3/18/2024
Today from Hiiraan Online:  _
Wararka Maanta- Jimco, Jan 25, 2013
Kooxo bastoolado ku hubeysan oo Nabaddoon ku toogtay deegaan ka baxsan Degmada Bu’aale ee Gobolka Jubbada Dhexe

Jimco, Jannaayo 25, 2013 (HOL) —Kooxo hubeysan ayaa gallinkii dambe ee maanta ku dilay deegaan lagu magacaabo Hargaanti oo 40-km ka baxsan degmada Bu’aale ee gobolka Jubbad Dhexe nabaddoon lagu magacaabi jiray Daahir Caydiid.

Inkastoo aan la ogeyn sababta keentay in nabaddoonka la dilo, balse warar laga helayo deegaanka ayaa sheegaya in dhawaan uu dhexmarya isaga iyo mas’uuliyiin ka tirsan Al-shabaab muran ku saabsan xoolo nool oo laga doonayay.

“Ninka la dilay waxaa toogtay rag bastoolado ku hubeysan markiibana way ka baxsadeen goobta, lama garanayo sababta keentay in la toogto nabad-doonkan,” ayuu yiri goobjooge ku sugnaa deegaanka uu dilku ka dhacay.

Xarakad Al-shabaab ayaan ka hadlin dilka nabaddoonkan maadaama ay ka taliso deegaanka uu dilku ka dhacay, waxaana nabaddoonka lagu wadaa in isla deegaankii lagu lagu aaso.

Ma ahan nabaddoonkii ugu horreeyay oo lagu dilo deegaannnada ku harsan gacanta Al-shabaab, balse dhowr jeer oo hore ayaa deegaannada ay weli ka taliso Xarakada Al-shabaab lagu dilay dad ay ku jiraan kuwo lagu eedeeyay inay la shaqeeyaan dowladda iyo ciidmada ku sugan Soomaaliya.

Gobolka Jubbada dhexe ayaa gobolka Keliya ee deegaannadiisa oo dhan ay ak taliso Al-shabaab oo sannadkii hore lumisay deegaanno badan oo ku yaalla gobollada Koonfurta iyo bartamaha Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/25/2013 5:36 PM EST
Jimco, January 25, 2013(HOL): Xulka Qaranka Kubadda Kolayga Soomaaliya oo tartanka FIBA Zone 5 ee dalka Tanzania ka socda ka qeybgelaya ayaa waxaa uu soo gaaray rubac-dhammaadka tartanka ama semi-finalka, hayeeshee ciyaartii caawa dhexmartay Somalia iyo Rwanda ayuu xulka Somalia ku haray.

1/25/2013 12:45 PM EST
Jimco, Jannaayo 25, 2013 (HOL) —Danjiraha Kenya u fadhiya Qaramada Midoobay, Macharia Kamau ayaa weydiistay Qaramada Midoobay in dalka Kenya loo celiyo dhaqaalihii kaga baxay howgalkii milateri ee ay ku galeen Soomaailya.

1/25/2013 11:56 AM EST
Jimco, Jannaayo 25, 2013 (HOL) —Taliyaha hay’adda nabad-sugidda Qaranka Soomaaliyeed, Axmed Macallin Fiqi ayaa sheegay inaysan waxba ka jirin warar sheegaya in dadka lagu soo qabqabto howgallda laga sameeyo Muqdisho qaarkood lagu sii-daayo lacago.

1/25/2013 11:35 AM EST
Jimco, Jannaayo 25, 2013 (HOL) —Shabakadda isku xirna bulshada ee Twitter ayaa xannibtay maanta oo Jimco ah boggii ay Al-shabaab ku lahayd shabakaddaas, kaddib markii ay ku baahiyeen sawirro muujinaya mid ka mid ah askarta kumaandooska Faransiiska oo la dilay iyo hanjabaad lagu sheegay in la dilayo Dennis Allex.

1/25/2013 1:40 AM EST
Jimco, Jannaayo 25, 2013 (HOL) —Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in midnimada Soomaaliya ay tahay mid laga maarmaan ah oo howlaha horyaalla dowladda ay ka mid yihiin sidii midnimada ummaddan loo ilaalin lahaa.

1/25/2013 1:27 AM EST
Jimco, Jannaayo 25, 2013 (HOL) —Madaxweynaha Dowladda Soomaaliya, Xasan Sheekh Maxmauud ayaa sheegay in dowladdiisu ay ka hortagayso saddex qodob oo aad u fool xun, kuwaasoo uu sheegay inuu ka mid yahay kufsiga haweenka.

1/25/2013 1:05 AM EST
Jimco, Jannaayo 25, 2013 (HOL) —Mucaaradka Jabuuti ayaa sannadkan isku diyaarinaya ka qaybgalka doorashooyinka baarlamaanka ee dhici doona bisha Feberaayo ee sannadkan, kaddib markii is-bedel lagu sameeyay bishii November ee lasoo dhaafay nidaamka doorashada ee baarlamaanka Jabuuti kaasoo ahaa in kuraasta oo dhan ay buuxiyaan kooxdii hesha aqlabiyadda baarlamaanka, kaasoo ay mucaaradku kasoo horjeedeen.