2014-04-18
Today from Hiiraan Online:  _
Wararka Maanta- Isniin, Jan 28, 2013
Xukuumadda Soomaaliya oo shaaca ka qadday inay dabagal ku heeyso dadka ka dambeeya dilalka Suxufiyiinta

Isniin, Jannaayo 28, 2013 (HOL) — Saraakiisha ciidamada ammaanka dowladda Soomaaliya ayaa shaaca ka qaaday in ay wadaan baaritaanno xooggan oo lagu ogaanayo dadka ka danbeeya dilalka magaalada Muqdisho loogu geeysto wariyeyaasha.

Taliyaha laanta danbi baarista dowladda Soomaaliya Gen. C/laahi Xasan Bariise oo warbaahinta la hadlay ayaa sheegay in ay wadaan baaritaanno xooggan oo ay ku doonayaan in ay kusoo qabtaan dadka ka danbeeya dilaka gudaha magaalada Muqdisho loogu geeysto suxufiyiinta.

Masuulkani ayaa sheegay in dowladda Soomaaliya ay u xilsaartay in hay’adiisa ay baaritaanno kusoo sameeyso cidda ka danbeeysa dilkii ugu danbeeyay ee magaalada Muqdisho loogu geeystay wariye Cabdi Xareed Cismaan Aadan iyo kuwii ka horeeyayba, wuxuuna xusay in baaritaanku u marayo meel fiican.

“Waxaa loo xil-saaray hogaanka baarista danbiyada in wariyihii hadda ugu danbeeyay iyo wariyeyaasha dilkooda si deg deg ah kiiskooda wax looga qabto, waana ku raad joognaa,” ayuu masuulkani hadalkiisii raaciyay.

Sidoo kale taliyaha ciidamada booliska Soomaaliyeed Gen. Shariif Sheekhunaa Maye ayaa isna sheegay in ay gacanta kusoo dhigi doonaan kooxaha ka danbeeya dilalka wariyeyaasha, wuxuuna xusay in arintaasi ay ka ballan qaadeen dowladda.

Taliyaha ayaa sheegay in howsha baaritaanka ay imika socoto uuna ku rajo weynyahay in ay ku guuleeysan doonaan, wuxuuna ka codsaday suxufiyiinta iyo shacabka Soomaaliyeed in ay gacan ka siiyaan ciidamada booliska iyo danbi baarista sidii gacanta loogu soo dhigi lahaa dadkaasi caadeeystay dilalka wariyeyaasha.

Hadalkan kasoo yeeray saraakiisha ciidamada dowladda Federaalka Soomaaliya ayaa kusoo beegmaya xilli 18-kii bishan gudaha magaalada Muqdisho lagu dilay Allaha u naxariistee Wariye Cabdi Xareed Cismaan Aadan, kaasoo ay toogteen kooxo ku hubeysan baastoolado, waxaana dilka wariyahani uu yahay kii ugu horeeyay ee sanadkan, iyadoona sanadii tagtay gudaha dalka Soomaaliya lagu dilay ku dhowaad 18-wariye kuwaasoo qaar badan oo kamid ah aan la garanayn cidda ka danbeeyso dilkooda.

Xasan Nuur, Hiiraan Online
Hnur@hiiraan.com
Muqdisho, Soomaaliya





Post your comments

2013-01-28 8:18 AM EST
Isniin, Jannaayo 28, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay danjiraha Talyaaniga u qaabilsan arrimaha Soomaaliya, Adrea Mazzela isagoo kala hadlay sidii loo xoojin lahaa iskaashiga u dhaxeeya labada dalka.

2013-01-28 8:03 AM EST
Isniin, Jannaayo 28, 2013 (HOL) — Kulankan oo ay soo qaban-qaabiyeen shaqsiyaad ka shaqeeeya arrimaha bulshada Soomaalida ah ee ku dhaqan gobolka Minnesota ayaa waxaa markii labaad lagu marti qaaday prof: Axmed Ismaaciil Samatar iyo Cali Khaliif Galeyr, oo labaduba ka tirsan mudaneyaasha baarlamaanka Soomaaliya. Iyadoona ay madasha kulankan soo xaadireen in ka badan dad lagu qiyaasay sadex boqol oo ruux.

2013-01-28 7:30 AM EST
Isniin, Jannaayo 28, 2013 (HOL) — Ciidmada dowldda Soomaaliya ayaa howgallo ay kusoo qabqabteen xubno ay uga shakisan yihiin Al-shabaab ka sameeyay maanta xaafado ka tirsan degmooyinka Yaaqshiid iyo Huriwaa ee gobolka Banaadir.

2013-01-28 7:28 AM EST
Isniin, Jannaayo 28, 2013 (HOL) — Golaha Wakiiladda Somaliland ayaa dood adag ka yeeshay xeerka takaaliifta (Adeegyada) madaaradda Somaliland, kuwaas oo qaarkood soo bandhigay lacago ay sheegeen in sifo sharci daro loo lunsaday, isla markaana miisaaniyadda Qaranka lagu soo darin.

2013-01-28 7:02 AM EST
Isniin, Jannaayo 28, 2013 (HOL) — Wasiirro ka tirsan xukuumadda Somalia ayaa maanta gaaray magaalada Baydhabo ee gobolka Bay, iyagoo kulammo la yeeshay waxgaradka gobollada Bay iyo Bakool, iyagoo kala hadlay maamul u smeynta gobolladaas.

2013-01-28 6:36 AM EST
Isniin, Jannaayo, 28, 2013 (HOL) – Tan iyo wixii ka danbeeyay markii ay ciidamada Jabuuti ee howlgalka midowgga Africa AMISOM iyo ciidamo si gaar ah loo tababaray oo ka tirsan maamulka gobolka Hiiraan la wareegeen sugida amniga Baladweyne waxaa is badal muuqda ku yimid nabad-galyada magaalada, taasoo keentay in ay dib u shaqo galaan goobihii danta-guud ee mudada dheer aan shaqeyn.

2013-01-28 6:18 AM EST
Isniin, Jannaayo 28, 2013 (HOL) — Xukuumadda Somaliland ayaa sheegtay in ay baadhanayaan cabsida ay ingiriisku ka muujiyey nabadgalyada dalka, waxaaanay xuseen in aanay wax cabsi ah iyo nabadgalyo daro jirin oo ay nabadu ku jirto gacanta ciidamadda amniga.

2013-01-28 2:44 AM EST
Isniin, Jannaayo 28, 2013 (HOL) — Xafiiska arrimaha dibadda ee Britain ayaa ugu baaqay muwaadiniintooda ku sugan Somaliland inay si dhaqso ah uga baxaan halkaas, kaddib markii ay soo baxeen sida warbixinta lagu xusay khataro cusub oo kusoo food leh dadka reer galbeedka ah ee Somaliland ku sugan. Iyadoo naamulka Somaliland uu arrintaas ka hadlay.

2013-01-28 12:40 AM EST
Isniin, Jannaayo 28, 2013 (HOL) — Madaxweynaha dowladda Soomaaliya, Xasan Sheekh Maxamuud oo khudbad dheer ka jeediyay kulanka Midowga Afrika ee shalay ka furmay magaalada Addis Ababa ee xarunta Itoobiya ayaa ka dalbaday dalalka Afrika inay gacan siiyaan Soomaaliya, isagoo xusay in Soomaaliya ay dib ugu soo laabatay beesha caalamka doorkeedana uu yahay mid aan la yareysan karin.