3/28/2024
Today from Hiiraan Online:  _
Wararka Maanta- Arbaco, Jan 23, 2013
Maamul-Goboleedka Khaatumo oo ka hadlay Dagaal shalay Ciidamadooda iyo kuwa Somaliland ku dhexmaray Xuddun

Arbaco, Jannaayo 23, 2013 (HOL) — Maamulka Khaatumo ayaa ka hadlay dagaallo khasaare nafeed geystay oo shalay ka dhacay deegaanka Xuddun oo dhinaca waqooyi 83-km kaga beegan magaalada Laascaanood ee gobolka Sool, waxayna labada dhinac dagaalkaas ka sheegteen guulo.

Taliyaha milateriga Somaliland, Jeneraal Shaqalle ayaa sheegay in dagaalka ay kaga dhaawacmeen laba askari, dhinacoodana ay qabsadeen gaadiidka dagaalka iyo maxaabiis.

Balse Madaxweyne ku xigeenka maamulka Khaatumo, Axmed Cilmi Cismaan "Axmed Karaash" oo maanta la hadlay saxaafadda ayaa sheegay inay kaga dhaawacmeen dhankooda laba askari oo mid ka mid ah uu aad u liito, ayna u geysteen dhinaca Somaliland khasaare ballaaran.

Axmed Karaash ayaa mar wax laga weydiiyay maxaabiista ay maamulka Somaliland sheegeen inay hayaan ayaa wuxuu ku tilmaamay arrintaas in ciidamada Somaliland laayeen dad shacab ah oo joogay tuulada Gorofley oo Bafri kaga beegan labaatameeyo kiiloo-mitir kaga began magaalada Xuddun.

Waxaa kaloo uu sheegay inay ka kaxaysteen xoolo dhaqato deegaanka lagu dagaalamay ku sugnaa iyo gaadiid shacab watay.

Wararka kasoo baxaya deegaannadda dagaalladu ka dhaceen ayaa sheegay inuu jiro khasaare soo gaarey dadka deegaankaas ku noolaa oo reer baadiye ahaa; iyadoo warbaahinta lasoo xiriiray odayaal ku sugan tuulada Gorofley oo ka cabanayay ciidamadda Somaliland.

Faarax Ducaale Saalax oo odayada deegaankaas afkooda ku hadlayay ayaa wuxuu sheegay in ciidamada Somaliland ay soo galeen magaalada isla markaana ay rasaas la dhaceen dadkii halkaas ku sugnaa iyagoon u kala aabbo yeelin.

Sidoo kale, Faarax wuxuu sheegay inay dhinteen laba nin qaarna la kexeystay isla markaana laba baabuur oo mid qaadka keeni jiray ay tuulada ka kaxaysteen.

Khasaaraha soo gaaray dadka reer guuraaga ah ayaa intaas laga badinayaan iyadoo ay jiraan reero weli ku godoonsan meelaha lagu hardamayo ee u dhexeeya labada ciidan, iyadoo ay dad ku sugan dhulkii shalay dagaalladu saameeyeen ay sheegayaan dad mayd ah oo duurka yaalla aysanna garanayn cid ay yihiin.

Si kataba ha ahaatee, lama saadaalin karo dagaallada oo saameyn weyn ku yeeshay bulsho aad u tiro badan xilliga uu soo gaba-gabaysmi doono iyadoo marba marka ka dambaysana ay sii kordhayaan ciidamada lagu soo daad-guraynayo degmadaas.

Saynab Cabdi Warsame, Hiiraan Online
[email protected]
Laascaanood, Gobolka Sool













Click here
1/23/2013 2:28 PM EST
Arbaco, January 23, 2013(HOL): Ciyaar aad u xiiso badneyd oo ay Xulalka Kubbadda Kolayga Soomaaliya iyo Burundi isaga horyimaadeen ayaa gunaanadkeedii waxay natiijadu noqotay 98—80 dhibcood, taasi oo uu ku badiyay xulka qaranka Kubadda Kolayga Soomaaliya.

1/23/2013 1:16 PM EST
Arbaco, Jannaayo 23, 2013 (HOL) —Dowladda Soomaaliya iyo hay’adaha deeqaha bixiya ayaa ku heshiiyay in la sameeyo hay’ad la socota deeqaha la siiyo dowladda Soomaaliya, kaddib markii uu kulan madaxweynaha Somalia, Xasan Sheekh Maxamuud iyo safiirro ka socda dalalka deeq-bixiyeyaasha ah ku dhexmaray garoonka diyaaradaha ee Muqdisho.

1/23/2013 1:15 PM EST
Arbaco, Jannaayo 23, 2013 (HOL) — Wafdigii wasiirrada ahaa ee Somaliland oo ku sugnaa degmada Saylac ee gobolka Selel ayaa maanta u ambabaxay dalka Jabuuti oo lagu tuhunsan yahay inay ka dhaqaaqi la’ayd arrinta Saylac ee laba wajiilaha noqotay waxayna socdaal dhulka ah kaga gudbeen wafdiga magaalada Lawya-caddo ee ku tuulla xuduudka kala qaybiya maamulka Somaliland iyo Jabuuti.

1/23/2013 11:49 AM EST
Arbaco, Jannaayo 23, 2013 (HOL) — Danjiraha Kenya ay u soo magacowday Soomaaliya, Josphat Maikara ayaa maanta soo gaaray magaalada Muqdisho ee xarunta Soomaaliya, isagoo warqadihiisa danjirenimo ku wareejiyay madaxweynaha Soomaaliya.

1/23/2013 6:56 AM EST
Arbaco, Jannaayo 23, 2013 (HOL) — Xildhibaanno ka mid ah guddi hoosaadka ilaalinta hantidda Qaranka ee golaha Wakiiladda Somaliland ayaa guddigaas iska casiley, isla markaana shir-gudoonka ku eedeeyey inay soo farog-eliyeen howlihii ay Qaranka u hayeen.

1/23/2013 6:47 AM EST
Arbaco, Jannaayo 23, 2013 (HOL) — Wafdi uu horkacayay madaxweynaha Puntland oo maalmihii lasoo dhaafay booqasho ku joogey dalka Jabuuti ayaa maanta dalka dib ugu soo laabtay, waxayna kasoo degeen garoonka diyaaradaha ee magaalada Boosaaso.

1/23/2013 6:46 AM EST
Arbaco, Jannaayo 23, 2013 (HOL) — Xubno ka tirsan urur-siyaasadeedka Horseed ayaa gelinkii danbe ee shalay xarunta gobolka Bari ee Boosaaso kulan kula qaatay, in ka badan boqol dhalinyaro ah oo ka kala socdey ururada bulshada iyo ardayda jaamacadaha.

1/23/2013 3:36 AM EST
Arbaco, Jannaayo 23, 2013 (HOL) — Ciidanka Milatariga Somaliland iyo ciidamadda khaatumo ayaa shalay galab dagaal muddo kooban socday iskaga hor yimid duleedka degmadda Xudun ee gobolka Sool.

1/23/2013 3:26 AM EST
Arbaco, Jannaayo 23, 2013 (HOL) — Wasiirka wasaaradda Khayraadka dalka ee xukuumadda Soomaaliya, C/risaaq Cumar Maxamed ayaa uga qaybgalay dalka Turkiga shir looga hadlayay deegaanka, isagoo halkaas ka jeediyay khudbad dhinacyo badan taabanaysa.

1/23/2013 12:22 AM EST
Arbaco, Jannaayo 23, 2013 (HOL) — Madaxweynaha Soomaaliya iyo wafdi uu hoggaaminayo ayaa saakay aroortii hore kusoo laabtay Muqdisho, kaddib booqasho qaaday in ka badan hal toddobaad oo uu ku tagay Mareykanka iyo Sucuudi Carabiya oo uu kaga qaybgalay shir looga hadlayay horumarinta iyo kobcinta dhaqaalaha dalalka Carabta.

1/22/2013 11:57 PM EST
Arbaco, Jannaayo 23, 2013 (HOL) — Wararka laga helayo degmada Saylac ayaa sheegaya in wafdiga wasiirrada ka kooban ee ka socda Somailland ay shaaca ka qaadeen in arrinta ka aloosan degmada Saylac ay faraha kula jirto dowladda Jabuuti.

1/22/2013 11:31 PM EST
Arbaco, Jannaayo 23, 2013 (HOL) — Dagaal xooggan ayaa ciidamada maamullada Somaliland iyo Khaatumo ku dhexmaray shalay gellinkii dambe Bariga deegaanka Xudun oo 83-km dhinaca waqooyi ka xiga magaalada Laas-caanood ee xarunta gobolka Sool.