3/19/2024
Today from Hiiraan Online:  _
Wararka Maanta- Arbaco, Jan 16, 2013
Maxkamadda Ciidamada Qalabka Sida oo xukunno dil ah ku fulisay laba askari oo ka tirsan Ciidamada Dowladda Soomaaliya

Arbaco, Jannaayo 16, 2013 (HOL) — Maxkamadda ciidamada dowladda qalabka sida ee dowladda Soomaaliya ayaa maanta xukunno dil ah ku fulisay laba askari oo ka tirsanaa ciidamada dowladda Soomaaliya kuwaasoo ku kala eedeysnaa dil iyo kufsi.

Xukunkan dilka ah ayaa waxaa fuliyay ciidammo gaar ah, iyadoo ay goobta ku sugnaayeen saraakiil ka tirsan ciidamada qalabka sida ee dowladda Soomaaliya iyo taliyaha ciidanka booliiska Soomaaliya.

“Labada askari ee xukunka lagu fuliyay waxay kala yihiin: Jamaal Axmed C/qaadir oo 23 jir kana tirsanaa ciidanka booliiska, kaasoo sannadkii 2010 dilay nin lagu magacaabi jiray Maxamed Axmed Caddoow iyo Cabdi Cismaan Magan oo 32-jir ahaa kana tirsanaa ciidamada milateriga, kaasoo 10/09/2011 kufsaday  Nuuro Caddoow Cali,” ayuu yiri guddoomiyaha maxkamada ciidamada qalabka sida Liibaan Cabdi Yaroow oo saxaafadda la hadlay xukunka kaddib.

Sidoo kale, guddoomiyaha maxkamadda ciidamada wuxuu u digay askarta kale ee ciidamada inay ku kacaan falalkan oo kale, isagoo sheegay in askarigii lagu helo uu mudan doono xukunkan oo kale.

“Xukunka askarta la toogtay waxaa ridday maxkamadda ciidamada qalabka sida waxaa loo cuskaday shareecada Islaamka iyo xeerarka dalka u degsan, waxaana labadan askari ay maxkamadda ka hor-qirteen dambigooda,” ayuu yiri guddoomiyaha maxkamadda ciidamada qalabka sidd.

Ma ahan xukunkii ugu horreeyay oo ay maxkamadda ciidamada ku fuliso askar lagu helay dambiyadii lagu soo eedeeyay, iyadoo sannadihii lasoo dhaafay sidan oo kale ciidammo ka tirsan dowladda Soomaaliya lagu fuliyay xukunno dil ah.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/16/2013 1:18 PM EST
Arbaco, Jannaayo 16, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa sheegay in dowladda Soomaaliya ay soo dhaweynayso wadahadallo walba oo nabadeed, isagoo ugu baaqay dhammaan dhinacyada Soomaalida inay kusoo biiraan qorshaha nabadeed ee dalka.

1/16/2013 11:58 AM EST
Arbaco, Jannaayo 16, 2013 (HOL) — Ururrada bulshada rayidka Somalia ayaa munaasabad ay soo qabanqaabiyeen oo ay ka qaybgaleen waxgarad fara badan oo matalayay qaybaha bulshada Soomaaliyeed iyo qaar ka mid ah fanaaniinta ayaa lagu soo dhaweeyay dhallinyaro dhawaan ku dhawaaqay inay ka tanaasuleen falalka burcadbadeednimada.

1/16/2013 8:33 AM EST
Arbaco, Jannaayo 16, 2013 (HOL) —Ciidamada maamulka KMG ee degmada Kismaayo ayaa xalay toogasho ku dilay mid kamid ah dadka rayidka, waxaana ilaa imika la garanayn sababta ka danbeeysay dilkiisa.

1/16/2013 8:24 AM EST
Arbaco, Jannaayo 16, 2013 (HOL) —Taliyaha ciidamada Booliska Soomaaliyeed Shariif Sheekhunaa Maye ayaa shir jaraa’id oo uu maanta ku qabtay xafiiskiisa magaalada Muqdisho uga warbixiyay sababaha loo xiray wariye C/casiis Cabdinuur Ibraahim Koronto oo maalmihii ugu danbeeyay ay isa soo tareeysay cambaareynta ku aadan xarigiisa.

1/16/2013 8:18 AM EST
Arbaco, Jannaayo 16, 2013 (HOL) — Xarakada Al-Shabaab ayaa bayaan ay soo saartay ku sheegtay in go'aan kama dambeys ah ay ku gaareen in dil toogasho ah ay ku fulinayso sarkaalka Faransiiska ee Dennis Allex kaasoo gacanta ay ku hayeen saddexdii sano ee ugu dambeeyay.

1/16/2013 7:57 AM EST
Arbaco, Jannaayo 16, 2013 (HOL) — Ciidamada Midowga Afrika ee AMISOM ayaa sheegay inay baaritaanno ku sameyn doonaan dhacdo dad rayid ay ku dhinteen oo shalay ka dhacday deegaanka Leego ee gobolka Shabeellada Hoose.

1/16/2013 7:38 AM EST
Arbaco, Jannaayo 16, 2013 (HOL) — Xarunta hay'adda wadahadalka bulshada ee CCD ayaa maanta lagu soo gaba-gabeeyay kulan wadatashi ahaa oo looga hadlayay qorshe-howleedka hay'adda ee sannadka 2013, kaasoo laga soo saaray qodobbo la xiriira yoolka hay'adda ay hiigsaneyso sannadkan.

1/16/2013 7:14 AM EST
Arbaco, Jannaayo 16, 2013 (HOL) — Wareegto kasoo baxday xafiiska madaxweynaha Soomaaliya, Xasan Sheekh Maxamuud ayaa wuxuu guddoomiyaha bankiga dhexe ee Qaranka u magacaabay, C/salaan Cumar Hadliye.

1/16/2013 6:40 AM EST
Arbaco, Jannaayo 16, 2013 (HOL) — Madaxweynaha Puntland iyo wefdi uu horkacayo oo maanta ka dhoofay garoonka diyaaradaha magaalada Boosaaso ee xarunta gobolka Bari, ayaa u kicitimay dalka Jabuuti.

1/16/2013 6:39 AM EST
Arbaco, Jannaayo 16, 2013 (HOL) — Madaxweyne ku-xigeenka Puntland Gen. C/samed Cali Shire ayaa maanta si rasmi ah u dhagax dhigay dhisme cusub oo ay yeelan doonto wasaaradda duulista hawada iyo garoomada ee Puntland.

1/16/2013 2:41 AM EST
Arbaco, Jannaayo 16, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo booqasho ku jooga dalka Mareykanka ayaa la kulmay 20 xubnood oo ka tirsan Congress-ka dalka Mareykanka oo uu ku jiray mudane keliya ee muslimka ah ee laga soo doorto gobolka Minnesota ee dalka Mareykanka, Keith Ellison.

1/16/2013 2:39 AM EST
Arbaco, Jannaayo 16, 2013 (HOL) — Qaylo-dhaan aad u xooggan ayaa bilihii u danbeeyey kasoo yeereysey kaluumaysatada Puntland, gaar ahaan kuwa gobolka Bari, waxayna la xiriirtaa maraakiibta shisheeyaha ee sida aan sharciga ahayn uga kaluumaysta xeebaha Soomaaliya.