2014-10-22
Today from Hiiraan Online:  _
Wararka Maanta- Sabti, Jan 19, 2013
Iskahorimaad muddo socday oo Ciidamada Somaliland iyo kuwa Khaatumo ku dhexmaray Duleedka Laascaanood


Sabti, Jannaayo 19, 2013 (HOL) — Cabsi weyn ayaa saqdii dhexe ee xalay soo wajahay magaalada Laascaanood ee xarunta gobolka Sool kaddib markii duleedka Koonfur-barri degmadaas uu dagaal xoogan oo muddo kooban ku dhexmaray ciidamada Somaliland oo halkaas fariisin ku lahaa iyo ciidammo taabacsan maamulka Khaatumo.

Saddexdii oo rubuc dhiman ayay ahayd markii hugunka rasaasta waa-weyn iyo tan yar-yar ay soo kiciyeen dadkii jiifay iyadoo meel kasta uu buux iyo sawaxan hareerayay, inkastoo aan wax dhacaya la garanayn haddana waxaa jirtay cabsi weyn oo ay dadku ka qabeen inay isku dhacyo dhacaan.

Illaa hadda ma jirto wax khasaare ah oo toos loo sheegi karo oo dagaalku uu sababay, balse sarkaal ka tirsan ciidamada Somaliland ayaa HOL u sheegay inaanu wax khasaare ah labadda dhinac soo gaarin, laakiinse wararka hoose ee la helayo ayaa sheegaya in saddex gaadiidka deg-degga ah ee loo yaqaan aambalaasta ay u gudbeen dhinaca magaalada Burco.

Weerarkan gaadmada ah oo noqday mid ay fishaan ciidamada Somaliland ka ka tirsan ee jooga deegaannada gobolka Sool tan iyo billowgii bishan ayaa waxaa dhacay iskahorimaadyo khasaare dhimasho iyo dhaawac ah geystay kaddib markii weerar lagu qaaday degmada Xudur habeen ka ho, sidoo kale afar habeen ka hor ayaa iyadana la weeraray tuulada Ganbadhe oo 30-km ka xigta degmada Laas-caanood dhinaca bariga.

Walaac weyn ayaa kusoo wajahan dad badan oo awal nabad ku deggenaa; kuwaasoo si aad ah uga cabsi qaba inay ku waxyeelloobaan duulaan labada ciidan ku dhexmara Xudun oo ay kumannaan ciidan ah isku horfadhiyaan masaafo ka yar 5-km.

Seynab Cabdi Warsame
Xidigtiidhiciweydey@hotmail.com
Laascaanood, Gobolka Sool





Post your comments

2013-01-19 12:10 PM EST
Sabti, Jannaayo 19, 2013 (HOL) — Ciidammo booliis ah oo tiradooda ay gaarayso 160-askari booliis ah ayaa wuxuu tababar uga furmay maanta oo Sabti ah xarunta gobolka Galguduud ee Dhuusamarreeb, tababarkaas oo socon doona muddo hal toddobaad ah.

2013-01-19 12:09 PM EST
Sabti, Jannaayo 19, 2013 (HOL) — Maxkamad ku taalla Koonfurta dalka Yemen ayaa maanta oo Sabti ah ku xukuntay saddex ruux oo Soomaali ah min 10-sano oo xabsi ah, kaddib markii lagu helay inay afduubeen gacanka Cadan ka afduubeen dooni ganacsi.

2013-01-19 7:40 AM EST
Sabti, Jannaayo 19, 2013 (HOL) — Ra’iisul wasaaraha Soomaaliya, Cabdi Faraax Shirdoon (Saacid) oo shir jaraa’id ku qabtay Muqdisho ayaa soo dhaweeyay aqoonsiga ay dowladda Mareykanka aqoonsatay dowladda Soomaaliya, isagoo sidoo kale ka hadlay dil shalay loogu geystay Muqdisho wariye iyo sidoo kale wariye kale oo xiran.

2013-01-19 7:21 AM EST
Sabti, Jannaayo 19, 2013 (HOL) —Boqollaal qoys oo dhawaan ka barakacay dagaallo iyo duqeymo jaziiradda Kudhaa ee gobolka jubada hoose ku dhexmaray xoogagga Al-shabaab iyo ciidamada Kenya ayaa lagu soo waramayaa in ay ku dhibaateeysanyihiin deegaano ku dhow-dhow Jaziiradaasi.

2013-01-19 7:15 AM EST
Sabti, Jannaayo 19, 2013 (HOL) — Ciidamada dowladda Soomaaliya iyo kuwa AMISOM ayaa maanta howgallo lagu soo qabqabtay boqolaal qof ka sameeyay degmooyinka Wadajir iyo Dharkeynley ee gobolka Banaadir. Iyadoo sidoo kale uu dowladda Soomaaliya isku soo dhiibay sarkaalkii amaanka degmada Jowhar ee Al-shabaab.

2013-01-19 2:47 AM EST
Sabti, Jannaayo 19, 2013 (HOL) — Madaxweynaha Soomaaliya, Xasan Sheekh Maxamuud oo booqasho ku jooga dalka Mareykanka ayaa xalay kula hadlay magaalada Minneapolis ee gobolka Minnesota dadweyne Soomaaliyeed oo tiradoodu ahayd 5,000 oo qof.

2013-01-19 2:45 AM EST
Sabti, Jannaayo 19, 2013 (HOL) — Shirkadda Isgaarsiinta ee Golis ayaa Isbitaalka weyn ee magaalada Boosaaso ku wareejisey qaboojiye loogu tala galay in dadka meydka ah la geliyo.

2013-01-19 1:59 AM EST
Sabti, Jannaayo 19, 2013 (HOL) —Dagaal culus oo u dhexeeya ciidamada dowladda Soomaaliya oo kaashanaya kuwa Raaskaambooni iyo xoogagga al-shabaab ayaa xalay ka dhacay degmada Afmadow ee gobolka jubada hoose.

2013-01-19 12:02 AM EST
Sabti, Jannaayo 19, 2013 (HOL) — Qaramada Midoobay ayaa cambaareyn dusha uga tuurtay dhibaatooyinka loo geysto haweenka oo ay ka mid yihiin kufsiga iyo guurka khasabka ah ee lagula kaco haweenka Soomaalida, iyadoo la sheegay in qofkii dambigaas lagu helo loo gudubin doono maxkamadda caalamiga ah si loogu ciqaabo dhibaatadii uu haweenka Soomaaliyeed u geystay.

2013-01-19 12:00 AM EST
Sabti, Jannaayo 19, 2013 (HOL) —Wasiirka arrimaha gudaha Somaliland, Maxamed Nuur Carraale (Duur) ayaa la filayo inuu maanta uu soo xiro wada-hadal afarta maalmood qaatay oo uu ku joogo degmadda Saylac ee gobolka Salal kaddib markii lagu heshiin waayay doorashooyinkii golayaasha deegaanka ee halkaas ka dhashay sannadkii hore.