3/19/2024
Today from Hiiraan Online:  _
Wararka Maanta- Talaado, Jan 1 , 2013
Soomaaliya iyo Siiriya oo noqday Dalalkii lagu dilay Suxufiyiintii ugu badnaa ee caalamka lagu dilay sannadkii 2012


Talaado, Jannaayo 01, 2013 (HOL) — Dalalka Soomaaliya iyo Siiriya oo ay rabshado ka jireen sannadkii hore 2012 ayaa waxay noqdeen dalalkii lagu dilay suxufiyiintii ugu badnayd caalamka, iyadoo guud ahaan caalamka lagu dilay 121 suxufi, sida ay sheegtay hay’adda isku-tagga suxufiyiinta caalamka ee IFJ oo saldhiggeedu yahay xarunta dalka Belgium ee Brussels.

Hay’adda IFJ ayaa sheegtay in sannadkii 2011 lagu dilay caalamka oo dhan 107 oo keliya, iyadoo inta badan suxufiyiintaas lagu dilay qaraxyo, rasaas toos loola eegtay iyo kuwo ay ku dhacday rasaas la isdhaafsanayay iyagoo ku jira howlahooda saxaafadeed.

“Sababta keentay in dilka wariyeyaasha uu sannadkii hore 2012 sare u kaco waa xukuumadaha oo ku guuleysan waayay inay ka hortagaan dhibaateynta suxufiyiinta iyo beegsigooda,” ayuu madaxweynaha IFJ, Jim Boumelha ku yiri warsaxaafadeed uu soo saaray.

Dalka Siiriya ayaa waxaa lagu dilay 45,000 oo qof 21-bilood ee ay socdeen dagaallada looga horjeedo madaxweynaha dalkaas Bishaar Al-Asad, iyadoo dadkaas la dilay ay 35 ruux oo ka mid ah ay yihiin suxufiyiinta iyo dad kale oo warbaahinta la shaqeeya.

Sidoo kale, IFJ waxay sheegtay in 18 wariye lagu dilay gudaha Soomaaliya sannadkii 2012, halkaasoo ay ciidamada Midowga Afrika dagaalamayan xoogagga Al-shabaab, iyadoo wariyeyaashii ugu badnaa lagu dilay Muqdisho oo ay ka taliso dowladda Soomaaliya.

Weerarro abaabulan oo ka dhacay dalalka Mexico iyo Pakistan ayaa waxaa lagu dilay dal walba min 10 suxufi sannadkii hore oo keliya. Ciraaq iyo Filibiin ayaa iyagana midkiiba lagu dilay min shan suxufi.

“Kororka dilalka suxufiyiintii ugu badnaa lagu dilay sannadkan waa kuwo ku yimid xukuumadaha oo ku guul-darreystay inay difaacaan suxufiyiinta iyo Qaramada Midoobay oo kasoo bixi waday waajibkeedii ahaa inay difaacdo aasaaska ay suxufiyiintu u leeyihiin inay nabadgalyo helaan,” ayaa lagu yiri warbixin ay soo saartay IFJ.

Hay’adda oo ay xubno ka yihiin suxufiyiin tiradoodu gaarayso 60,000 oo u kala dhashay 134 waddan oo caalamka ku yaalla, ayaa sheegtay in sababta loo beegsanayo suxufiyiinta ay tahay howsha ay bulshada u hayaan iyadoo la doonayo in la aamusiyo.

Dhanka kale, hay’addu waxay sheegtay in Qaramada Midoobay ay ku darto qorshayaasheeda ku aaddan nabadgalyada suxufiyiinta in la sameeyo wacyi-gelin dadka lagu barayo in la dhowro xorriyadda hadalka, in suxufiyiinta ay noqdaan kuwo la dhowro lana joojiyo in la handado iyo in suxufiyiinta ay ka caawiso sidii ay ugu nabadgeli lahaayeen goobaha ay ka shaqeeyaan.

Tira-koobka ay IFJ soo saartay ayaa aad uga badan tirakoob ay soo saartay hay’adda RSF oo fadhigeedu yahay dalka Faransiiska, taasoo sheegtay in la dilay sannadkii hore ee 2012 suxufiyiin tiradoodu gaarayso 88, kuwaasoo ku jiray xilliga ka dilayay howlahooda saxafinimo. Iyadoo tirada ay soo saartay IFJ ay noqonayso tii ugu badnayd ee ay soo saarto muddo 17-sano ah.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/1/2013 9:13 PM EST
Dhacdooyinkii ugu waaweynaa ee Sannadkii la soo dhaafay ee 2012. Waxaa idiin soo diyaariyey Hiiraan Online iyo Bartamaha.com

1/1/2013 8:27 PM EST
Mogadishu, Somalia,Janaayo,02 2012) Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo oo ku sugan dalka Sudaan ayaa maanta waxey ku sii jeedaan magaalo madaxda dalkaas ee Khartuum.

1/1/2013 12:43 PM EST
Talaado, Jannaayo 01, 2013 (HOL) — Illaa afar askari ayaa ku dhintay, 25 kalana way ku dhaawacmeyn shil baabuur oo ka dhacay galabta duleedka bari ee magaalada Hargeysa.

1/1/2013 11:38 AM EST
Talaado, Jannaayo 01, 2013 (HOL) — Gudoomiyaha urur siyaasadeedka UGUB oo kamid ahaa ururadii ay guddiga doorashooyinka ee Puntland ku reebeen wareegga 1-aad ee diiwaan gelinta ayaa sheegay in qaab aan sharci ahayn lagu reebay.

1/1/2013 7:40 AM EST
Talaado, Jannaayo 01, 2013 (HOL) — Wakiilka xoghayaha guud ee Qaramada Midoobay u qaabilsan arrimaha Soomaaliya, danjire Augustine Mahiga ayaa sheegay in Soomaaliya ay guulo waaweyn oo la taaban karo gaartay sannadkii hore 2012 isagoo xusay in xafiiskiisa uu si kama dambeys ah ugu guuri doono Muqdisho.

1/1/2013 7:09 AM EST
Talaado, Jannaayo 01, 2013 (HOL) — Madaxwaynaha Somaliland Md: Axmed Maxamed Maxamuud (Siilaanyo) ayaa digreeto madaxweyne ku dhaqangaliyey Miisaaniyaddaa sanadkan 2013- taasoo dorraad iyadoo aan laga doodin duuduub u ansixiyeen golaha Wakiiladdu.

1/1/2013 6:57 AM EST
Talaado, Jannaayo 01, 2013 (HOL) — Ra'iisul wasaaer ku xigeenka dalka Turkiga, Bekir Buzdag oo la hadlayay wakaaladda wararka Anatolia ee dalka Turkiga ayaa sheegay in shacabka Soomaaliyeed ay ku faraxsan yihiin in Turkiga uu barbar taagnaado, isagoo intaa ku daray in shacabku ay aad ugu farxayaan markii ay arkaan diyaarad uu leeyahay Turkiga oo gargaar bani'aadamnimo u sidda.

1/1/2013 6:55 AM EST
Talaado, Jannaayo 01, 2013 (HOL) — Madaxweynaha Soomaaliya, Xasan Sheekh Maxamuud ayaa safarkiisii sagaalaad oo uu dalka uga baxo tan iyo markii u loo xilka loo doortay bishii September ee sannadkii hore wuxuu ku tagay dalka Suudaan, halkaasoo uu kaga qaybgali doono dabaal-deg loo sameynayo markii ay Suudaan xorriyadeedda ka qaadatay gumeystihii Ingiriiska.

1/1/2013 5:05 AM EST
Talaado, Jannaayo, 01, 2013 (HOL) – Mudo sanad ku dhan ayaa laga joogaan waqtigii ay si buuxda gacanta ugu dhigeen magaalada Baladweyne ciidamada maamulka gobollka Hiiraan oo xiligaa gacan militari ka hellayay kuwa dowladda Itoobiya, iyaga oo si buuxda u hantiyay gacan ku heynta magaalada 01-Jannaayo sanadkii 2012 ee ina dhaafay.

1/1/2013 4:15 AM EST
Talaado, Jannaayo 01, 2013 (HOL) — Ra’isul wasaaraha xukuumadda federaalka Soomaaliya Mudane Cabdi Faarax Shirdoon (Saacid) ayaa ugu hambalyeeyay shacabka Soomaaliya sanadka cusub ee 2013, isagoona u rajeeyay umadda Soomaaliyeed in sanadkan kiisa kale ay ku gaarto bash-bash iyo barwaaqo

1/1/2013 3:16 AM EST
Talaado, Jannaayo 01, 2013 (HOL) — Israsaaseyn xooggan ayaa xalay gudaha magaalada kismaayo ku dhexmartay dagaalyahanno katirsan Al-shabaab iyo ciidamada dowladda Soomaaliya oo kaashanaya kuwa Kenya.

1/1/2013 2:54 AM EST
Talaado, Jannaayo 01, 2013 (HOL) — Kooxo hubeysan oo aan heybtooda la aqoon ayaa xalay gudaha magaalada Kismaayo ku dilay oday dhaqameed siweyn looga yaqaan magaalada Kismaayo, iyadoona aan la garanayn ilaa imika sababta ka danbeeysa dilka loo geystay nabadoonkaasi.

1/1/2013 1:25 AM EST
Talaado, Jannaayo 01, 2013 (HOL) — Sannadkii hore ee 2012 waxaa gudaha dalka Soomaaliya ka dhacy dhacdooyin kala duwan oo isugu jiray kuwo murugo reebay iyo kuwo farxadeed, iyadoo sannadkii hore la dilay 18 wariye oo ka howlgalayay warbaahinta dalka, kuwaasoo intooda badan lagu dilay magaalada Muqdisho.

1/1/2013 1:18 AM EST
Talaado, Jannaayo 01, 2013 (HOL) — Iyadoo ay shalay ku ekeyd muddadii ay horay guddiga doorashooyinka ee Puntland ugu qabteen furashada ururada siyaasadda, ayaa waxaa si rasmi ah loo shaaciyey ururada buuxiyey shuruudihii diiwaan gelinta ee uu guddigu aqoonsaday.

1/1/2013 12:36 AM EST
Heesta Sannadka Cusub ee 2013: Maxamed S. Tubeed - Waan heesayaayee, Sannad waliba hoodiyo howl iyo dhibaatiyo wuxuu hadimo leeyahay....