3/18/2024
Today from Hiiraan Online:  _
Wararka Maanta- Sabti, Jan 19, 2013
Shirkadda Isgaarsiinta Golis oo Qaboojiyaha Meydadka ugu deeqay Isbitaalka Guud ee Magaalada Boosaaso [SAWIRRO]



Sabti, Jannaayo 19, 2013 (HOL) — Shirkadda Isgaarsiinta ee Golis ayaa Isbitaalka weyn ee magaalada Boosaaso ku wareejisey qaboojiye loogu tala galay in dadka meydka ah la geliyo.

Munaasabad qaboojiyahan lagula kala wareegayey oo ka dhacday gudaha Isbitaalka ayaa waxaa ugu horeyn ka hadlay hoggaanka xafiiska xiriirka dadweynaha ee shirkadda Golis Faarax Xaaji Mire.

Wuxuuna sheegay in shirkadda Golis ay tahay mid bulshada ka timid; sidaas darteedna ay mar walba u taagan taay horumarinta bulshada iyo haqab tirka baahiyahooda lagama maarmaanka ah.

Mudane Faarax ayaa intaas raaciyey in qaboojiyahani uu yahay mid si weyn loogu baahnaa, maadaama markii hore lagu khasbanaa in meydku uu muddo badan banaanka oollaado, arintaasina ay tahay mid aan habooneyn.

Agaasimaha Isbitaalka guud ee magaalada Boosaaso Dr. Cabidlaahi Siciid Aw-muuse oo isna goobta ka hadlay ayaa si weyn ugu mahad celiyey shirkadda Golis.

Wuxuuna tilmaamay in Isbitaalka magaalada Boosaaso iyo guud ahaan kuwa deegaanada Puntland ay baahi weyn u qabaan in ay helaan qaboojiyaha meydka. Dr-ka ayaa xusay in xilliyada shilalka aad loogu baahdo in meydka muddo la hayo si loo aqoonsado.

Gudoomiyaha rugta ganacsiga iyo wershedaha ee Puntland Siciid Xuseen ciid oo isagu ugu danbeyntii hadalka qaatay ayaa xusay in arintani ay tahay mid kudayasho mudan, isagoo ugu baaqay shirkadaha kale in ay Golis ku daydaan.

Waa markii ugu horeysey ee qaboojiyaha meydka la keeno Isbitaalka magaalada Boosaaso, waxaana arintan si weyn uso dhoweeyey guud ahaan qaybaha kala duwan ee bulshada.


Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
1/19/2013 12:10 PM EST
Sabti, Jannaayo 19, 2013 (HOL) — Ciidammo booliis ah oo tiradooda ay gaarayso 160-askari booliis ah ayaa wuxuu tababar uga furmay maanta oo Sabti ah xarunta gobolka Galguduud ee Dhuusamarreeb, tababarkaas oo socon doona muddo hal toddobaad ah.

1/19/2013 12:09 PM EST
Sabti, Jannaayo 19, 2013 (HOL) — Maxkamad ku taalla Koonfurta dalka Yemen ayaa maanta oo Sabti ah ku xukuntay saddex ruux oo Soomaali ah min 10-sano oo xabsi ah, kaddib markii lagu helay inay afduubeen gacanka Cadan ka afduubeen dooni ganacsi.

1/19/2013 7:53 AM EST
Sabti, Jannaayo 19, 2013 (HOL) — Cabsi weyn ayaa saqdii dhexe ee xalay soo wajahay magaalada Laascaanood ee xarunta gobolka Sool kaddib markii duleedka Koonfur-barri degmadaas uu dagaal xoogan oo muddo kooban ku dhexmaray ciidamada Somaliland oo halkaas fariisin ku lahaa iyo ciidammo taabacsan maamulka Khaatumo.

1/19/2013 7:40 AM EST
Sabti, Jannaayo 19, 2013 (HOL) — Ra’iisul wasaaraha Soomaaliya, Cabdi Faraax Shirdoon (Saacid) oo shir jaraa’id ku qabtay Muqdisho ayaa soo dhaweeyay aqoonsiga ay dowladda Mareykanka aqoonsatay dowladda Soomaaliya, isagoo sidoo kale ka hadlay dil shalay loogu geystay Muqdisho wariye iyo sidoo kale wariye kale oo xiran.

1/19/2013 7:21 AM EST
Sabti, Jannaayo 19, 2013 (HOL) —Boqollaal qoys oo dhawaan ka barakacay dagaallo iyo duqeymo jaziiradda Kudhaa ee gobolka jubada hoose ku dhexmaray xoogagga Al-shabaab iyo ciidamada Kenya ayaa lagu soo waramayaa in ay ku dhibaateeysanyihiin deegaano ku dhow-dhow Jaziiradaasi.

1/19/2013 7:15 AM EST
Sabti, Jannaayo 19, 2013 (HOL) — Ciidamada dowladda Soomaaliya iyo kuwa AMISOM ayaa maanta howgallo lagu soo qabqabtay boqolaal qof ka sameeyay degmooyinka Wadajir iyo Dharkeynley ee gobolka Banaadir. Iyadoo sidoo kale uu dowladda Soomaaliya isku soo dhiibay sarkaalkii amaanka degmada Jowhar ee Al-shabaab.

1/19/2013 2:47 AM EST
Sabti, Jannaayo 19, 2013 (HOL) — Madaxweynaha Soomaaliya, Xasan Sheekh Maxamuud oo booqasho ku jooga dalka Mareykanka ayaa xalay kula hadlay magaalada Minneapolis ee gobolka Minnesota dadweyne Soomaaliyeed oo tiradoodu ahayd 5,000 oo qof.

1/19/2013 1:59 AM EST
Sabti, Jannaayo 19, 2013 (HOL) —Dagaal culus oo u dhexeeya ciidamada dowladda Soomaaliya oo kaashanaya kuwa Raaskaambooni iyo xoogagga al-shabaab ayaa xalay ka dhacay degmada Afmadow ee gobolka jubada hoose.

1/19/2013 12:02 AM EST
Sabti, Jannaayo 19, 2013 (HOL) — Qaramada Midoobay ayaa cambaareyn dusha uga tuurtay dhibaatooyinka loo geysto haweenka oo ay ka mid yihiin kufsiga iyo guurka khasabka ah ee lagula kaco haweenka Soomaalida, iyadoo la sheegay in qofkii dambigaas lagu helo loo gudubin doono maxkamadda caalamiga ah si loogu ciqaabo dhibaatadii uu haweenka Soomaaliyeed u geystay.

1/19/2013 12:00 AM EST
Sabti, Jannaayo 19, 2013 (HOL) —Wasiirka arrimaha gudaha Somaliland, Maxamed Nuur Carraale (Duur) ayaa la filayo inuu maanta uu soo xiro wada-hadal afarta maalmood qaatay oo uu ku joogo degmadda Saylac ee gobolka Salal kaddib markii lagu heshiin waayay doorashooyinkii golayaasha deegaanka ee halkaas ka dhashay sannadkii hore.