2014-09-30
Today from Hiiraan Online:  _
Wararka Maanta- Sabti, Jan 19, 2013
Maxkamad ku Taalla dalka Yemen oo Xukunno ku ridday dhallinyaro Soomaali ah oo lagu helay falal burcadbadeednimo


Sabti, Jannaayo 19, 2013 (HOL) — Maxkamad ku taalla Koonfurta dalka Yemen ayaa maanta oo Sabti ah ku xukuntay saddex ruux oo Soomaali ah min 10-sano oo xabsi ah, kaddib markii lagu helay inay afduubeen gacanka Cadan ka afduubeen dooni ganacsi.

Wakaaladda wararka ee dalka Yemen SABA ayaa waxay maanta shaacisay in dhallinyaradan Soomaaliyeed lasoo qabtay sannadkii 2011, markaasoo lagu eedeeyay inay afduubeen doonni Kalluumeysi iyo dooni dalxiis iyagoo adeegsanaya doonni dalka Yemen laga leeyahay.

Garsooraha maxkamadda ayaa sidoo kale ku xukumay dhallinyadan inay bixiyaan 750,000 oo riyaal oo u dhiganta 3,492 doollar oo lagu sheegay lacagtii uu Kalluumeysiga ka heli lahaa doonida ay afduubka ku geysteen muddadii ay afduubka ku haysteen.

Burcadbadeed aad u hubeysan oo isticmaalaya doomo dheereeya ayaa ka howlgalayay gacanka Cadan sannadihii lasoo dhaafay, iyagoo gacanta ku haya tan iyo I nta ay dowladaha iska leh iyo shirkadaha ay ka qaadanayaan lacago fara badan oo madaxfurasho ah.

Laakiinse falalka burcadbadeednimo ayaa hoos u dhacay tan iyo markii ay ciidammo ka socda dalalka galbeedku howgallo lagula dagaalamayo burcad-badeedda ay ka billaabeen biyaha Soomaaliya iyo kuwa caalamiga ah ee ku dhow.

Ma ahan markii ugu horreysay oo dalka Yemen lagu xukumo dhallinyaro loo haysto falal burcadbadeednimo, balse waxaa xabsiyada dalkaas gaar ahaan kuwa ku yaalla gobollada Koonfurta ku jira dhallinyaro Soomaaliyeed oo qaarkood uu xabsigoodu marayo sannadkii shanaad.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-19 12:10 PM EST
Sabti, Jannaayo 19, 2013 (HOL) — Ciidammo booliis ah oo tiradooda ay gaarayso 160-askari booliis ah ayaa wuxuu tababar uga furmay maanta oo Sabti ah xarunta gobolka Galguduud ee Dhuusamarreeb, tababarkaas oo socon doona muddo hal toddobaad ah.

2013-01-19 7:53 AM EST
Sabti, Jannaayo 19, 2013 (HOL) — Cabsi weyn ayaa saqdii dhexe ee xalay soo wajahay magaalada Laascaanood ee xarunta gobolka Sool kaddib markii duleedka Koonfur-barri degmadaas uu dagaal xoogan oo muddo kooban ku dhexmaray ciidamada Somaliland oo halkaas fariisin ku lahaa iyo ciidammo taabacsan maamulka Khaatumo.

2013-01-19 7:40 AM EST
Sabti, Jannaayo 19, 2013 (HOL) — Ra’iisul wasaaraha Soomaaliya, Cabdi Faraax Shirdoon (Saacid) oo shir jaraa’id ku qabtay Muqdisho ayaa soo dhaweeyay aqoonsiga ay dowladda Mareykanka aqoonsatay dowladda Soomaaliya, isagoo sidoo kale ka hadlay dil shalay loogu geystay Muqdisho wariye iyo sidoo kale wariye kale oo xiran.

2013-01-19 7:21 AM EST
Sabti, Jannaayo 19, 2013 (HOL) —Boqollaal qoys oo dhawaan ka barakacay dagaallo iyo duqeymo jaziiradda Kudhaa ee gobolka jubada hoose ku dhexmaray xoogagga Al-shabaab iyo ciidamada Kenya ayaa lagu soo waramayaa in ay ku dhibaateeysanyihiin deegaano ku dhow-dhow Jaziiradaasi.

2013-01-19 7:15 AM EST
Sabti, Jannaayo 19, 2013 (HOL) — Ciidamada dowladda Soomaaliya iyo kuwa AMISOM ayaa maanta howgallo lagu soo qabqabtay boqolaal qof ka sameeyay degmooyinka Wadajir iyo Dharkeynley ee gobolka Banaadir. Iyadoo sidoo kale uu dowladda Soomaaliya isku soo dhiibay sarkaalkii amaanka degmada Jowhar ee Al-shabaab.

2013-01-19 2:47 AM EST
Sabti, Jannaayo 19, 2013 (HOL) — Madaxweynaha Soomaaliya, Xasan Sheekh Maxamuud oo booqasho ku jooga dalka Mareykanka ayaa xalay kula hadlay magaalada Minneapolis ee gobolka Minnesota dadweyne Soomaaliyeed oo tiradoodu ahayd 5,000 oo qof.

2013-01-19 2:45 AM EST
Sabti, Jannaayo 19, 2013 (HOL) — Shirkadda Isgaarsiinta ee Golis ayaa Isbitaalka weyn ee magaalada Boosaaso ku wareejisey qaboojiye loogu tala galay in dadka meydka ah la geliyo.

2013-01-19 1:59 AM EST
Sabti, Jannaayo 19, 2013 (HOL) —Dagaal culus oo u dhexeeya ciidamada dowladda Soomaaliya oo kaashanaya kuwa Raaskaambooni iyo xoogagga al-shabaab ayaa xalay ka dhacay degmada Afmadow ee gobolka jubada hoose.

2013-01-19 12:02 AM EST
Sabti, Jannaayo 19, 2013 (HOL) — Qaramada Midoobay ayaa cambaareyn dusha uga tuurtay dhibaatooyinka loo geysto haweenka oo ay ka mid yihiin kufsiga iyo guurka khasabka ah ee lagula kaco haweenka Soomaalida, iyadoo la sheegay in qofkii dambigaas lagu helo loo gudubin doono maxkamadda caalamiga ah si loogu ciqaabo dhibaatadii uu haweenka Soomaaliyeed u geystay.

2013-01-19 12:00 AM EST
Sabti, Jannaayo 19, 2013 (HOL) —Wasiirka arrimaha gudaha Somaliland, Maxamed Nuur Carraale (Duur) ayaa la filayo inuu maanta uu soo xiro wada-hadal afarta maalmood qaatay oo uu ku joogo degmadda Saylac ee gobolka Salal kaddib markii lagu heshiin waayay doorashooyinkii golayaasha deegaanka ee halkaas ka dhashay sannadkii hore.