3/18/2024
Today from Hiiraan Online:  _
Wararka Maanta- Isniin, Jan 21, 2013
Xukuumadda Siilaanyo oo Degmada Saylac u dirtay Wafdi ka kooban Wasiirro iyo Guddoomiyaha Xisbiga Kulmiye

Isniin, Jannaayo 21, 2013 (HOL) —Xukuumadda Somaliland ayaa maalintii shalay ahayd ku xoojisay wafdi uu hoggaaminayo wasiirka arrimaha gudaha, Maxamed Carraale Duur ku xoojisay laba wasiir iyo guddoomiyaha xisbiga talada haya ee Kulmiye, iyadoo xukuumaddu ay wafdigan u dhiibtay fariin ka duwan fariintii ay beesha Ciise ka diidday wasiirka arrimaha gudaha.

Wasiiradda ay xukuumaddu u dirtay waxay kala yihiin: wasiirka warfaafinta Somaliland, Abiib Diiriye Nuur (Tima-cad) , wasiirka gaashaandhigga, Axmed Xaaji Cali Cadami, iyo guddoomiyaah xisbiga Kulmiye, Muuse Biixi Cabdi.

Lama garanayo farriinta ay qaadeen waxay tahay hase yeeshee waxaa jira warar sheegaya in fariintan ay ka culus tahay kii ay xukuumaddu markii hore u dhiibtay, balse lama oga go’aanka kasoo bixi doona beesha Ciise.

Ilo wareedyo ayaa sheegaya in qodobbadii ay beesha Ciise ka diiday wasiirka arrimaha gudaha ay iska arkeen madaxweynaha iyo madaxweyne ku xigeenka Somaliland, iyagoo habeen hore go’aamiyay qorshe kale oo uga sad-roon Beesha Ciise intii ay diideen.

Si kasta ha ahaatee, waftigan ayaa gellinkii dambe ee shalay waxau si nabadi ay ku jirto ku gaareen magaalada Saylac, iyagoo markiiba billaabay wadatashi ay la yeelanayaan wafdigii uu hoggaaminayay wasiirka arrimaha gudaha Soomaliland.

Mas’uuliyiintii beesha Ciise ee xilkoodii gabay oo ee u tartamay degmada Saylac ayaa iyaguna shir jaraa’id ku qabtay magaalada Saylac iyagoo ku sheegay in beeshooda Ciise ay tahay Qaran balse aysan ahayn qabiil taasoo cadeyneysa makhraati madoona ka dhigaysa sida ay weli beeshaan u diiddan tahay nabadda; waxayna tani dhabar-jab weyn ku noqonaysaa xukuumada Siilaanyo ay xal u raadinayso go’aan beeleed.

Degmada Saylac waxay ka mid ahayd degmooyinkii ay ka dhaceen dibad-baxyadii ugu darnaa ee ka dhashay doorashooyinkii lagu murmay ee goalayaasha deegaanka oo bishii November ee sannadkii hore ka dhacay guud ahaan Somaliland.

Khadra Xasan Maax, Hiiraan Online
[email protected]
Boorame, Somaliland













Click here
1/21/2013 11:51 AM EST
Isniin, Jannaayo 21, 2013 (HOL) — Madaxweynaha maamul-goboleedka Khaatumo, Maxamed Jaamac Yuusuf (Indha-sheel) ayaa shir jaraa`id oo uu maanta ku qabtay magaalada Buuhoodle wuxuu ku taageeray aqoonsiga buuxa ee dowladda Mareykanku ay siisay dowladda federaalka Soomaaliya.

1/21/2013 11:35 AM EST
Isniin, Jannaayo 21, 2013 (HOL) —Golaha wasiiradda dowladda Soomaaliya ayaa maanta shir ay isugu yimaadeen waxay uga hadleen dhowr qodob oo ay ka mid yihiin: maamul u sameynta gobollada, xaslinta dalka iyo sidii loo soo celin lahaa dhulka iyo hantida dowladda ee gacanta ugu jira shacabka.

1/21/2013 11:10 AM EST
Isniin, Jannaayo 21, 2013 (HOL) — Madaxweyne ku xigeenka Somaliland, Cabdiraxmaan Cabdilaahi Ismaaciil (Saylici), ayaa ka qaybgalay wejigii labaad ee mashruuc lagu horumarinayo dawladaha hoose ee degmooyinka Somaliland, kuwaas oo socday shantii sanno ee hore.

1/21/2013 8:50 AM EST
Isniin, Jannaayo, 21, 2013 (HOL) -- Wafdi ka tirsan hay’addaha samafalka QM ayaa maanta booqasho ku tagay magaalada Baladweyne, kuwaasoo kala hadllay mas’uuliyiinta maamulka gobollka xaaladaha amniga magaalada.

1/21/2013 8:43 AM EST
Isniin, Jannaayo, 21, 2013 (HOL) -- Jaamacada Plasma oo ka mid ah Jaamacadaha ugu waaweyn ee ka dhisan dalka Soomaaliya ayaa faraceeda magaalada Baladweyne waxaa maanta Imtixaan u fariisatay in ka badan 100 arday ah.

1/21/2013 7:33 AM EST
Isniin, Jannaayo 21, 2013 (HOL) — Golaha Wakiiladda ayaa loo qaybiyey xeerka takaalifta madaaradda oo si weyn uga qayliyeen xildhibaanadda golaha Wakiiladda.

1/21/2013 7:24 AM EST
Isniin, Jannaayo 21, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta boqolaal ruux kala qaybgalay banaanbax ballaaran oo ay ku taageerayeen go’aankii dowladda Mareykanka ay ku aqoonsatay dowladnimada Soomaaliya muddo laga joogo 22-sano.

1/21/2013 3:16 AM EST
Isniin, Jannaayo 21, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo dhawaanahan safar ku joogay dalka Mareykanka ayaa xalay gaaray magaalada Riyaadh ee dalka Saudi Arabia, halkaasoo madaxweynuhu uu uga qaybgeli doono shir looga hadlayo dhaqaalaha dalalka Carabta.

1/21/2013 2:42 AM EST
Isniin, Jannaayo 21, 2013 (HOL) — Madaxweynaha Puntland, Cabdiraxmaan Maxamed (Faroole) iyo wefdi uu horkacayo oo maalntii 5aad booqasho ku jooga dalka Jabuuti ayaa la kulmay madaxweynaha dalkaas Ismaaciil Cumar Geelle iyo mas’uuliyiin kale oo ka tirsan madaxda Jabuuti.

1/21/2013 2:42 AM EST
Isniin, Jannaayo 21, 2013 (HOL) — Qaar ka mid ah haweenka kasoo jeeda gobollada Awdal, Selel iyo Gabiley ee ku noool magaalada Ottowa ee dalka Kanada ayaa deeq lacageed oo gaaraysa $2,260 doollar soo gaarsiiyay dadkii ku waxyeeloobay bannanbaxyadii ka kala dhacay degmooyinka Saylac, Boorama Iyo Lughaya.

1/20/2013 11:56 PM EST
Isniin, Jannaayo 21, 2013 (HOL) — Maamulka Puntland ayaa si weyn u soo dhaweeyay aqoonsigii ay dowladda Mareykanku siisay dowladda Soomaaliya, iyagoo ku tilmaamay aqoonsigan mid horay u sii riixi kara xiriirka ka dhexeeya Soomaaliya iyo Mareykanka.

1/20/2013 11:55 PM EST
Isniin, Jannaayo 21, 2013 (HOL) — Wasiirka arrimaha gudaha Somaliland, Maxamed Nuur Carraale (Duur) ayaa ictiraafay uu Mareykanku siiyay dowladda Soomaaliya ku tilmaamay dharbaaxo indhaha looga riday Somaliland, waxaanu Mareykanka ugu baaqay inuu qiimeeyo Somaliland iyo maamul-goboleedyada kale oo nabad kusoo dabbaalay deegaannadooda intii ay Koonfurta Soomaaliya qasnayd.