhabo ee xarunta u ah gobolka Bay ayaa sheegaya in wiil dhalinyaro ah oo da’diisa 18 jir tahay, isla markaana laga magacaabi jiray Xasan Bilow Jirid ay rag hubeysan oo ka tirsan Xarrakada Al-shabaab ay kala degeen gaari uu la socday, kaddibna ay gowraceen.

1/30/2013 12:55 PM EST
Arbaco, Jannaayo 30, 2013 (HOL) — Dowladda Soomaaliya ayaa sheegtay in abaal-marin lacageed ay siinnayso ciddii gudbisa xog ku saabsan weerarro, qaraxyo iyo falal kale oo dhibaateynayo shacabka iyo xubnaha dowladda, iyagoo sheegay in qorshahan uu yahay mid lagu adkanayo ammaanka dalka oo dhan.

1/30/2013 12:25 PM EST
Arbaco, January 30, 2013(HOL): Waxaa magaalada Baydhabo xalay soo weeraray kooxda Al-shabaab, waxayna soo weerareen fariisimo ay ciidamada ku lahaayeen meel u dhow Suuqa weyn ee xoolaha lagu iibsado, waxaan ay ku tuureen bambo gacmeed.

1/30/2013 11:17 AM EST
Arbaco, Jannaayo 30, 2013 (HOL) — Ra'iisal Wasaaraha Soomaaliya, Cabdi Farax Shir-doon (Saacid) ayaa xafiiskiisa ku qaabilay wafdi kaaliyaha xoghayaha guud ee Qaramda Midoobay ee arrimaha Siyaasada, Jeffrey Feltman iyagoo ka wada-hadlay arrimo ay ka mid yihiin, doorka ay Qaramada Midoobay doonayso inay ka ciyaarto geeddi socodka nabadda Soomaaliya iyo taageerada ay ka geysan karto arrimaha garsoorka, amniga iyo dib-u-dhiska dalka.

1/30/2013 11:16 AM EST
Arbaco, Jannaayo 30, 2013 (HOL) — Hay’adda horumarinta iyo isku xirka dhalinyarada Soomaaliyeed ee SOYDEN ayaa ku qabtay hoteelka Palace City ee magaalada Muqdisho ku qabatay munaasabad ku saabsanayd furitaanka wajiga labaad barnaamij loogu magacdarey Tiiraanyo-bixin kaasoo muddo laba bilood ah ka socon doona degmooyinka gobolka Banaadir.

1/30/2013 9:58 AM EST
Arbaco, Jannaayo 30, 2013 (HOL)-Madaxweyn aha Somaliland Md:Axmed Maxamed Maxamuud Siillaanyo ayaa maanta labadda gole Baarlamaan (Golaha Wakiiladda iyo Guurtidda) ka jeediyey khudbad sanadeedkii 2013, kaas oo uu kaga waramay wixii u qabsoomay mudadaasi iyo mustaqbalka waxa u qorshaysan.

1/30/2013 7:52 AM EST
Arbaco, Jannaayo, 30, 2013 (HOL) – Isbitaalka guud ee magaalada Baladweyne oo bishii December ee sanadkii ina dhaafay 2012 hay’adda MSF Swiss joojisay gacantii ay siin jirtay, ayaa waxaa maanta gargaar gaarsiisay shirkada xawaaladda Amaana kadib markii ay codsi u soo gudbiyeen guddi la shaqeeya maamulka Isbitaalka.

1/30/2013 7:27 AM EST
Arbaco, Jannaayo 30, 2013 (HOL) —Booliska dowladda federaalka Soomaaliya ayaa sheegay in ay laba jibaarayaan howlihii lagu xaqiijinayay ammaanka ee ay ka wadeen Muqdisho, xilli maalinimadii shalay qarax weyn uu ka dhacay nawaaxiga xarunta Madaxtooyada Soomaaliya.

1/30/2013 7:13 AM EST
Arbaco, Jannaayo, 30, 2013 (HOL) – Wasiirrka wasaarrada arrimaha gudaha iyo amniga Qaranka xukuumada Soomaaliya ayaa ku eedeysay maamulada ka jira gobollada dalka qaarkood in aysan xiriir wada shaqeyn ah la laheyn shacabka ay mas’uulka ka yihiin.

1/30/2013 7:11 AM EST
Arbaco, Jannaayo, 30 2013 (HOL) -- Wafdi heer wasiirro ah oo ka socda dowladda Soomaaliya ayaa la filayaa in uu dhawaan booqdo qeybo katirsan gobolka galgaduud xilli maalmihii ugu danbeeyay wafdi xildhibaanno ka kooban ay booqasho ku bixinayeen degmooyin iyo deegaano kala duwan oo katirsan gobolkaasi.

1/30/2013 7:03 AM EST
Arbaco, Jannaayo, 30, 2013 (HOL) -- Afhayeenka dhinaca howlgalada u qaabilsan xarrakada Al-shabaab Sheekh C/siis Abuu-musab ayaa ku hanjabay in ay sii wadi doonaan weerarada qaraxyada ah oo ay la beegsanayaan xarumaha dowladda Soomaaliya.

1/30/2013 6:23 AM EST
Arbaco, Jannaayo 30, 2013 (HOL) —Barnaamijka cuntada aduunka (WFP) ayaa howlo raashiin qeybin ah ka bilowday degmada Kismaayo oo ay ku noolyihiin dad badan oo kasoo barakacay gobollada dalka Soomaaliya islamarkaasina ay saameyn ku yeesheen abaarihii ku dhuftay Soomaaliya.