3/19/2024
Today from Hiiraan Online:  _
Wararka Maanta- Isniin, Jan 21, 2013
Ra’iisal Wasaaraha Soomaaliya oo boqollaal qof kala qeyb-galay bannaanbax lagu taageerayo Go’aankii Dowladda Mareykanka



Isniin, Jannaayo 21, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta boqolaal ruux kala qaybgalay banaanbax ballaaran oo ay ku taageerayeen go’aankii dowladda Mareykanka ay ku aqoonsatay dowladnimada Soomaaliya muddo laga joogo 22-sano.

Bannaanbaxan oo uu soo qabanqaabiyay maamulka gobolka Banaadir, ayaa ka dhacay barxad weyn oo ku dhow madxtooyada Soomaaliya, waxaana halkaa ka hadlay mas’uuliyiinta maamulka gobolka Banaadir, wasiirka arrimaha gudaha iyo ra’iisul wasaaraha Soomaaliya.

Dadweynihii kasoo qaybgalay dibadbaxa ayaa watay boorar iyo sawirro ka tarjumaya soo dhaweynta go’aankii dowladda Mareykanka ay ku gaartay inay ku aqoonsato dowladda federaalka Soomaaliya, taasoo ah middii ugu horreysay oo dalka ka dhalata tan iyo burburkii dowladdii dhexe ee dalka.

“Waxaan ku faraxsannahay go’aanka taariikhiga ah ee dowladda Maraykanka ay ku gaartay inay ku aqoonsato dowladda Soomaaliya, idinkuna waad ku mahadsan tihiin taageerada aad muujinaysaan; idinkoo taagan cadceed aad u kulul,” ayuu yiri ra’iisul wasaare Saacid.

Ra’iisal wasaaraha ayaa sidoo kale, sheegay in isagoo wakiil ka ah shacabka Soomaaliyeed uu soo dhaweynayo go’aankii dowladda Mareykanka ee ay dib ugu aqoonsatay dowladnimada Soomaaliyeed.

“Waxaan rabaa inaan munaasabadan si gaar ah ugu xuso aqoonsiga ay dowladda Mareykanka siisay dowladda Soomaaliyeed 22-sano kadib. Mareykanka iyo dadkeedaba waan uga mahad-celinaynaa tallaabadan ay ku garab-istaagtay dowladnimada Soomaaliya, waxayna timid waqti xasaasi ah oo aanu u baahneyn, waana saaxiibo na-garab-istaagay, caalamka kalena gaarsiiya dadaalkeena ayaanu leenahay,” ayuu yiri ra’iisul wasaare Saacid oo xusay in go’aankani uu ku yimid dhiiranaan, wadajir iyo midnimada ay muujiyeen dowladda Soomaaliyeed qaybahooda kala duwan iyo dowladda.

Ra’iisal Wasaaraha ayaa carabka ku adkeeyey in talaabadani ay ku timid qiimeyn baaxadda leh oo ay dowladda Mareykanku ku sameysay horumarka siyaasadeed iyo isku duubnida dowladda iyo shacabka Soomaaliyeed.

“Waxaanu sameysanay muddo gaaban gudaheeda, dastuur, baarlamaan kooban, iyo isbedel ay ku yimaadeen baalamaan iyo hoggaankiisa, madaxweyne iyo ra’iisul wasaaraha, dhamaan tallaabooyinkaas waxay muujiyeen in Soomaalida ay ka go’an tahay inay horay u socdaan,” ayuu Saacid hadalkiisa raaciyay.

Dhanka kale, ra’iisal wasaaraha xukuummada Soomaaliya ayaa ka hadlay ololaha nadaafada ee gobolada dalka, isagoo sheegay in golaha wasiirradu ay go’aamiyeen in la billaabi doono 27-ka illaa 31-ka bishan Janaayo ololaha nadaafadda degmooynka gobolka Banaadir, isagoo ballanqaaday in lagu abaalmarin doono lacag dhan 15-kun oo doollar, degmadii kaalinta labaad gashana waxaa lasii doonaa 10-kun oo doollar, halka middii gasha kaalinta saddexaadna lagu abaal marin doono shan kun oo doollar.

Ugu danbayntii, ra’iisul wasaaraha ayaa u mahad-celiyey, maamulka gobolka Banaadir oo soo qaban-qaabiyay isku soo baxaan, fanaaniinta, suxufiyiinta, barbaarta gaashaaman, ciidanka baambayda iyo ciidamada kala duwan ee sugayey amniga.










Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/21/2013 11:51 AM EST
Isniin, Jannaayo 21, 2013 (HOL) — Madaxweynaha maamul-goboleedka Khaatumo, Maxamed Jaamac Yuusuf (Indha-sheel) ayaa shir jaraa`id oo uu maanta ku qabtay magaalada Buuhoodle wuxuu ku taageeray aqoonsiga buuxa ee dowladda Mareykanku ay siisay dowladda federaalka Soomaaliya.

1/21/2013 11:35 AM EST
Isniin, Jannaayo 21, 2013 (HOL) —Golaha wasiiradda dowladda Soomaaliya ayaa maanta shir ay isugu yimaadeen waxay uga hadleen dhowr qodob oo ay ka mid yihiin: maamul u sameynta gobollada, xaslinta dalka iyo sidii loo soo celin lahaa dhulka iyo hantida dowladda ee gacanta ugu jira shacabka.

1/21/2013 11:33 AM EST
Isniin, Jannaayo 21, 2013 (HOL) —Xukuumadda Somaliland ayaa maalintii shalay ahayd ku xoojisay wafdi uu hoggaaminayo wasiirka arrimaha gudaha, Maxamed Carraale Duur ku xoojisay laba wasiir iyo guddoomiyaha xisbiga talada haya ee Kulmiye, iyadoo xukuumaddu ay wafdigan u dhiibtay fariin ka duwan fariintii ay beesha Ciise ka diidday wasiirka arrimaha gudaha.

1/21/2013 11:10 AM EST
Isniin, Jannaayo 21, 2013 (HOL) — Madaxweyne ku xigeenka Somaliland, Cabdiraxmaan Cabdilaahi Ismaaciil (Saylici), ayaa ka qaybgalay wejigii labaad ee mashruuc lagu horumarinayo dawladaha hoose ee degmooyinka Somaliland, kuwaas oo socday shantii sanno ee hore.

1/21/2013 8:50 AM EST
Isniin, Jannaayo, 21, 2013 (HOL) -- Wafdi ka tirsan hay’addaha samafalka QM ayaa maanta booqasho ku tagay magaalada Baladweyne, kuwaasoo kala hadllay mas’uuliyiinta maamulka gobollka xaaladaha amniga magaalada.

1/21/2013 8:43 AM EST
Isniin, Jannaayo, 21, 2013 (HOL) -- Jaamacada Plasma oo ka mid ah Jaamacadaha ugu waaweyn ee ka dhisan dalka Soomaaliya ayaa faraceeda magaalada Baladweyne waxaa maanta Imtixaan u fariisatay in ka badan 100 arday ah.

1/21/2013 7:33 AM EST
Isniin, Jannaayo 21, 2013 (HOL) — Golaha Wakiiladda ayaa loo qaybiyey xeerka takaalifta madaaradda oo si weyn uga qayliyeen xildhibaanadda golaha Wakiiladda.

1/21/2013 3:16 AM EST
Isniin, Jannaayo 21, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo dhawaanahan safar ku joogay dalka Mareykanka ayaa xalay gaaray magaalada Riyaadh ee dalka Saudi Arabia, halkaasoo madaxweynuhu uu uga qaybgeli doono shir looga hadlayo dhaqaalaha dalalka Carabta.

1/21/2013 2:42 AM EST
Isniin, Jannaayo 21, 2013 (HOL) — Madaxweynaha Puntland, Cabdiraxmaan Maxamed (Faroole) iyo wefdi uu horkacayo oo maalntii 5aad booqasho ku jooga dalka Jabuuti ayaa la kulmay madaxweynaha dalkaas Ismaaciil Cumar Geelle iyo mas’uuliyiin kale oo ka tirsan madaxda Jabuuti.

1/21/2013 2:42 AM EST
Isniin, Jannaayo 21, 2013 (HOL) — Qaar ka mid ah haweenka kasoo jeeda gobollada Awdal, Selel iyo Gabiley ee ku noool magaalada Ottowa ee dalka Kanada ayaa deeq lacageed oo gaaraysa $2,260 doollar soo gaarsiiyay dadkii ku waxyeeloobay bannanbaxyadii ka kala dhacay degmooyinka Saylac, Boorama Iyo Lughaya.

1/20/2013 11:56 PM EST
Isniin, Jannaayo 21, 2013 (HOL) — Maamulka Puntland ayaa si weyn u soo dhaweeyay aqoonsigii ay dowladda Mareykanku siisay dowladda Soomaaliya, iyagoo ku tilmaamay aqoonsigan mid horay u sii riixi kara xiriirka ka dhexeeya Soomaaliya iyo Mareykanka.

1/20/2013 11:55 PM EST
Isniin, Jannaayo 21, 2013 (HOL) — Wasiirka arrimaha gudaha Somaliland, Maxamed Nuur Carraale (Duur) ayaa ictiraafay uu Mareykanku siiyay dowladda Soomaaliya ku tilmaamay dharbaaxo indhaha looga riday Somaliland, waxaanu Mareykanka ugu baaqay inuu qiimeeyo Somaliland iyo maamul-goboleedyada kale oo nabad kusoo dabbaalay deegaannadooda intii ay Koonfurta Soomaaliya qasnayd.