3/19/2024
Today from Hiiraan Online:  _
Wararka Maanta- Isniin, Jan 14, 2013
Booliska Puntland ee Magaalada Gaalkacyo oo hor-istaagey Muddaaharaad ka dhan Xukuumadda iyo Rasaas daqiiqado socotay

Isniin, Jannaayo 14, 2013 (HOL) — Ciidamada booliiska Puntland ee gobolka Mudug ayaa maanta kala eryay dad-weyne isugu soo baxay bartamaha magaalada Gaalkacayo, islamarkaana qorsheynayey in ay dhigaan muddaaharaad looga soo horjeedo xukuumadda madaxweyne Cabdiraxmaan Faroole.

Booliska ayaa dibad baxayaasha rasaas kor ugu ridey si ay ukala eryaan, waxayna sidoo kale ka qaadeen qalab isugu jirey: Cod-baahiyeyaal iyo boorar ay ku qoran yihiin ereyo muujinaya ujeedada ay isugu soo baxeen.

Intaas kaddib ayaa waxaa saldhigga Booliska ee Gaalkacayo soo weeraray dabley hubeysan, kuwaasoo la sheegay in ay ka caraysan yihiin fara gelinta ay ciidamada ammaanku muddaaharaadkaas ku sameeyeen.

Inkasta oo ay rasaas qaddar daqiiqado ah socotey dhacday, hadana ma jiro wax khasaare ah oo soo gaarey labada dhinac, waxayna xiligan xaaladda magaaladu tahay mid degen.

Taliyaha qaybta Booliska Puntland ee gobolka Mudug G/sare Jaamac Maxamed Axmed, oo goor dhowr warbaahinta la hadlay ayaa ka warbixiyey sida ay wax u dheceen, wuxuuna sheegay in koox - uu qas-wadayaal ku tilmaamay- ay isku dayeen in ay saldhigga soo weeraraan; kaddib markii ay Boolisku fashiliyeen dibad-bax la doonayey in maanta magaalada Gaalkacayo laga dhigo.

"Dibad-bax yar  baa dhacay, wax shil ahise ma dhicin, niman dhalinyaro ah baa isteeshinka yimid, iyagiina dib ayaa looga celiyey" Taliyaha ayaa sidaas war-fidiyeenada u sheegay.

Wuxuuna digniin culus u diray dad uu tilmaamay in ay fowdada horseed ka yihiin, isagoo xusay in ciidamada ammaanku aysan marna ogolaan doonin in wax muddaaharaad ahi uu magaalada ka dhaco. "muuddaaharaad in la dhigo iyo in magaalada fowdo laga sameeyo anagu raali kama nihin, gobolkuna fowdo uma baahna iyo Puntland oo dhan".

Waa markii labaad, muddo todobaadyo gudahood ah ee ay ciidamada Booliska Puntland ee gobolka Mudug kala eryaan dad-weyne isugu soo baxay; si ay u dhigaan dibad-bax ka dhan ah  xukuumadda xiligan Puntland ka arimisa ee uu hormuudka u yahay madaxweyne Cabdiraxmaan Maxamed Faroole.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
1/14/2013 12:31 PM EST
Isniin, Jannaayo 14, 2013 (HOL) — Wasiirka arrimaha gudaha ee Somaliland, Maxamed Nuur Carraale (Duur) iyo wafdi uu hoggaaminayo ayaa maanta gaaray magaalada Saylac oo ay dhawaan ka dhaceen rabshado sababay khasaare nafeed oo dhimasho iyo dhaawac isugu jirta.

1/14/2013 12:09 PM EST
Isniin, Jannaayo 14, 2013 (HOL) —Magaalada Bujumbura ee xarunta dalka Burundi ayaa waxaa maanta ka furmay tababar dhowr casho soconaya oo la siinayo 120 ka mid ah shaqaalaha rayidka ah ee dowaldda Soomaaliya, kaas oo uu soo qabanqaabiyay ururka Midowga Afrika, iyadoo shaqaalahaas ay baran doonaan maamulka dowladnimo iyo hab-maamuuska shaqada.

1/14/2013 12:09 PM EST
Isniin, Jannaayo 14, 2013 (HOL) —Al-shabaab ayaa soo bandhigtay maanta oo Isniin ah askari Faransiis ah oo ay ku dileen weerarkii fashilmay ee ka dhacay habeenkii Sabtidu soo galaysay deegaanka Buulo-Mareer ee gobolka Shabeellada Hoose.

1/14/2013 8:24 AM EST
Isniin, Jannaayo 14, 2013 (HOL) — Ciidamada ammaanka ee dowladda Soomaaliya ayaa in ka badan 400-qof ku qabqabtay howlgallo saf-ballaaran ay maanta ka sameeyeen degmooyinka Huriwaa iyo Yaaqshiid ee gobolka Banaadir, iyadoo qaar ka mid ah dadkaas lasii daayay.

1/14/2013 7:50 AM EST
Isniin, Jannaayo 14, 2013 (HOL) — Golaha Wakiiladda Somaliland, ayaa maanta Wasiirka Qorsheynta Qaranka, Sacad Cali Shire ka dhagaystay xeerka tirokoobka dadweynaha reer Somaliland oo xukuumaddu doonayso inay dalka ka hirgaliso Diiwaangelin madani.

1/14/2013 7:44 AM EST
Isniin, Jannaayo 14, 2013 (HOL) — Xarakada Al-shabaab ayaa sheegtay inuu dhintay askari Faransiis ah oo ay dhaawac ahaan u qabteen intii uu socday howgalkii fashilmay ee Faransiisku ay ku qaadeen deegaanka Buulo-Mareer ee gobolka Shabeellada Hoose, iyagoo sheegay inuu weli nool yahay Denis Allex oo ahaa sarkaalkii la doonayay in xoog lagu furto.

1/14/2013 7:28 AM EST
Isniin, Jannaayo 14, 2013 (HOL) — Golaha Guurtidda, ayaa dood adag ka yeeshay siyaasadda Arrimaha gudaha iyo arrimaha dibadda oo ay si weyn u dhaliileen, isla markaana soo jeediyey in wax laga qabto khilaafaad jira ee doorashooyinkii abuureen.

1/14/2013 7:25 AM EST
Isniin, Jannaayo 14, 2013 (HOL) — Wasaaradda Caafimaadka Somaliland, ayaa shaacisay in gobolka Maroodi jeex uu ka dilaacay cudurka jadeecadda, waxaanay bulshadda Somaliland gaar ahaan kuwa ku dhaqan gobolkan inay goobaha caafimaadka yimaadaan si loo xakameeyo cudurkan oo aanu dalka ugu fidin.

1/14/2013 3:48 AM EST
Isniin, Jannaayo 14, 2013 (HOL) — Ciidamada maamulka Galmudug ee koonfurta magaalada Gaalkacyo ayaa dhaawacay ilaa sedex maxbuus oo dooneysay in ay ka baxsato xabsi ku yaal degmadaasi.

1/14/2013 1:22 AM EST
Isniin, Jannaayo 14, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi ayaa sheegay in howgalkii Faransiisku uu ka fuliyay deegaanka Buulo-mareer ee gobolka Shabeellada Hoose aan lagu soo wargelin dowladda Soomaaliya, wuxuuna ku tilmaamay howgalkaas mid ay dowladda Soomaaliya si aad ah u cambaareynayso.

1/14/2013 1:21 AM EST
Isniin, Jannaayo 14, 2013 (HOL) — Guddoomiyaha gobolka Banaadir, ahna duqa Muqdihso Maxamuud Axmed Nuur (Tarsan) ayaa uga digay dhallinta Soomaaliyeed ee ka yimid qurbaha inay waxyaabo anshaxa diinta iyo tan dalka ka baxsan ku sameeyaan xeebta Liido.

1/14/2013 1:18 AM EST
Isniin, Jannaayo 14, 2013 (HOL) — Madaxweynaha Mareykanka Barack Obama ayaa sheegay in taageero kooban ay ku siiyeen ciidamadii Faransiiska ahaa ee howgalka ka sameeyay deegaanka Buulo-mareer oo lagu haystay sarkaal Faransiis ah oo la doonayay in la furto inkastoo uu howlgalkaas fashilmay.