2014-09-17
Today from Hiiraan Online:  _
Wararka Maanta- Khamiis, Jan 24, 2013
Xarkada Al-shabaab oo ku hanjabtay inay Qaarijinayso La-haystayaal Kenyan ah Haddii aan lasii dayn Maxaabiis ku xiran Kenya


Khamiis, Jannaayo 24, 2013 (HOL) —Xarakada Al-shabaab ayaa war ay soo saartay Arbacadii shalay ku sheegtay inay dilayso la haystayaasha Kenyanka ah ee ay gacanta ku hayso, haddi dowladd Kenya aysan xabsiyadeeda kasii dayn dhammaan dadka u xirxiran eedeymaha argagaxisonimada ee ku jira xabsiyadooda.


Al-shabaab oo wabixinteedan soo dhigtay barta Twitter-ka ay ku leedahay ayaa ku sheegtay in go’aankooda ay ku dhaqaaqi doonaan 14-ka bisha soo socota ee Feberaayo, haddii la fulin waayo dalabkooda.

“Haddii lasii dayn waayo dhammaan muslimiinta ku xirxiran dalka Kenya ee ku eedeysan argagaxisonimada waan ku dhaqaaqi doonnaa go’aankeenna,” ayaa lagu yiri warbixinta Al-shabaab.

Sidoo kale, waxay ugu baaqday Kenya inay ka fogaato in muslimiinta ku xiran xabsiyadeeda ay u wareejiso Uganda oo xarunteeda Kampala ay ka dhaceen bishii July ee sannadkii 2010 ay ka dhaceen qaraxyo waaweyn oo ay ku dhinteen ugu yaraan 74-qof oo ciyaaro daawanayay.

Xarakada Al-shabaab ayaa shaacisay cajalad muuqaal ah oo ay ugu magic-dartay fariintii ugu dambeysay, taasoo ay kasoo muuqdeen muuqaallada laba ruux iyo sawirrada afar kale oo ay ku sheegeen inay dhammaantood yihiin la-haystayaal Keyan ah.

Lixdan qof ee ay Al-shabaab sii daysay muuqaalladooda iyo sawirradooda ayay ku sheegtay inay isugu jiraan laba qof oo ahaa shaqaale xukuumadda Kenya u shaqeynayay iyo askar Kenyan ah oo ay ku qabsadeen gudaha Soomaalia.

“Haddii muddada loo qabtay ay dhammaanto, dhammaan kirishtaanka u dhashay dalka Kenya ee gacanteenna ku jira waan qaarijinaynaa,” ayay ku sheegtay Al-shabaab warbixinta ay soo dhigtay Twitter-ka.

Kenya ayaa sannadkii 2011 waxay ciiidammo fara badan u soo dirtay dalka Soomaaliya si ay ula dagaalamaan Al-shabaab oo ay ku eedeeyeen inay ka dambeeyeen qaraxyo iyo afduubyo ka dhacay gudaha dalkeeda.

Dowladda Kenya ayaan la ogeyn go’aanka ay ka qaadan doonto arrintaan, balse Kenya ayaa ku eedeysay Al-shabaab qaraxyo dhowr oo ay ku jiraan bambooyinka gacanta laga tuur oo ka dhacay Gaarisa iyo Nairobi inay ka dambeyso Al-shabaab.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-24 3:49 PM EST
Khamiis, January 24, 2013(HOL): Ururka Adal Unity & Development ee Gobolada Awdal/Selel Iyo Gabiley ayaa maanta deeq raashina soo gaadhsiiyay Dhakhtarka dhimirka Boorama, deeqdaas oo ahayd lacag dhan $550 oo Dollarka maraykanka ah, taasoo loogu badaly raashin dhan 34 Kiish oo Bariis ah oo ay kiishkiiba ku jiraan 25Kg.

2013-01-24 3:45 PM EST
Khamiis, January 24, 2013(HOL): Olole Nadaafadeed oo ay soo qaban-qaabiyeen fulinayeena dawladda Hoose ee degmada Laascaanood ayaa laga fuliyay Isbitaalka dhexe iyo qaybo kale oo ka mid ah degaannada dadka ka dhexeeya ee ku yaalla magaaladda Laascaanood ee xarunta Gobolka Sool.

2013-01-24 12:42 PM EST
Khamiis, Jannaayo 24, 2013 (HOL) — Saraakiisha dalka Kenya ayaa sheegay Khamiista maanta ah inaysan Al-shabaab kala xaajoon doonin la-haystayaal dalkeeda u dhashay oo ay Al-shabaab ku goodisay inay dili doonaan muddo saddex toddobaad gudahood ah, haddii aanay xukuumadda Kenya sii-dayn muslimiin ku eedeysan argagaxisonimo oo ku xir-xiran xabsiyada dalkaas.

2013-01-24 7:52 AM EST
Khamiis, Jannaayo 24, 2013 (HOL) — Ugu yaraan shan qof oo dhinacyadii dagaalamay ka tirsan ayaa ku dhintay dagaal xalay ciidamada dowladda Soomaaliya iyo Al-shabaab ku dhexmaray demada Jowhar ee xarunta gobolka Shabeellada Dhexe.

2013-01-24 7:25 AM EST
Khamiis, Jannaayo 24, 2013 (HOL) — Madaxweynaha Soomaaliya, Xasan Sheekh Maxamuud, ra’iisul wasaare Cabdi Faarax Shirdoon Saacid iyo xubno wasiirro ah ayaa ka qaybgalay maanta Khamiis ah xaflad ballaaran oo lagu soo dhaweynayay aqoonsigii Mareykanku siiyay dowladda Soomaaliya oo lagu qabtay hoteel ku yaalla Muqdisho.

2013-01-24 7:12 AM EST
Khamiis, Jannaayo 24, 2013 (HOL) —Laba askari oo ka mid h ciidamada dowladda Soomaaliya ayaa shalay lagu dilay degmada Afgooye ee gobolka Shabeellada Hoose sida ay saxaafadda u sheegeen saraakiisha ammaanka ee degmadaas, iyadoo mid kalena lagu dhaawacay isla weerarkaas.

2013-01-24 7:04 AM EST
Khamiis, Jannaayo 24, 2013 (HOL) — Saraakiisha ciidamada maamulka degmada Baladweyne iyo kuwa Jabuuti ee howlgalka midowgga Africa AMISOM ayaa tababar uga furay magaalada Baladweyne ilaa 1000 maleeshiyaad ah oo marka danbe la doonayo in ay ka mid noqdaan ciidamada maamulka dowladda ee gobollka Hiiraan.

2013-01-24 7:04 AM EST
Khamiis, Jannaayo 24, 2013 (HOL) — Magaalada Hargeysa ayaa maanta si weyn looga xusay dhalashadii Nebigeenii Maxamed (NNKHA) oo ku began taariikhdda Hijriyadda 12-ka Rabiicul Awal 1434.

2013-01-24 2:24 AM EST
Khamiis, Jannaayo 24, 2013 (HOL) — Dowladda federaalka Soomaaliya ayaa loogu baaqay inay si dhaqso ah kusii dayso wariye Cabdicasiis Cabdinuur Ibraahim iyo saddex qof oo kale kuwaasoo u xiran arrin la xiriirta haweeney sheegtay inay kufsi u geysteen ciidamada dowladda Soomaaliya.