2014-10-31
Today from Hiiraan Online:  _
Wararka Maanta- Sabti, Jan 19, 2013
Qoysas ka Barakacay Jaziiradda Kudhaa ee Koonfurta Jubbada Hoose oo ku Dhibaateysan Deegaanno hoos-taga Badhaadhe


Sabti, Jannaayo 19, 2013 (HOL) —Boqollaal qoys oo dhawaan ka barakacay dagaallo iyo duqeymo jaziiradda Kudhaa ee gobolka jubada hoose ku dhexmaray xoogagga Al-shabaab iyo ciidamada Kenya ayaa lagu soo waramayaa in ay ku dhibaateeysanyihiin deegaano ku dhowdhow Jaziiradaasi.

Mid kamid ah odoyaasha ku dhaqan Jaziiradda Kudhaa oo u waramay HOL isagoo codsaday in aan magaciisa la xigan sababo dhinaca ammaanka la xiriira, ayaa sheegay in duqeymo ay horaantii bishii tagtay Jaziiradda Kudhaa ay isku weeydaarsadadeen xoogagga Al-shabaab iyo maraakiib ay leeyihiin ciidamada Kenya oo ku sugnaa meel aan sida uga fogeyn Jaziiradda ay sababeen  in dadkii ku dhaqnaa halkaasi ay intooda badan isaga barakacaan.

“Ku dhawaad 500 oo qoys ayaa ka barakacay jaziiradda, dadkaasna nolol aad u liidato ayay ku noolyihiin, waxayna halis u yihiin in ay oon iyo gaajo u dhintaan hadaysan helin gargaar bini aadanimo oo deg-deg ah,” ayuu hadalkiisa raaciyay.

Dadkan oo ka cabsi qabay in ay waxyeelo kasoo gaarto duqeymaha ay labada dhinac isku weeydaarsanayeen halkaasi ayaa u barakacay deegaanada Toosha iyo Seeyo oo hoostaga degmada Badhaadhe islamarkaasina 20-KM dhanka koonfur kaga beegan jaziiradda Kudhaa ee gobolka jubada hoose.

Dadkani oo u badan haween, caruur iyo dad da’ ah ayaa laga deeyrinayaan xaaladooda nololeed, maadaama dhulka ay kusoo barakaceen uu yahay dhul ay ku hardamayaan dhinacyada isku hayo gobollada Jubooyinka, islamarkaasina aysan jirin cid ilaa iyo hadda u fidisay wax gargaar biniaadanimo.

“Dadkan waxaa haysato hoy la'aan, Biyo la'an, cunto la'an iyo waliba daryeel caafimaad la'aan mana jirto cid ilaa iyo haatan gargaar u fidisey iyo cid og,” ayuu yiri mid kamid ah dadka ku dhaqan deegaanka Kudhaa oo HOL u waramay.

Jaziiradda Kudhaa oo dhanka koonfur galbeed kaga beegan magaalada Kismaayo ayaa waxaa ku dhaqan kumannaan qoys, kuwaasoo isugu jira kalluumeysato iyo dad ka ganacsada dhuxusha islamarkaasina u iibgeeya magaalada Kismaayo, haseyeeshee  mudooyinkii u danbeeyay waxaa halkaasi ka jiray dhibaatooyin dhinaca nolosha ah, kadib markii ay istaageen howlihii kalluumeysiga, kuwaasoo loo aaneynayo Maraakiib dagaal oo taagan xeebaha gobolka jubada hoose oo dhibaato ku haya kalluumeysatada iyo dabeylo xooggan oo badda ka kacay islamarkaasina sababay in ay socon waayaan doomihii kalluunka ka keen jiray badweynta.

Xasan Nuur, Hiiraan Online
hnur@hiiraan.com
Muqdisho, Soomaaliya





Post your comments

2013-01-19 12:10 PM EST
Sabti, Jannaayo 19, 2013 (HOL) — Ciidammo booliis ah oo tiradooda ay gaarayso 160-askari booliis ah ayaa wuxuu tababar uga furmay maanta oo Sabti ah xarunta gobolka Galguduud ee Dhuusamarreeb, tababarkaas oo socon doona muddo hal toddobaad ah.

2013-01-19 12:09 PM EST
Sabti, Jannaayo 19, 2013 (HOL) — Maxkamad ku taalla Koonfurta dalka Yemen ayaa maanta oo Sabti ah ku xukuntay saddex ruux oo Soomaali ah min 10-sano oo xabsi ah, kaddib markii lagu helay inay afduubeen gacanka Cadan ka afduubeen dooni ganacsi.

2013-01-19 7:53 AM EST
Sabti, Jannaayo 19, 2013 (HOL) — Cabsi weyn ayaa saqdii dhexe ee xalay soo wajahay magaalada Laascaanood ee xarunta gobolka Sool kaddib markii duleedka Koonfur-barri degmadaas uu dagaal xoogan oo muddo kooban ku dhexmaray ciidamada Somaliland oo halkaas fariisin ku lahaa iyo ciidammo taabacsan maamulka Khaatumo.

2013-01-19 7:40 AM EST
Sabti, Jannaayo 19, 2013 (HOL) — Ra’iisul wasaaraha Soomaaliya, Cabdi Faraax Shirdoon (Saacid) oo shir jaraa’id ku qabtay Muqdisho ayaa soo dhaweeyay aqoonsiga ay dowladda Mareykanka aqoonsatay dowladda Soomaaliya, isagoo sidoo kale ka hadlay dil shalay loogu geystay Muqdisho wariye iyo sidoo kale wariye kale oo xiran.

2013-01-19 7:15 AM EST
Sabti, Jannaayo 19, 2013 (HOL) — Ciidamada dowladda Soomaaliya iyo kuwa AMISOM ayaa maanta howgallo lagu soo qabqabtay boqolaal qof ka sameeyay degmooyinka Wadajir iyo Dharkeynley ee gobolka Banaadir. Iyadoo sidoo kale uu dowladda Soomaaliya isku soo dhiibay sarkaalkii amaanka degmada Jowhar ee Al-shabaab.

2013-01-19 2:47 AM EST
Sabti, Jannaayo 19, 2013 (HOL) — Madaxweynaha Soomaaliya, Xasan Sheekh Maxamuud oo booqasho ku jooga dalka Mareykanka ayaa xalay kula hadlay magaalada Minneapolis ee gobolka Minnesota dadweyne Soomaaliyeed oo tiradoodu ahayd 5,000 oo qof.

2013-01-19 2:45 AM EST
Sabti, Jannaayo 19, 2013 (HOL) — Shirkadda Isgaarsiinta ee Golis ayaa Isbitaalka weyn ee magaalada Boosaaso ku wareejisey qaboojiye loogu tala galay in dadka meydka ah la geliyo.

2013-01-19 1:59 AM EST
Sabti, Jannaayo 19, 2013 (HOL) —Dagaal culus oo u dhexeeya ciidamada dowladda Soomaaliya oo kaashanaya kuwa Raaskaambooni iyo xoogagga al-shabaab ayaa xalay ka dhacay degmada Afmadow ee gobolka jubada hoose.

2013-01-19 12:02 AM EST
Sabti, Jannaayo 19, 2013 (HOL) — Qaramada Midoobay ayaa cambaareyn dusha uga tuurtay dhibaatooyinka loo geysto haweenka oo ay ka mid yihiin kufsiga iyo guurka khasabka ah ee lagula kaco haweenka Soomaalida, iyadoo la sheegay in qofkii dambigaas lagu helo loo gudubin doono maxkamadda caalamiga ah si loogu ciqaabo dhibaatadii uu haweenka Soomaaliyeed u geystay.

2013-01-19 12:00 AM EST
Sabti, Jannaayo 19, 2013 (HOL) —Wasiirka arrimaha gudaha Somaliland, Maxamed Nuur Carraale (Duur) ayaa la filayo inuu maanta uu soo xiro wada-hadal afarta maalmood qaatay oo uu ku joogo degmadda Saylac ee gobolka Salal kaddib markii lagu heshiin waayay doorashooyinkii golayaasha deegaanka ee halkaas ka dhashay sannadkii hore.