3/19/2024
Today from Hiiraan Online:  _
Wararka Maanta- Khamiis, Jan 3 , 2013
Wasiirradda Arrimaha Dibadda Soomaaliya iyo Wasiirka Arrimaha Dibadda ee Britain oo ku kulmay London

Khamiis, Jannaayo 03, 2013 (HOL) — Wasiirradda arrimaha dibadda ee  Soomaaliya, Fowziyo Yuusuf Xaaji Aadan iyo wasiirka arrimaha dibadda ee dalka Britain, William Hague ayaa maanta kulan ku yeeshay magaalada London ee xarunta dalka Britain, waxayna kulankooda kaga hadleen xoojin xiriirka labada dal iyo arrimo kale.

Kulanka wasiirrada oo ka dhacay xarunta wasaaradda arrimaha dibadda ee Britain aya wuxuu qaaday muddo saacado ah, iyadoo markii uu kulank soo xirmay ay labada wasiir arrima dibadeed ay si wadarjir ah ula hadleen saxaafadda.



“Waxaan bogaadinayaa horumarka ay dowladda Soomaaliya gaartay, anigu Muqdisho ayaan tagay sannadkii hore waxaana ku arkay horumar baaxad leh. Britain waxay ballanqaadaysaa inay kordhiso kaalmada ay siinayso shacabka iyo dowladda Soomaaliya sannadkan 2013,” ayuu yiri Hague.



Sidoo kale, wasiirku wuxuu ammaanay howlgalka ay ciidamada AMISOM ka wadaan gudaha dalka Soomaaliya, isagoo xusay in dagaalkii lala galay Al-shabaab laga gaaray guulo waaweyn oo ay ka mid yihiin in dhul badan laga qabsado.

“Aad iyo aad ayaan ugu faraxsanahay kulanka wuxuu ahaa mid aan uga hadalnay arrimo badn oo ay ka mid yihiin: nabadgalyada, adkeynta xiriirka labada iyo sidii dib loogu furi lahaa safaaradihii labada dal,” tiri wasiiradda arrimaha dibadda Soomaaliya Fowziyo Yuusuf.

Wasiiraddu waxay hadalkeeda ku dartay in qodobbada ay isla soo qaadeen iyada iyo Hague ay ka mid ahaayeen sidii Safaarad Soomaaliyeed looga furi-lahaa dalka Britain.



Socdaalkan Wasiiradda Arrimaha Dibadda ee Soomaaliya ayaa wuxuu gogol-xaar u yahay shir la qorsheynayo in uu bisha May ka dhaco magaalada London uuna ka soo qayb-galidoona Madaxweyne Xasan Sheikh Maxamuud.

Marwa Fowzia ayaa la filayaa in bishan 7deeda kula kulanto magaalada Rome wasiirka arrimaha dibadda ee dalka Talyaaniga mudane Giulio Terzi



Maxamed Xaaji Xuseen, Hiiraan Online
[email protected]
Muqdisho, Soomaaliya
Sawirada: Ibrahim Baafo, HOL, London













Click here
1/3/2013 5:14 PM EST
Khamiis, January 03, 2013(HOL): Shirweynihii lixaad ee Guddiga Olambikada Soomaaliyeed ayaa lagu qabtay Hotel Jaziira magaalada Muqdisho, iyadoo shirweynahanna uu ahaa lagu dooranayay hoggaanka sare ee guddiga olombikada Soomaaliyeed.

1/3/2013 3:07 PM EST
Video: Kulankii Wasiirada Arrimaha dibadda ee Soomaaliya iyo Britain oo ka dhacay magaalada London

1/3/2013 6:51 AM EST
Khamiis, Jannaayo 03, 2013 (HOL) — Ugu yaraan 40-qof ayaa ku dhintay shilal kala duwan oo ka dhacay dalka Kenya, kuwaasoo laba ka mid ah ay ka dhaceen gobolka Galbeedka Kenya ku yaalla ee Rift Valley kaddib markii ay wadayaasha gaadiidkaas oo ahaa basaska loo yaqaan matatuuga ay lumiyeen koontaroolka gaadiidka.

1/3/2013 6:22 AM EST
Khamiis, Jannaayo 03, 2013 (HOL) — Ganacsatada ku dhaqan magaalada Gaalkacyo ee gobolka Mudug, gaar ahaan Koonfurta Gaalkacyo oo uu ka taliyo maamulka Galmudug ayaa bilaabay dayactir ay ku sameynayaan qaar ka mid ah wadooyinka magaaladaas oo burbursan.

1/3/2013 4:31 AM EST
Khamiis, Jannaayo 03, 2013 (HOL) — Qof dumar ah ayaa ku dhimatay saddex ruux kalana dhaawac ayaa ka soo gaaray kadib markii rag hubeysan oo ka tirsanaa Al-shabaab ay rasaas ku fureen goob ay ka socotay xaflad aroos oo ku taal deegaanka Booco ee gobolka Hiiraan galinkii danbe ee maalintii shalay.

1/3/2013 3:51 AM EST
Khamiis, Jannaayo 03, 2013 (HOL) — Madaxweeynaha Jamhuuriyadda federaalka Soomaaliya Mudane Xasan Sheekh Max’uud iyo wafdigii uu hogaaminayay oo ku sugan dalka Sudan ayaa kulan la qaatay dhigiisa dalka Sudan Mudane Cumar Xassan Al-shabaab oo ay wehlinayeen xubno katirsan golihiisa wasiirada.

1/3/2013 1:41 AM EST
Khamiis, Jannaayo 03, 2013 (HOL) — Wasiirka Amniga Puntland, Col. Khaliif Ciise Mudan ayaa ka sheegay kulan uu kaga qaybgalay magaalada Boosaaso inay wadaan qorshe ay kula dagaalamayaan Al-shabaab oo uu sheegay inay kusoo jabeen kaddib markii looga adkaaday Koonfurta Soomaaliya.

1/3/2013 1:12 AM EST
Khamiis, Jannaayo 03, 2013 (HOL) — Saraakiisha ciimada Itoobiya iyo kuwa AMISOM ee ku sugan degmada Baydhabo ee xarunta gobolka Bay ayaa sheegay inay ka go’an tahay adkeynta ammaanka deegaannada uu ka kooban yahay gobolkaas.